الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة abdlhamee

السلام عليكم اخي المهندس طارق عندي مشكله بالنور الامامي للسياره انا كل اسبوع اخير النور النور عندي عم يحترق مره العالي ومره الواطئ ومره بشتغل ضوء خفيف وبعدن بصير عالي مش عارف السبب ممكن توضحلي السبب اكون شاكر الك

اهلا يا استاذ عبد الحميد
اعتقد حضرتك الاستاذ عبد الحميد من العراق الشقيق بس عملت حساب جديد بعد المشكلة اللي حصلت في المنتدى ورجعنا فترة للخلف
هو السبب ممكن يكون حاجات كتير يجب ان يكشف عليها الكهربائي ويراجعها مثل ضفيرة الكهرباء (مجموعة الاسلاك) والفيوزات ومفتاح النور وقدرة اللمبات المستخدمة

المشاركة الأصلية كتبت بواسطة johnson

استاذ طارق
محتاج مساعدة سيادتك فى بعض الاسئلة
-كنت محتاج اغير زيت الفتيس للانسر بومة 2006 اوتماتيك cvvt بس عايز الزيت الاوريجنال مش موبيل فهل ممكن الاقيه موجود فى فرع جسر السويس او العبور او بنزينه موبيل شيراتون او المعادى
- ماهى نوع البوجيات المستخدمة فى عربيتى وهل يكون ليها رقم وانا سمعت ان فى حاجه اسمها ايريديم او بلاتنيم حضرتك تنصح بيها بغض النظر عن اسعارهم لانى عارف ان الايريدم او البلاتنيم اسعارهم عاليه ولو ممكن ارقام الاكواد بتاعتهم
- فى حد اشار ليه بخصوص فلتر البنزين بدل من تغيره ممكن تنظيفه و نغيره فى صيانة ال80 لان سعره مبالغ فيه فما راى حضرتك انا عارف انه حسب ارشادات الشركة يتم تغيره فى صيانة ال40 و فهل لو تم تنظيفه يضر باى شكل على السيارة

اسف على الاطالة و شكرا للمجهودات حضرتك
فى انتظار الرد ان شاء الله

زيت ال cvt الأصلي موجود في قليوب وجسر السويس ومش متأكد من وجوده في باقي المراكز او لا انما ممكن تتأكد بالاتصال بالتليفون بالفرع اللي ناوي تزوره
البوجيهات المستخدمة هي البوجيهات الأصلية العادية ودائما لا ننصح بتركيب اي قطع تخالف الأصلي اللي جاي مع العربية
فلتر البنزين حسب تعليمات شركة ميتسوبيشي يتغير عند 60 ألف كيلو متر انما بالتجربة في مصر ونظرا لسوء البنزين المستخدم في مصر وكثرة الشوائب به تم تقليل الفترة في مصر الى 50 ألف ثم الى 40 ألف وهو المتبع حاليا
انما موضوع التنظيف ده لم يتم قبل كده لدينا بشركة مصرية

المشاركة الأصلية كتبت بواسطة saleh311

السلام عليكم
جزاك الله خيرا يا باشمهندس علي الجهد الكبير
عندي مشكل يا ريت لو ليها حل
والدي إشترا لانسر بومه 1300 مانيوال من المصريه مو 2010 في أول شهر 9/ 2010
وعلمله دلوقتي حوالي 11 ألف كيلو
بس حصل سهو ولحد الأن لم يقوم بزيارت التوكيل
هل العربيه كدا خرجت من الضمان

هو الصيانات الدورية المفروض صيانة عند الألف كيلو متر الأولى
ثم العشرة آلاف ثم العشرين وهكذا

فلو كانت العربية عملت صيانة الألف فلا مشكلة من تأخر العشرة الى 11 أو 12

اما لو كانت معملتش صيانة الألف ولا العشرة فكل اللي هيتم دلوقتي هو عمل صيانة العشرة في اسرع وقت
والصيانات القادمة في موعدها
واذا ما دعت الحاجه في المستقبل الى احتياج الضمان فالقرار للوكيل وممكن استمرار عمل الصيانات الدورية وانتظامها عليه يغني عن ضرورة عمل صيانة الألف اللي لم تتم حتى الآن

المشاركة الأصلية كتبت بواسطة bodaaa

لو سمحت عايز اعرف اسعار المواتير اللى تركب على كولت 84

غير متاحة في التوكيل ممكن حضرتك تدور عليها في الحرفيين او بورسعيد

المشاركة الأصلية كتبت بواسطة masrtamin

لو سنحت يا باشمهندس العربيه وانا ماشى مثلا على الخامس على سرعه بين 100 و 110 الاقى مؤشر الحراره بينزل واحيانا يوصل لاول شرطه
العربيه موديل 98

اكيد ثرموستات الحرارة مش شغال وانما المراوح شغالة علطول ومش بتبطل (فيه ميكانيكيه بيعملوا كده في العربيات خاصة ثرموستات الكوعه بيلغوها) وده الاثر الجانبي للموضوع

المشاركة الأصلية كتبت بواسطة kokyjoon

سلام عليكم

نشكر حضرتك يابشمهندس طارق على ردك علينا سريعا ونرجو مستقبليا
ألا تنسانا إذا ما إتخذتم قرار بخصوص هذا الموضوع
وهل ممكن تدلنا على ورشة خارج التوكيل ممكن نتوجه لها مؤقتا يكون فيها جهاز مبين العطال
وفنيين كويسين لأنى عاوز أظبط تاكيهات
لأن من المفروض ظبط التاكيهات بعد أول 3000كم وده لم يحدث والسيارة الآن على وشك
أن تتم 25000كم

للأسف حضرتك انا ما اعرفش انما ممكن تراجع قسم الورشة ممكن يكون فيه بيان لمراكز