انت تسأل وإستشاري منتدى متسوبيشي يجيب (2)

**mragh** · 12-05-2009 03:37 PM

المشاركة الأصلية كتبت بواسطة مصراوي جدا

حل مشكلة الصفارة التي تحدث احيانا للتيل الأصلي وبشرط يكون لم ينتهي هي صاجة التيل وممكن عملها في المحطات التابعة
هم بيدوا فاتورة اصلية يمكن بها ختم الدفتر فيما بعد من قليوب او جسر السويس عند الذهاب في اي صيانه مستقبلية

جزاك الله خيراً ، بس ممكن إيضاح أكثر بالنسبة لموضوع التيل ، هي العربية موديل ٢٠٠٨ - ١٦٠٠ سي سي منوال
و لسة مكملة ١٠٠٠٠ كم ، هل ممكن إن التيل ينتهي في هذه المدة و مع هذا العدد القليل من ال كم مع العلم إن دية رابع عربية لية و كل اللي قبل كدة كانو منوال و مغير التيل على ٣٠٠٠٠ كم ما عدا وحدة أوتوماتيك و دية متغير لها على ٢٥٠٠٠ كم

أسف على الإطالة، بس موضوع التيل دة شغلني جداً

**ihab** · 12-05-2009 03:46 PM

هل ينفع انا اربط مسامير وش التاكيهات و لا لازم لها ترتيب معين فى الربط و محتاجة التوكيل

**ahmedehab** · 12-05-2009 04:07 PM

يابشمهندس طارق ازى حضرتك
انا اشتريت لانسر 1300 مانوال 2007 وكنت عايز اعرف هيا خليجى ولا مصرى ودخلت عملت صيانة اخر مرة امتى علشان لو معملتش صيانة اروح اعملها ورقم الشاسيه هو 714641 والموتور 1006 والعداد عامل 26000 كم ولكم جزيل الشكر

**zonboroky** · 12-05-2009 06:44 PM

الصراحة انا معنديش سؤال بس عندي تحية كبيرة جدا للمهندس طارق على المجهود الرائع ده و بصراحة حببني في التوكيل واللي فيه ربنا يجعله في ميزان حسناتك ان شاء الله

**مصراوي جدا** · 13-05-2009 03:44 PM

المشاركة الأصلية كتبت بواسطة Ahmed0Nouh

بشمهندس طارق

بعد أذن حضرتك كنت عايز اعرف هل من الممكن ان التوكيل يدينى جواب رسمى مفاده ان العربيه اللى معاى دخلت البلد عن طريق التوكيل وانها ليست مستورده من الخليج

علما بان العربيه فعلا من المصريه ولكن مش معاى ورق الضمان بتاعها

شكرا جزيلا

لو الغرض من الجواب المحافظة على الضمان فمفيش داعي له لأن عند الاحتياج للضمان بيتم الكشف على الكمبيوتر على بيانات العربية والتأكد منها وبالتالي هيظهر انها من عربيات مصرية وضمانها ساري بشرط ان تكون المالك الأصلي للعربية اما اذا كان الغرض من الخطاب تقديمه لجهة ما فده مفيش فيه مشكلة بس حضرتك اشرح لي هيتقدم لمين وايه الظروف سواء على الخاص او باتصال تليفوني من 8 ص الى 4 م ت 42157629

المشاركة الأصلية كتبت بواسطة mragh

جزاك الله خيراً ، بس ممكن إيضاح أكثر بالنسبة لموضوع التيل ، هي العربية موديل ٢٠٠٨ - ١٦٠٠ سي سي منوال
و لسة مكملة ١٠٠٠٠ كم ، هل ممكن إن التيل ينتهي في هذه المدة و مع هذا العدد القليل من ال كم مع العلم إن دية رابع عربية لية و كل اللي قبل كدة كانو منوال و مغير التيل على ٣٠٠٠٠ كم ما عدا وحدة أوتوماتيك و دية متغير لها على ٢٥٠٠٠ كم

أسف على الإطالة، بس موضوع التيل دة شغلني جداً

هو نادر جدا ما عربية بتحتاج تيل على العشرة آلاف وخاصة كمان انها مانوال انما على العشرين ممكن جدا وبالذات للأوتوماتيك فغاليا التيل عندك ما زال كويس وده هيتأكد بالكشف

المشاركة الأصلية كتبت بواسطة ihab

هل ينفع انا اربط مسامير وش التاكيهات و لا لازم لها ترتيب معين فى الربط و محتاجة التوكيل

المهندس عبد الجليل رد وقال نعم ممكن تقوم بتربيط وش التاكيهات بنفسك مع اتباع ترتيب الربط بطريقة عكسية مثل مسامير العجل

المشاركة الأصلية كتبت بواسطة ahmedehab

يابشمهندس طارق ازى حضرتك
انا اشتريت لانسر 1300 مانوال 2007 وكنت عايز اعرف هيا خليجى ولا مصرى ودخلت عملت صيانة اخر مرة امتى علشان لو معملتش صيانة اروح اعملها ورقم الشاسيه هو 714641 والموتور 1006 والعداد عامل 26000 كم ولكم جزيل الشكر

طالما رقم الشاسيه بيبدأ بـ 7 وعدده 6 أرقام فهي خليجي
وبحثت على الكمبيوتر ولم اجد لها بيان عندنا في التوكيل
الأفضل لو كان البائع لم يذكر بيانات عن الصيانات اللي عملها ان حضرتك تعمل الصيانات الهامة وخاصة الأربعين لو ما اتعملتش

**mragh** · 13-05-2009 05:23 PM

شكراً جزيلاً

**mohamedway** · 13-05-2009 09:49 PM

هو نادر جدا ما عربية بتحتاج تيل على العشرة آلاف وخاصة كمان انها مانوال انما على العشرين ممكن جدا وبالذات للأوتوماتيك فغاليا التيل عندك ما زال كويس وده هيتأكد بالكشف

موضوع التيل ده حسب الإستخدام للفرامل و التيل الأصلى الSUMITOMO الأخضر اللى بينزل فى العربيه بيخلص بسرعه و انا على استخدامى الشاق للفرامل فعمره الإفتراضى يدوب 10000كم فعلا و مره خلص معايا من غير ما يكمل 8000 كم كمان و فى نوع فى التوكيل لونه رمادى عمره طويل جدا مهما كان استخدامك للفرامل بس هيخليلك الطنبوره تغربل العربيه و تحتاج تخرطها عشان العيب يروح و العيب بعدها يرجع تانى بفتره بسيطه و فى الأخر هتحتاج تغير الطنبوره بدرى و خلى بالك دايما ده اللى بيركبوه فى التوكيل للناس اللى بتشتكى ان التيل بيخلص بسرعه.

**mohamedway** · 13-05-2009 09:55 PM

بالمناسبه كنت عاوز أسأل البشمهندس طارق عن توافر التيل الsumitomo الأخضر من حيث:

هل هو موجود علطول ولا ساعات ممكن ما ألاقيهوش خالص لأنى مقتنع بيه عن التانى رغم انه بيخلص أسرع و مش عاوز أركب أى تيل غيره علطول؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

ولكم جزيل الشكر على مجهودكم الرائع