الموضوع: انت تسأل وإستشاري منتدى متسوبيشي يجيب (2)

اعتذر عن التأخر في الرد على مجموعة الأسئلة الأخيرة وذلك نظرا لظروف العمل خلال الاسبوع الحالي وغدا الخميس باذن الله اتابع الرد على تلك الأسئلة

المشاركة الأصلية كتبت بواسطة elahly

السلام عليكم
الحمد لله ربنا كرمني وجبت عربية لانسر ٢٠٠٦ أوتوماتيك من يومين
بس لاحظت حاجة غريبة أوي في الفتيس لما بكون على وضع السبات park و انقل على drive أو revers الفتيس بيتحرك عادي منغير مدوس على دواسة الفرامل
يا ترى ده عيب فالفتيس ولا كهربا ولا مش عيب أصلاً؟
شكراً للإهتمام

اولا مبروك العربية
مفيش عيب ولا حاجة لأن مفيش علاقة بين الفرامل والفتيس انما من باب الاحتياط احنا بنضغط على الفرامل قبل النقل من المور N الى الحركة D خوفا من تحرك العربية فجأة قبل الاستعداد انما ممكن النقل والحركة بدون دوسة الفرامل

المشاركة الأصلية كتبت بواسطة ahmahm1981

يابشمهندس سؤال مهم
عربيتى لانسر 2006 أوتوماتيك خليجى رياضية
1600 سى سى
عاملة 30000 ألف كيلو
المشكلة لما حبيت أشغل العربية فى مرة
إشتغلت معايا وبعدين طفت على طول وكانت على n
وحاولت اشغلها تانى علشان أطلع بيها مش راضية تدور
ملحوظة /
- البطارية شغالة ومشحونة مية مية بدليل جهاز الإنذار شغال والنور شغال
- المارش شغال لأنه لما بدور صوت المارش بأسمعه
- العربية فيها بنزيـــن لأن لمبة الاحتياطى مش منوره
لكن العربية مش راضية تدور
ياترى السبب إيه ؟؟؟؟؟؟؟

فيه اسباب كتير تخللي العربية متدورش منها مثلا ان البنزين مش بيوصل للمحرك او اسباب تانية فلازم يتكشف على العربية

المشاركة الأصلية كتبت بواسطة m0hamed_awad

بعد إذنك يابشمهندس أنا عندى لمبة الsrs بتزاولنى بئالها فتره يعنى بتأيد وبتطفى وأنا ماشى ماهو الحل ..شكرا جزيلا

لمبة الايرباج اوSRS لما بتنور فده احتمال بيكون نتيجة تركيب كاسيت او جهاز انذار واثر على وحدة الكمبيوتر ومحتاج عمل ريسيت له بواسطة التوصيل بجهاز تحليل الأعطال ، والاحتمال التاني ان يكون فيه قطعة زي شريط للايرباج في الدركسيون محتاج تغيير وسعره في حدود 300 جنيه

المشاركة الأصلية كتبت بواسطة molly

هل ماتور الشارك بة سير كاتينا حديد وهو السبب فى صوت العربية العالى

سير الكاتينة فعلا معدن في الشارك انما ده مش سبب الصوت العالي (وهو عالي نسبيا مش عالي اوي) وده اعتقد ان سببه ان المحرك بتكنولوجيا مايفك

المشاركة الأصلية كتبت بواسطة molok

المهندس /طارق المحترم
عاوز اعرف سعر السيارة المستعملة الانسر 2008 سوبر اكشن عامله 60000 كيلو اوتوماتيك 1600سى سى و رشة حزام نظافة السعر يعمل كام الان بالسوق

انا مش خبير في اسعار المستعمل انما اعتقد سعرها في التسعينات

المشاركة الأصلية كتبت بواسطة tareksaber

السلام عليكم ورحمة الله وبركاته
بعد اذن حضرتك م/ طارق ان شاء الله انا هعمل صيانة 60000 الاسبوع المقبل لو أمكن اعرف ايه اللى هيتغير فى الصيانة دى
وشكرا
لانسر 1600 منيوال 2007 عامله 60000 ك

اذا كانت صيانة الأربعين تمت كما يجب يعني اتغير فيها الزيت والفلتر وفلتر البنزين وفلتر الهواء وزيت الفتيس والبوجيهات فان صيانة الخمسين والستين والسبعين بتكون مثل صيانة العشرة والعشرين والتلاتين صيانة عادية زيت وفلتر ومراجعة على تيل الفرامل والعربية بالكامل مراجعة فقط
اما اذا كان فيه حاجة من حاجات صيانة الأربعين لم تتم في وقتها فبتتعمل في الخمسين او الستين

وعموما فيه موضوع تفصيلي مثبت عن الصيانات بيشمل كل الصيانات

http://www.nilemotors.net/Nile/46165-a.html