الموضوع: انت تسأل وإستشاري منتدى متسوبيشي يجيب (2)

معلش فيه بعض الأسئلة لم يتم الرد عليها علشان ارسلتها لمهندسي التوكيل يرسلوا الرد ولسه ما جاش بس مش ناسيها

المشاركة الأصلية كتبت بواسطة abduljaleel

شكرا للمهندس / أحمد ..على البحث الجميل جدا عن فوائد وخصائص غاز النتروجيت وأعتقد أنك أختلف عليك الأمر بخصوص إجابتي عن غاز النتروجين.. نحن جميعا لا نختلف على المعلوملت التي اسردتها .. ولكننا كمركز صيانة معتمد لا نعتمد إلا ما تم به اعتماد السيارة عند تصنيعها وتجربتها من الشركة وبناء عليها تم اجتيازها لأختبارات القبول والتصريح لها بالبيع في الأسواق
وكنك لك مطرق الحرية في تبديل الهواء بالأطارات بالنتروجين إن أحسست أن هذا مريح لك وهذا التبدبل بوجه عام لم يؤثر على أجزاء السيارة .
لذلك فأننا في التوكيل الرئيسي لا يوجد عندنا غاز نتروجين لتزويد سيارتك به عن الأحتياج له وكذلك في جميع فروعنا
لذلك فأننا ننصح بما هو معهود عندنا لكي نستطيع أن نساعدك عند أحتياجك له
وكذلك ضع في الاعتبار أنه لاتوجد مراكز للتزويد وبالنتوجين كثيرا في مصر
وهذا كما قلت لا ينفي المعلومات التي قدمتها
وهذا للإضاح فقط
وشكرا
مهندس/ عبد الجليل أحمد - المركز الرئيسي بقليوب

باشمهندس عبد الجليل منورني في الموضوع اهلا يا باشا
طيب شوف سؤال ولا اتنين كده من اللي محتاج اسئلكم فيها ورد عليه ولا لازم اطبعهم على ورق وابعتهم لكم .. شوية مساعدة يا باشا

اهو السؤال الجاي ده انا مش عارف الاجابة بتاعته ..

المشاركة الأصلية كتبت بواسطة wellsh

السلام عليكم

انا معايا لانسر 1300 اتوماتيك موديل 2007

ممكن استفسر عن اذا ما حبيت تركيب غاز بدلا من البنزين هل سيكون هناك مشكلة علي موتور العربية

وشكرا

سيتم الاجابة عليه لاحقا لما اتأكد منها

المشاركة الأصلية كتبت بواسطة littlepharoe

شكل اللانسر البومه هل سيحدث فيه أى تغيير فى مودبل 2010
والى متى سوف يستمر لأنى بصراحه مش عايز اكون هااشترى الشكل اللى بعد كده هيبقى اسمه الشكل القديم
وشكرا لسيادتك.

شكل اللانسر بومة 2010 هو نفسه بدون اي تغيير ومستمر بمحرك 1300 و1600 كما هو وكذلك شكل اللانسر شارك 2010 هو نفسه مع تغييرات بسيطة زي لون العدادات ازرق بدلا من احمر

المشاركة الأصلية كتبت بواسطة onsi

السلام عليكم يا باشمهندس طارق
لية طلب لو سمحت... انا عاوز اركب السى دى تشنجر 6 اسطوانات بتاع البومة ابو 1500 جنية فهل ممكن اركبة فى التوكيل اللى انتى شغال فية , فلو حضرتك تتأكد انة موجود وكمان القطعة البلاستك بتاعة الوش ياريت تقولى عشان انا ان شاء اللة ناوى اركبة اول الشهر الجديد.... وبرضة انا مش عارف هل فى الحالة دى هحتاج حجز برضة ولا المسألة بسيطة وممكن من غير ميعاد ولا حجز؟ واذا كان فى حجز انا بطلب من دلوقتى ميعاد وكويس ان حضرتك هناك عشان اشوفك شخصيا واتعرف عليك

هو الراديو كاسيت والسي دي لا يباعوا في التوكيل وانما في معارض بيع اللانسر وبيكونوا جايبنهم من الخليج وبشكل عام احنا مش بنركب اي اكسسورارت في التوكيل (راديو كاسيت - جهاز انذار - ....) فحضرتك هتسأل عليه اي معرض لانسر وتشتريه منه وتركبه في مركز متخصص زي ادريان او ما شابهه ...ومبروك مقدما