الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة meromar

باشمهندس طارق بعد اذنك عاوز اعرف فردة الكاوتش بتاعة اللانسر الشكل الجديد دانلوب مقاس 205/60 سعرها كام وشكرا لحضرتك

في التوكيل لا يتم بيع اي ماركة كاوتش وانما بيتم شراؤها من وكلائها حين الحاجه خلال الاصلاح

المشاركة الأصلية كتبت بواسطة wesam_sobhy

لانسر صينى بومة قطع الغيار يابانى بالكامل لانسر الوكيل الرواس كاملة مانيوال ماتور رياضى لانسر1600 هاى لاين - وعاملة 38000 كيلو ولسه فيها ضمان الرواس - ورشة جنب ومغير فانوس

اشتريها بكام مع العلم ان صاحبها عايز فيها 55 وكان شاريها ب 70 الف والعربية حالتها ممتازة
وقطع غيارها ايه نظامه - بيقول ان معظم قطع الغيار مش موجودة فى التوكيل وبيوفقلها قطع غيار من الللانسر

الحقيقة انا مش عارف سعر اعادة البيع للايونسيل في السوق ايه وكذلك مش عارف حاجه عن قطع غيارها - اعذرني كل خبرتي من خلال عملي في توكيل ميتسوبيشي فقط

المشاركة الأصلية كتبت بواسطة aratux

ألف شكر يا باشمهندس على الحجز يوم السبت اللى فات
بس للأسف انا كنت برضه طالب ضبط موتور لكن بعد ما خرجت إكتشفت إن الموتور بقى اسوأ بالذات لما تكون العربية باردة و ادورها ممكن الار بى غم ينزل ل 400
كنت ناوى اجيبها تانى يوم السبت التوكيل لكن مرتبط بسفر
ينفع السبت اللى بعده؟؟ علما إن الفاتورة مكتوب فيها المراجعة خلال أسبوع!!

ألف شكر

ينفع طبعا في اي وقت
للأسف انا مدخلتش النت اليومين اللي فاتوا مش عارف حضرتك عملت ايه النهادره

[QUOTE=hazem66;3872056388]

المشاركة الأصلية كتبت بواسطة مصراوي جدا

بشكل مبدئي خبطة العتب تتكلف حوالي 450 جنيه
اما الفانوس فسعره 820 جنيه شامل الضريبة لو اللمبات والدويات والكلبسات موجودة وسليمة ولو كامل شامل الحاجات دي فسعره 902 جنيه
المهندس العزيز / طارق
اشكرك كل الشكر على مجهودكم فى الرد على استفسارات الاعضاء وانا قد قمت بابلاغ شركة التأمين بتكلفة الاصلاح المبدئية فوافقوا وقالوا لى انه يجب عليا ان اقوم بالاصلاح واوافيهم بالفاتورة ولكن المهم ان اوافيهم بمقايسة لعملية الاصلاح كقطع غيار وسمكرة ودهان وهكذا وعلى ان تكون اغلى نسبيا من قيمة الاصلاح المتفق عليها حتى يبدوا وكأنهم تفاوضوا فى السعر.
السؤال الان:
1- هل ممكن الحضور يوم الخميس القادم حتى اقوم باعمال صيانة الـ 20000كم بالاضافة لعملية اصلاح العتب وتغيير الفانوس من عدمه.
2- هل من الممكن توفير هذه المقايسة مع الفاتورة على ان تكون تكلفة اصلاح العتب فى المقايسة حوالى 1000 جنيه وطبعا الفاتورة ستكون بالمبلغ المتفق عليه والمدفوع فعلا.
3- هل يكفى يوم واحد لاصلاح العتب ام ان الامر سيستدعى ان تبيت السيارة لدى التوكيل حتى ارتب امورى لانى من الفيوم كما تعلم.
4- اذا كان الامر كذلك هل اطمع فى ان تحجز لى يوم الخميس القادم لاقوم بتنفيذ هذه الاعمال الاصلاح والصيانة.
واخيرا لك كل التحية وكل التقدير والمودة

