انت تسأل وإستشاري منتدى متسوبيشي يجيب (2)

**tote_ide** · 22-06-2009 04:45 PM

ان شاء الله انا هاجى يوم الاربع وهحاول أكون موجود من الساعة عشرة

**tote_ide** · 23-06-2009 03:01 AM

هيا الطنابير لو اتنحلت شويا نتيجة لتأكل التيل فى الحالة دى بتتغير ولا ايه؟؟

**مصراوي جدا** · 25-06-2009 01:04 PM

المشاركة الأصلية كتبت بواسطة mragh

السلم عليكم يا باشمهندس طارق ، بخصوص موضوع القنطرة ، أنا ذهبت يوم الأحد الماضي لفرع قليوب لتصليح العيب وللأسف لم استطع مقابلتك ، لأن بعد الكشف على السيارة أخبروني انها لازم تبات ٣ أيام ، فللأسف اضطريت استلمها بدون الإصلاحات، لأني مكنتش عامل حسابي على كدة.
كنت عايز أتأكد من حضرتك في كام حاجة

١- هل فعلاً الاصلاح سوف يتم في ٣ أيام فقط ، ولا ممكن يزيد، لئن الموضوع دة هيفرئ معايا كتير
٢ - ما مدي خطورة إستخدام العربية في هذه الحالة حتى استطيع الإستغناء عنها فترة للإصلاح، مع العلم اني قد اضطر السفر بيها الإسبوع القادم ، أنا لما سألت يوم الأحد المهندس أجبني إن كل إلي هيحصل بعض التأكل في الكاوتش لإن الموضوع دة أثر على الزاوية، فكنت عايز أتأكد تاني عشان موضوع السفر دة
٣- هل بعد الإصلاح هاكون في أثر ، يعني في واحد قال لي إن دة معناه إن لما تيجي تبيع العربية هيتآل إن في تصليح في الشاسيه، مع إن الموضوع ملوش أي علاقة بالشاسيه

شكراً وأسف على الاطالة ، وهبعت لحضرتك بيانات العربية على الخاص عشان تشوف الريبورت بتاعها على الكمبيوتر

اولا اعتذر عن التأخير لأني كنت مشغول جدا اليومين اللي فاتوا
انا عرضت الموضوع على المهندس عبد الجليل لابداء الرأي فقال لي انه هو اللي شاف العربية وقال لحضرتك عليها وبالتالي فاطمن الكلام من مصدر ثقة

بخصوص الفترة فهي 3 أيام باذن الله ومش اكتر كما اكد لي المهندس عبد الجليل
طالما الاصلاح هيتم بشكل سليم فلن يكون له أثر ودي ميزة الاصلاح في التوكيل

المشاركة الأصلية كتبت بواسطة tote_ide

هيا الطنابير لو اتنحلت شويا نتيجة لتأكل التيل فى الحالة دى بتتغير ولا ايه؟؟

لا ابدا .. فقط بتحتاج خرط طنابير يعني مسح للطنابير ومساوتها ودي عملية بتاكل جزء من المللي من سمك الطنبورة ولا يؤثر عليها اطلاقا وتكلفتها 80 جنيه للاثنين معا

**mragh** · 25-06-2009 04:54 PM

الف شكر يا بشمهندس

**azmeralda** · 25-06-2009 05:38 PM

هل الموديلات2010 هتنزل فى شهر 9
و هل الكولت هينزل 2010 و بكام؟

**M_HANAFY** · 26-06-2009 09:47 AM

الأستاذ / طارق
تحية طيبة وبعد...
معلش انا دوشتك معايا بخصوص عربيتى اللانسر قرش فى كثرة أسألتى.
على العموم العربية عندى مش مظبوطة الموتور واطى وبتنتش فى السلانسيه وبتستهلك بنزين كتير وحاسس انها مخنوقه فى المشى وفى المطالع بالذات وفى صوت طالع من بلف الهواء وكنت عايز أحضر إلى التوكيل ليتم ظبط السيارة بالكامل فهل يوجد حجز ميعاد ولا ممكن أجى على طول من غير حجز واقابل سيادتكم فى انهى مركز صيانة مع العلم ان السيارة خليجى فهل ينفع أعمل لها صيانة فى المركز والسيارة موديل 2008 عاملة 42000 كيلو ولم يتم عمل لها صيانة قبل ذلك غير تغيير الزيت والفلتر وكانت مركونة ما يقرب على 10 شهور.
وشكراً على خدماتك لأعضاء المنتدى

**tote_ide** · 26-06-2009 11:41 AM

انت لازم تتقل جيبك ونروح تعمل صيانة ال40000 كم فيها هتغير زبت وفلتر زيت وفلتر هوا وفلتر بنزين وتغيير زيت الفتيس وهم هيعملوا اللازم من تربيط عفشة ويظبطوا السوايل

وانا شايف ان افضل حاجة انك تروح مركز صيانة قليوب وربا معاك وخلى باللك لما الحاجات دى تتغير هتخلى العربية موووووووووووز

**مصراوي جدا** · 26-06-2009 11:59 AM

موديلات 2010 هتنتج في أغسطس وتنزل في اواخر سبتمبر او اوائل اكتوبر (يعني هتتأخر شوية عن السنين اللي فاتت)

البومة 2010 نازلة باذن الله 1300 و 1600 كما هي ، وبالطبع الشارك 2010 نازلة

الكولت باعتبارها الوحيدة من موديلات ميستوبيشي صناعة اوروبية ستكون تحت الدراسة من حيث هل سعرها بعد خصم 10% من الجمارك هيخفض سعرها بالشكل المطلوب للمنافسة في السوق المصري ولا لأ ؟

انا عن نفسي .. لا اعتقد