الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة mohamedanis

السيد المهندس / طارق
شكرا على المجهود الرائع لسيادتك
سؤالي عندي سيارة لانسر بومة 2007 مانيوال غيرت تيل الفرامل الامامي في التوكيل (جسر السويس) من شهر تقريبا من وقتها عندي مشكلة في الفرامل المفاجئة هناك صوت اهتكاك شديد في الناحية اليمنى امامي (زي زحف للعجلة الامامية يمين ) اتصلت بالتوكيل وروحتلهم واحد الفنين جرب العربية وقالي ده صوت ال abs بصراحة مش مقتنع بكلام ده اية رأي حضرتك

هو لو صوت احتكاك شديد زي ما حضرتك بتقول وكمان صوت جديد غير معتاد زي السابق يبقى فيه حاجة غلط
حضرتك ممكن تجيب العربية مركز الخدمة الرئيسي ويتم تجربة العربية والكشف عليها

المشاركة الأصلية كتبت بواسطة mizo31

السلام عليكم و رحمه الله وبركاته
بعد الاشتراك في هذا المنتدي الرائع ارجو الرد علي سؤالي
عايز اعرف اسعار مساعديين لانسر 98 الامامي

الأصلي في التوكيل موجود وسعر الواحد 775جنيه + 10%

المشاركة الأصلية كتبت بواسطة mmhasanm

صيانة 100000 بوما 2006 ؟؟؟؟؟؟؟

لو صيانة الـ 80 ألف اتعملت بالكامل (يعني مجموعة الكاتينة وسيور باور وسير تكييف وبوجيهات وفلتر هواء وفلتر بنزين وزيت فتيس ) فهتكون صيانة ال 90 ألف و 100 ألف و 110 ألف فقط زيت وفلتر وصيانة عامة (مثل صيانة 10 و 20 و30)
اما لو فيه حاجه من صيانات التمانين الف لم تعمل فهتتعمل في ال 90 أو 100

المشاركة الأصلية كتبت بواسطة egy_fan

سؤال للمهندس طارق. ما هى اسعار و كماليات السياره ميتسوبيشى كولت و هل الوكيل عنده كولت شكل البومه و الشارك ام لا ؟
شكرا

تجربة الوكيل مع تسويق الكولت 2007 لم تكن جيدة واستمر بيعها حتى منتصف 2009 نظرا لارتفاع سعرها حيث انها صناعة اوروبية ، وبالتالي فمن الصعب تكرار التجربة مع الشكل الجديد 2010 وبالتالي هي غير موجودة

المشاركة الأصلية كتبت بواسطة ebhhu2

السلام عليكم و رحمة الله و بركاته،،
المهندس العزيز/ طارق،،

أنا ليا سؤال: ايه هى الاحتياطات و النصائح المفروض اعملها و انا مسافر بالعربية مسافة طويلة (حوالى 550 كم).
و كمان كان فى حد قالى انه غلط انى امشى على الغيار الخامس مسافة طويلة (فأيه اللى المفروض اعمله) و هل حضرتك تنصح بالراحة فى الطريق ولا المسافة كلها تتاخد مرة واحدة.

العربية لانسر 2009 للعلم.

لك جزيل الشكر يا بشمهندس.

مفيش مشكلة من السفر لمسافات طويلة بدون راحة الا اذا كان الجو حارا جدا فالأفضل التوقف للراحة وتبريد السيارة في منتصف الطريق
وبشكل عام اكيد اخذ قسط من الراحة في منتصف الطريق افضل للسيارة وللسائق والركاب حتى انه في الطائرات التي تطير لمسافات طويلة ينصح بأن يحرك الركاب ارجلهم خلال الرحلة اذا لم يتمكنوا من التحرك داخل الطائرة

فلتر التكييف في الشارك في نفس مكانه في البومة خلف درج التابلوه وفيه موضوع في قسم اهم الموضوعات بيشرح طريقة التغيير بالصور

سعر الولاعة في الشارك 180 ج + 10%