بالعكس انا بارحب فعلا بالمساعدة في الرد على اسئلة الأعضاء خاصة علشان احيانا باكون مشغول واتأخر في الرد واحيانا انتظر لغاية لما اجيب ردود من مهندسي التوكيل على بعض اسئلة للأعضاء
في البومة مش بيظهر وللأسف الكتالوج مش عندي
اهلا يا باشمهندس محمد وشكرا لكلامك
ايه حكاية الكلاب اللي مطلوقة على العربيات اللانسر اليومين دول ، فيه برضه عضو معانا عمل موضوع مشابه بس عربيته شارك
هو الاكصدام الأمامي بالدهان حوالي 2000 جنيه وفيه الكلبسات و الخلفي ممكن يتم ظبطة انما موضوع يوم واحد مش هينفع علشان الدهان انما ممكن حضرتك تجيب العربية في يوم وتاخدها بعد يومين والكلام ده عندنا في مركز الخدمة الرئيسي في قليوب لأن جسر السويس بالحجز ومراكز الخدمة المعتمدة في القاهرة (الرواس) مش عارف ظروفهم ايه
هو لو عطل فعلا لازم يتغير بالكامل انما مش اي عطل يعني فيه اعطال بيتغير فيه حساسات الفتيس sensors والكشف على الفتيس بوحدة تحليل الأعطال هي اللي بتحدد الفتيس مشكلته ايه
لأ ابدا كل ملاك العربية بيستخدموا بنزين 92 بدون اي مشاكل
فيه مواضيع كتير اتكلمت في الموضوع ده هنا في المنتدى وممكن تبحث عنها بكلمة (لانسر 1300) وتشوف آراء الأعضاء والمجربين
وانا رأيي الشخصي ان الموضوع يتوقف على طبيعة السائق يعني لو حضرتك استخدامك عادي او هادي فمش هتشعر بأي مشكلة اما لو بتحب الشد والجري بالعربية فمش هيعجبك سحب العربية وتحس انها ضعيفة خاصة لو سقت 1600 قبل كده
انما الموديل مفيهوش اي مشاكل
المفضلات