الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة tarekgaafar000

السلام عليكم
متشكر جدا على ردك يا باشمهندس / طارق
بس انا اقصد من سؤالى أنه بالنسبة للفتيس الجديد sport mode حال استخدامه على الوضع الاوتوماتيك العادى على ال d فما هو مدى شعور قائد السيارة بالنقلات , مع ملاحظة انى سبق وجربت قيادة البومة 1300 اوتوماتيك موديل 2006 , وكان الشعور بالنقلات غير محسوس , فهل يتشابه الفتيس الجديد فى الشعور بالنقلات مع 1300 موديل 2006 , ام ان الاحساس بالنقلات يُشعر به بشكل واضح .
و شكراً......,

الحقيقة انا مجربتش سواقة البومة 2010 انما سألت اللي جربوها ومهندسي الصيانة وهي فعلا مثل الفتيس الاوتوماتيك في 1300 بدون cvt مع اضافة موضوع السبورت مود لكن لا يشعر فيه بالنقل بشكل واضح

المشاركة الأصلية كتبت بواسطة seaman

باشمهندس طارق ..
اولا انا بشكر حضرتك على ذوقك وادبك واحنا بنعتبرك مكسب كبير لينا فى المنتدى
ثانيا.:استفسار بعد إذنك...انا الحمد لله أشتريت لانسر بومه 2010 1600 خليجى وعايز أعمل الصيانه فى التوكيل ينفع ولا لا...
ولو ينفع تتكلف كام صيانه 1000 كم..
-وكنت عايز أركب فوانيس شبوره فى التوكيل تعمل كام ..
وتقبل تحياتى مره أخرى

اهلا وسهلا بيك وشكرا على كلماتك والف مبروك العربية
طبعا ممكن الصيانة تتعمل في التوكيل والفرق فقط بينك وبين العربية المصري هو الضمان (وكذلك في صيانة الألف الأولى فقط المصنعيات مجانا اما الخليجي بيدفع المصنعيات وهي حوالي 75 جنيه انما الاتنين بيدفعوا تكلفة الزيت موبيل وان والفلتر 210 + 50 + 10% ض.م)

للأسف فوانيس الشبورة الأصلي غالية (الواحد بـ 1650 جنيه)

المشاركة الأصلية كتبت بواسطة invisiblebaby

السلام عليكم

الأخ الفاضل / م. طارق

واجهتني اليوم مشكلة غريبة في سيارتي ( لانسر سوبر أكشن 2008 )

باختصار:
عند إدارة المفتاح تقوم لمبة ال abs كغيرها بالاضاءة لثواني ثم تنطفيء ولكن المشكلة هي صدور صوت غريب من داخل الكبوت وأعتقد بنسبة كبيرة صدوره من وحدة ال abs الصوت يشبه صوت دوران موتور كهربي صغير , الصوت يستمر لثانية أو ثانيتين فقط ويحدث كل مرة يتم ادارة المفتاح فيها سواء قمت بإدارة المحرك أم لا، وغالبا يحدث بعد أن تنطفيء لمبة ال abs مباشرة وأحيانا قبل أن تنطفيء
مع ملاحظة أنه لو قمت بالضغط على دواسة الفرامل قبل إدارة المفتاح في الكونتاكت لا يحدث الصوت

وأيضا عند الضغط على دواسة الفرامل أحيانا يحدث هذا الصوت مصحوبا برعشة ومقاومة ملحوظة جدا في دواسة الفرامل ولكن يستمر الصوت والرعشة بالدواسة طالما استمر الضغط على دواسة الفرامل حتى أثناء توقف السيارة ( أيضا يحدث ذلك بعد إدارة المفتاح بالكونتاكت سواء كان المحرك يعمل أم لا )

المشكلة ظهرت عقب غسل السيارة من الخارج والصالون ولكن لم يتم غسل المحرك

مع العلم أني قمت بتجربة فرامل الabs بعد المشكلة وتعمل بصورة طبيعية رغم استمرار المشاكل التي ذكرتها.

آسف للإطالة

وجزاك الله خيرا

زي ما احد الأخوة الأعضاء رد على حضرتك في الموضوع المنفصل عن المشكلة دي انها ممكن تكون مؤقتة بسبب الماية ولذلك ممكن تنتظر يوم واحد واذا استمرت المشكلة معناها انها مش ماية ولازم تكشف على الفرامل لمعرفة سبب المشكلة ايه

المشاركة الأصلية كتبت بواسطة shady333

بشمهندسنا المهندس طارق المحترم جدا

كنت سالت حضرتك بخصوص البنزين قبل كده و حضرتك قالتلى يفضل وضع 92
بس الفكرة لما العربية دى نزلت مصر سنة 98 ماكنش لسة فى بنزين 92 و قريت برضه ان فى حاجة اسمها نسبة انضغاط المحرك و هى دى اللى بتحدد انهو نوع بنزين المفروض يحطه فممكن حضرتك تيفيدنا بأجابة شافية بخصوص هذا الموضوع

معلش فى حاجة غريبة لحظتها ان العربية بيبقى سحبها و ادائها احسن بكتيير فى الجو الحر عالما باننى استخدم زيت شيل التخليقى 100% و الذى يعمل10000 كيلو فهل الزيوت التخليقية مثلا لا تناسب هذا الماتور 1300 سى سى 1998

هل فرع جسر السويس به جهاز بط المحرك و هل يوجد جهاز للكشف عن الفيتيس الاوتوماتيك و ضبطة عالشان انا حولت و نفسى اجى فرع قاليوب عالشان اتعرف على حضرتك لكن للاسف توهت على الدائرى

متشكر جدا على تعاونكم و اسف على الاطالة

انا عرضت السؤال على المهندس احمد عناني مدير الورشة في مركز الخدمة الرئيسي وقال (( انه بالنسبة للبنزين ممكن اوكتان 90 وطبعا الأفضل اوكتان 92 وللأسف دائما تكون نسبة الأوكتان الحقيقية عند القياس اقل من المعلن عنها

وبالنسبة لنسبة الانضغاط كلما كانت عالية يتم اختيار بنزين اوكتانه عالي

اما عن موضوع ان سحب السيارة افضل في الجو الحار فالأفضل تشرفنا في التوكيل لاجراء فحص وكشف على العربية))

فرع جسر السويس فيه جهاز ضبط محرك وجهاز كشف على الفتيس الاوتوماتيك وعموما فيه موضوع مثبت في قسم اهم موضوعات منتدى ميتسوبيشي بيوضح بخرايط جوجل موقع مركز الخدمة الرئيسي في قليوب

المشاركة الأصلية كتبت بواسطة rabeden

السلام عليكم
سؤال لحضرتك، هل التوكيل كافى دون غيره للكشف على سيارة لانسر كريستالة او بطة قبل الشراء لانى شايف كله على البومة والشارك اكتر بس وشكرا لسعة صدرك وجزاك الله عنى خيرا

الكشف في التوكيل بيكون افضل من محطات البنزين لأن في التوكيل بيكونوا عارفين العربية كويس ، وبالتالي عند الكشف فني السمكرة بيشوف فيها حوادث ولا لأ ، وفني الميكانيكا بيكشف على المحرك وقوته وقطع الغيار الغير أصلية اللي في العربية وعلى الفتيس ، وفني الكهرباء بيكشف على التكييف والعربية بشكل عام وبيكون فيه تقرير بيحدد العربية محتاجة ايه