- ممكن طبعا الحضور الخميس لكن سيكون للصيانة وليس الاصلاح لأن في حالة السمكرة والدهان لازم العربية تبات فحضرتك ممكن تجيبها الخميس وتتعمل الصيانة الميكانيكية ويتم الاتفاق على الاصلاح السمكرة والدهان وباذن الله الاستلام مش هيتأخر
- هيتم عمل مقايسة تاخدها حضرتك معاك وتسدد 50% من قيمتها مقدما وعند الانتهاء بيتم سداد باقي قيمة الفاتورة الفعلية ثم محاسبة شركة التأمين عليها
- سيتم الحجز مبدئيا يوم الخميس

المشاركة الأصلية كتبت بواسطة aburawa

شكرا لهذا الموضوع الرائع
املك لانسر 2007 ولدي بعض الاسئلة
(1) متى؟ بالكيلو متر يتم تغيير مصفى البنزين وهل بالضرورة تغيير الطرمبة
(2) هل استعمال منظف تانك البنزين( ماركة متسوبيشي) كل 5000 كم مثلا يؤثر على اداء العربة؟
(3) في بعض الاحيان و المكيف شغّال الاحظ انو تقسيمة العربة ما اوكي ودورة المكنة صارت عالية بل وبعض مرات بتبطل؟
لك احترامي

- اهلا وسهلا بك معنا في المنتدى
- يتم تغيير فلتر البنزين كل 40 ألف كيلو متر ولا يتم تغيير طرمبة البنزين الا عندما تتلف وهي من القطع المعمرة والمغطاة بالضمان
- منظف دورة الوقود ميتسوبيشي يحسن بالطبع من اداء المحرك ويفضل استخدامه كل 10 آلاف كيلو متر
- النقطة الأخيرة تظهر ان السيارة تحتاج الى الكشف عليها بس حضرتك لم توضح عداد الكيلومتر عامل كام وهل يتم عمل الصيانات الدورية في مواعيدها ام لا
بشكل عام ارجو قراءة الموضوع المثبت عن تفاصيل الصيانات الدورية ومكوناتها من الألف الى 40 الف وستجد فيها معلومات مفيدة باذن الله

المشاركة الأصلية كتبت بواسطة limo

كنت عايز اعرف اخر سعر للتيل الفرامل الامامى للانسر ال1600 فى التوكيل
وهل فيه علاقه بين صفاره التيل وتغيره

سعر تيل الفرامل الأمامي ثابت منذ فترة والحمد لله على 385 جنيه + 10%
ليس دائما معنى وجود صفارة عند الفرملة ان التيل محتاج تغيير انما الكشف هو اللي بيأكد المعلومة لأن احيانا يكون محتاج فقط كلبس او ما يسمى بصاجة تيل واحيانا يكون التيل كويس انما مش اصلي وبيصفر

استفسار عــــام
لو حبيت اغير موتور 1300 سي سي لسياره لانسر 2001 بواحد تاني من نفس السعه اللتريه ونفس النوع..أتكلف أد إيه وقت.. وأد إيه مادياً .. وأد إيه وقت إجراءات تسجيل الموتور الجديد على السياره..؟؟؟؟




أنا أسف لتعب حضرتك يا بشمهندس
بس ياريت ألاقي إجابه عند حضرتك..أو عند حد من الساده الأعضاء.

