الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة basom

يا باشا معلش انا عملك ازعاج على طول يا ريت ترد عليا فى موضوعى (ختم كتيب الضمان)
http://www.nilemotors.net/nile/85542-a.html

انا قريت الموضوع ومش محتاج تعليق تعال في اي وقت يا باشا و من غير حجز

المشاركة الأصلية كتبت بواسطة m_marwan

لو سمحت معايا شارك 2008 عاملة 1500 كم عملت صيانة الألف عند الرواس وبعدين ركنت العربية فى الجراج لمدة شهر بس حاسس أن الباور تقيل جدا عن الأول
حضرتك عرف أن الباور كهربا يا ترى اية ايلى ممكن أشيك علية ؟

شكرا

لازم يتكشف على العربية لمعرفة سبب تقل الباور .. لو تحب تشرفنا في اي وقت في مركز الخدمة الرئيسي في قليوب اهلا بيك

المشاركة الأصلية كتبت بواسطة hebashehab

انا عربيتى لانسر بوما 1300 موديل 2008 لما بجيبreverse بسمع صوت تزييق و صفارة عالية جدا
ارجو افادتي شكرا

صوت الصفارة ده معناه ان العربية محتاجة تركيب صاجة تيل الفرامل الأمامي .. ممكن تشرفنا في اي وقت لتركيبه

المشاركة الأصلية كتبت بواسطة shadyselim

من فضلكم

عندى سوال بخصوص لانسر 98 اوتوماتيك

1- كم كيلو زيت ماتور يوضععند التغيير بفلتر و بدون تغيير فلتر

2- م كيلو زيت الفيتيس الاوتوماتيك يوضع عند التغيير بفلتر و ما هو افضل نوع يجب وضعه

3- هل يجب تغيير زيت الباور و كيف يتم تغيره و ما النوع الموصى به اذا وجب التغيير عالما ان الباور تقيل و لم يتم تغيير الزيت من الزيروز

4- هل بنزين ال 90 انسب و افضل لهذه السيارة من بنزين 92


فى انتظار الرد و شكرا على حسن تعاونكم و مجهودكم

بسؤال المهندس أحمد عناني مدير ورشة مركز الخدمة الرئيسي في قليوب رد بالآتي
1- بالفلتر 3 كيلو و بدون فلتر 2.75 كيلو
2-زيت الفتيس الأوتوماتيك 8 كيلو تغيير بالجهاز في التوكيل ونستخدم موبيل atf iii
3- يتم تغييره كل 80 ألف كيلو متر ونوع الزيت atf iii
4- أفضل بنزين 92

المشاركة الأصلية كتبت بواسطة مهندس_حسام حسين

السلام عليكم
ازيك يا باشمهندس طارق,كل عام وانتم بخير
انا جبت معطر للسيارة ورشيت العربية من الداخل بكثافة (الكراسي-الموكيت)واغلقت العربية وبعد فترة وعند استخدامها فوجئت بحاجة غريبة يبدو ان المعطر نثر رزاز علي الكونسول بتاع الفتيس ووجدتة مبقع مكان الرزار وعمل زي الدهان ب(هامر فنش)نقط بيضاءبداخل الدهان بتاع الكونسول واكتشفت ان الكونسول مدهون مش اللون بتاع البلاستيك كدة فهل فية حل لاعادتة للونة الاصلي او يعاد دهان الكونسول مرة اخري باللون الاصلي ولا بيتغير الكونسول؟
ملحوظة انا عندي لانسر بومة 2009 اوتوماتيك ,وشكرا.

للأسف فعلا المعطرات بتبقى خطيرة على اجزاء التابلوه اللامعة وبتترك اثر عليها لو سيلت عليها والموضوع ده حصل في عربية اخويا بومة 2008 وتم فك الأجزاء الأبانوس الرمادي واعادة رشها دوكو ورجعت زي الأول تماما (وطبعا سعرها جديدة غالية)

المشاركة الأصلية كتبت بواسطة ksa2011

عندى سؤال يا باشا
انا جبت عربيه مستعمله 2007 1300 خليجى
تيل الفرامل قلت اكشف عليه لقيت الطنابير بتاعه الفرامل فى طرف الدايره حته متاكله وقالى لازم تتغير مع التيل الجديد ؟ ايه راى حضرتك فى الموضوع ده ؟ انا ما اول مره اشوف طنابير
واسعار الطنابير وتيل الفرامل كام ؟
كمان انا ان شاء الله عايز اركب فوج لايت اسعارهم ايه فى التوكيل ؟ و هل فى تركيبهم التابلوه بيتفك و الموضوع بيبقى كبير ؟
العربيه مش عارف اذا فيها اى بى اس ولا لا بس اشاره الاى بى اس مش منوره فى التابلوه ؟
وشكرا جزيلا

بسؤال المهندس أحمد عناني مدير ورشة مركز الخدمة الرئيسي في قليوب رد بالآتي
لازم بعد اذن حضرتك لكي أعطي تقرير دقيق ان تحضر السيارة ونكشف عليها ونحدد ما تحتاجه
سعر الطنبورة الواحدة 450 ج + 10%
سعر التيل الأمامي 385 + 10%