الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة TarekGaafar000

هل زاد حجم الإطارات فى البومة ( سبورت - سام ) موديل 2010 عن الموديلات السابقة ؟ وما هو عدد الأحصنة وقوة العزم ؟ وهل تزيد عدد الأحصنة فى المواصفات الخليجى عن المواصفات المصرية ؟

لأ حجم الاطارات في البومة 2010 هي نفسها 15 بوصة كما هي في الكام سنة السابقين (الشارك فقط هي اللي 16 بوصة)

عدد الأحصنة وقوة العزم

في المصري (او المصري والأردني) :
88 حصان / 6000 دورة في الدقيقة
112 نيوتن .متر / 4500 د.د

البومة 1600 سي سي
المانوال
105 حصان / 6000 د.د
138 نيوتن .متر / 4500 د.د

الاوتوماتيك
106 حصان / 6000 د.د
142 نيوتن .متر / 2750 د.د





وفي الخليجي :
البومة 1300 سي سي
88 حصان / 6000 دورة في الدقيقة
112 نيوتن .متر / 4500 د.د

البومة 1600 سي سي
107 حصان / 6000 د.د
142 نيوتن .متر / 2750 د.د

المشاركة الأصلية كتبت بواسطة abcdefghi

سلم عليكم يبشمهندس طارق ، لو سمحت سؤال أنا عملت صيانة الألف للانسر الشارك .و راجل حت أربعة لتر زيت وتلات أربع . ولما إست مقياس الزيت لقيتو فوق المكسمم. هل كدة في مشكلة ولا أمشي بيها عادي ? Thank you

في العربية الشارك عند تغيير الزيت يلزم اربعة وتلت لتر مع الفلتر ، ويجب ألا تزيد في المقاس عن الوضع الأعلى (الماكسمام) حتى لا يضر المحرك ويراعى ان تكون السيارة واقفة على مستوى غير مائل اثناء القياس
يعني كده فيه تلتين لتر زيادة وده كتير

المشاركة الأصلية كتبت بواسطة mohamedmg

السلام عليكم بشمهندسنا الجليل
اشكرك على سرعة الرد في موضوع الإكصدام بس هل ممكن ادفع تمن الإكصدام واحجزه ثم اركبه في يوم اخر علشان مأقدرش استغنى عن العربية في الشغل
وأيضا محتاج اعرف سعر طرمبة المياه (لانسر 2007 1600) لأن العربية بها ترشيح بسيط من الفايظ اعلى الطرمبة (العربية عاملة 104500 ) هل تحتاج الطرمبة للتغيير ام من الممكن اصلاحها . مهل هذا يحدث طبيعي ام هناك سبب تاني بوظها. علما بأنني لم انظف الراديتير ابدا وأزود المياه فقط حاجة بسيطة كل 10000 كم ولم اغير المياه بالكامل ابداً
ونشكر حسن التعاون

ممكن طبعا يتم في اليوم الأول شراء الاكصدام وتركه للدهان وتركيبه في يوم تاني
سعر طرمبة الماية 585 ج + 10% ولا يمكن اصلاحها وانما تتغير فقط
وهل تم تغيير سير الكاتينة ام لا
ومياه الردياتير تتغير كل 100 ألف كيلو

المشاركة الأصلية كتبت بواسطة astro5051

ايه رايكم فى لانسر بطه عايز اعرف كل حاجه عنها؟؟؟ سعرها كام دلوقتى؟

سؤال حضرتك عام
اللانسر البطة هي موديلات 93 و 94 وما قبل الكريستالة وهي عربية كويسة بالطبع وبالنسبة لقطع الغيار متوفر منها في السوق الكتير ولكن في التوكيل قلت قطع الغيار المتوفرة لها نظرا لقدم العربية
سعر العربية الحالي في سوق المستعمل للأسف مش عارفه انما ممكن حضرتك تراجع مواقع بيع السيارات المستعملة

المشاركة الأصلية كتبت بواسطة islam_hady

صباح الخير يابشمهندس انا عضو جديد فى المنتدى وبصراحة انا باشكر حضرتك على المجهود الرائع ده انا فعلا استفدت وعرفت حاجات كتيره جداز انا معايا لانسر 1300 موديل 2006 وكنت عايز احدد موعد اجى التوكيل فى قليوب عشان
1- اضبط تاكيهات
2- اغير طقم السيور
3- تنظيف رشاشات ودورة الانجيكشن
4- تربيط العفشة

ياترى اسعار الحاجات دى كام وكمان افضل يوم اجى فيه امتى وطبعا اتمنى اتشرف بمعرفة حضرتك

عرضت المشكلة على المهندس عبد الجليل وقال ان تغيير السيور يتم عند الكيلو متر 80 ألف مع سير الكاتينة
تنظيف الرشاشات يوجد منظف يضاف للبنزين وسعره 60 جنيه
تربيط العفشة 44 جنيه
ممكن حضرتك تجيب العربية في اي يوم ما عدا الجمعة لكن بدري خاصة لو فيه تغيير مجموعة سير الكاتينة

المشاركة الأصلية كتبت بواسطة abdlhameed

السلام عليكم ارجو من الله ان تكونوا بصحة جيدة في عندي سؤال عندي لمبة الصالون الى بتنور عند فتح الباب والمعروف انو لما تسكر الباب تنطفئ بعد ثواني معدوده انا مشكلتي انو هذه اللمبة مبتنورش خالص عند فتح الباب مع العلم انو انا عمال الزرار الى بتحكم على المنتصف يعني بتنور لما بتفتح الباب ارجو ان اعرف ما هي المشكله فحصت الفيوز الي مسئول على اللمبة دي لقيتو تمام ماقي عطل طيب اي هو الي بيكون مسؤول عن تأخير انطفاء اللمبه عند تسكير الباب وين ممكن اجده في السيارة هو فيوز معين او دارة توقيت ارجو الى عندو معلومه حتى لوكانت صغيرة ان يفيدني بها وجزاكم الله خير الجزاء

عند فتح الباب لو كانت لمبة الباب اللي في التابلوه بتنور يبقى المشكلة في وحدة الايتاك

اما اذا كانت لمبة الباب لا تنور فالمشكلة في الفيوز فقط