المشاركة الأصلية كتبت بواسطة KSA2011

ازيك يا باشمهندس طارق
يارب تكون تمام
موضوع الصواميل انا لسه ما عملتوش لانه للاسف مش لقيت لسه حد نازل القاهره اعرفه
بس النهارده رحت على مركز العدوى ودخلت اتكلمت معاهم عن الصاموله لقيت تجاوب فى الاول وبعدين تفكير وكذا واحد كلمنى و فى الاخر مش هينفع مش عندنا
وقالولى ممكن نظبطلك التاكيهات ب 80 جنيه والصاموله ممكن ما يبقاش ليها دعوه
قلتله طب افرض كان العيب منها قالى هركبهالك
بصراحه انا ما استريحتش لكلامهم ومش عارف اعمل ايه ؟
راى حضرتك ايه ؟

المفروض هما لو ظبطوا التكيهات هيكونوا مسئولين عن انها تكون مظبوطة فعلا انما لو بشكل عام مش مرتاح فممكن تيجي قليوب في اقرب فرصة

المشاركة الأصلية كتبت بواسطة aeltokhy

[overline][/overline]
الحقنى ياباشمهندس طارق انا كنت سالت على عمل مفتاح ثانى للسيارة وكتبت رقم الشاسية
فقلتلى انة مشفر ولازم تجيب السيارة والمفتاح الاول حتى لا اطيل عليك انا قلت اعما مفتاح استبن علىشان لو العربية سوجرت الباب وانا بر السيارة المهم عملته عادى عند بتاع المفاتيح فطبيعى انة مش هايدور الماتور بس المفاجئة انه دارت عادى فهل المالك السابق يكون غير حاجة ولاالمشكلة فى الداتاباز
انا بسراحة قلقان وخصوصا انا الماك الثانى فمش عارف اهالى جرى قبل كدة
رقم الشاسىة 6337

ممكن تكون العربية فعلا مش نازلة بايموبيليزر لأنه بدأ ينزل في كل العربيات 1600 من سنة 2007 عموما فيه حاجه بسيطة جدا تعرفك العربية فيها ايموبيليزر ولا لأ وتعرفها من الصور اللي انا منزلها في الموضوع ده
http://www.nilemotors.net/Nile/26224-emmobilizer.html

المشاركة الأصلية كتبت بواسطة hazem66

اشكر ياباشمهندس طارق على تعبك واهتمامك ولكن بالشكل ده ولان العربية لازم تبات هاتعبك معايا واسألك هل من الممكن تحديد هتبات قد ايه يعنى مثلا فى الحالة دى انا ممكن اجيبها الاربعاء واسيبها واستلمها الخميس لانى ممكن ابات انا فى القاهرة يوم انما لو هاتقعد اكتر من كده يبقى ماباليد حيله واجيبها بدرى علشان مايدخلش فى الوقت يوم الجمعة
يعنى باختصار انا تحديد موعد حضورى للتوكيل هايتوقف على المدة اللى هاتبات فيه العربية فياريت تفيدنى بالوقت التقريبى للانتهاء من موضوع العتب وانا اعتقد ان حجم الخبطة صغير مش كبير قوى
عموما انا فى انتظار رد حضرتك علشان اقدر احدد اليوم اللى هاجيب فيه العربية
واشكرك مرة ثانية واسف جدا على ازعاجك.

لازم اشوف مع قسم السمكرة والدهان الأول بالظبط وابلغ حضرتك

المشاركة الأصلية كتبت بواسطة A7MED_PHARMA

استفسار عــــام
لو حبيت اغير موتور 1300 سي سي لسياره لانسر 2001 بواحد تاني من نفس السعه اللتريه ونفس النوع..أتكلف أد إيه وقت.. وأد إيه مادياً .. وأد إيه وقت إجراءات تسجيل الموتور الجديد على السياره..؟؟؟؟


أنا أسف لتعب حضرتك يا بشمهندس
بس ياريت ألاقي إجابه عند حضرتك..أو عند حد من الساده الأعضاء.

للأسف كل اسئلة حضرتك معنديش فكرة عنها لأن كل خبرتي مرتبطة بشغل التوكيل وكل الكلام ده لا يتم في التوكيل

المشاركة الأصلية كتبت بواسطة aratux

ألف شكر يا باشمهندس
يوم السبت القادم إن شاء الله لأنى لسة راجع من السفر إمبارح بالليل و كنت مسافر بعربية تانية

مفيش مشكلة