الموضوع: فكرة عمل حساس الماب

الله يخليك ...يا أخويا : أحمد .....وبأذن الله ححاول عمل أضافات قريبا

_ نظرا لأننى وعدت الأخ / فارس النجار بالتفكير مره ثانيه نحو حساس الماب .....عاوز أضيف الجزء التالى ..............

_ حساس الماب أحيانا بيطلق عليه حساس قياس التخلخل (النزول فى الضغط علشان أخونا فارس ) الموجود فى منطقة دخول الهواء الى مجمع الهواء plenum قبل توريد الهواء الى مانيفولد الدخول للمحرك intake manifold

..........

_ هذا الحساس بيستخدم مع محركات الحقن الألكترونى من النوع DtypeEFI

أو ذات الحقن المباشر ( التى تحتوى على أربع رشاشات ) اللى بنقول عليها أنجكشن كامل .......وليست أم رشاش واحد (اللى بنقول عليها هاف أنجكشن )......................

_ غالبا فى الهاف أنجكشن بيتم الأعتماد على تحديد كمية الهواء الداخله عبر كربوراتير المحرك من خلال حساس آخر ( وهو حساس تحديد وضع قرص البوابه TPS SENSOR

).........

_ ومن هنا بنلاحظ أن عمليات التحكم فى المحركات الأنجكشن الكامل تسير بصوره أدق من نظيرتها ذات الكربوراتير ( هاف أنجكشن )........

_ حساس الماب غالبا بيتم تركيبه على القاطوع (صدر الغرفه فوق الأسكترا )....فى بعض الأنواع مثل عائلة الدايو ......وبيتم نقل هواء التخلخل من منطقة جسم الخانق الى الحساس ......بواسطة خرطوم رفيع ( مركب بقفيزان من الجانبين ).................

_فى بعض الأنواع الأخرى مثل عائلة الهيونداى ....بيتم تركيب الحساس مباشرة أعلى المحرك ...فى مسار هواء الدخول من فلتر الهواء الى جسم الخانق........وبالتالى لايوجد خرطوم مثل النوع الأول........

_ تواجد خرطوم هواء لعمل الحساس بيعتبر غير مفضل فنيا .....لأن الخرطوم بيكون عرضه بأستمرار للتلف ...والأنفصال من مكان تركيبه من على جسم الخانق ....وبيسبب أزعاج لقائد السياره فى بعض الأحيان ( حينما تضىء لمبة بيان الأعطال ) مع أنفصال الخرطوم ......نتيجة الأهتزازت وعمل الصنايعيه فى غرفة المحرك وخلافه ........

_ أيضا الخرطوم بيكون عرضه للتصلد والجفاف والتشقق مع العمر الأفتراض .....

_ كذلك الخرطوم بيكون عرضه لحدوث سدد جزئى بسبب الرمال والأتربه التى من الممكن أن تتخلل فلتر الهواء ثم تقوم بالدخول الى منطقة جسم الخانق ثم خرطوم الحساس (لأن مقطع أو قطر الخرطوم رفيع للغايه )........داغير التلوث بالزيوت الداخله للمحرك حينما يكون هناك تفويت من خلال شنابر المحرك .........حيث تحمل أبخرة الزيوت عبر خط الفائظ الى منطقة مجمع الهواء ......مما يؤدى الى تراكم الزيوت والملوثات داخل الخرطوم المركب على جسم الخانق..................

_ _ من هنا أنصح بضرورة مراعاة مايخص فلتر الهواء والتفويت السابق ذكرهما لضمان عمل الحساس بصوره طبيعيه ............._ وأدى صوره لأحد حساسات الماب لأخونا محمد ممدوح .....

المشاركة الأصلية كتبت بواسطة samirayad

* وقت الحاجه لبنزين كتير من الرشاشات فأن حساس الماب بيقرأ أو يستشعر حالة تخلخل ضعيف وده اللى بيحصل لما بنكون ضاغطين بالقدم على الأكسراتير.....فى الحاله دى فأن وحدة التحكم بتأخذ المعلومات عن حالة التخلخل الموجود فى سحب المحرك فى صورة أشاره كهربيه رايحلها من حساس الماب....وعلى الفور بتنبه الرشاشات لأطالة فترة ضخ البنزين وذلك بتزويد ال pulse widith

* أثناء تخفيف الحمل على الأكسراتير برفع القدم لحد معين فأن التخلخل فى منطقة السحب بيزداد وبالتالى بتقوم وحدة التحكم بأرسال تعليمات للرشاشات بتقليل الpulse widith (فترة الفتح لضخ البنزين)

* من هنا بقه عرفنا أن التخلخل اللى بيحصل فى مجمع السحب (المانيفولد) بيتم أستشعاره وتحويله الى أشاره لوحدة التحكم بواسطة حساس المــــــــــــاب

أولا بأشكر المهندس سمير على العرض الممتاز... واسمح لى يا بشمهندس انى أختلف معاك فى بعض النقط:

الكلام اللى حضرتك ذكرته فعلا بيحصل بس مش بالتحليل ده:

لو بصينا على الدائره التخطيطيه لنظام حقن الوقود الالكترونى ها نلاقى حاجه مهمه جدا اسمها Fuel pressure regulator او منظم ضغط الوقود وهو يعمل على ثبات ضغط الوقود داخل موزع الوقود ليه؟ علشان نقدر نتحكم فى كمية الوقود المحقونه من خلال التحكم فى زمن حقن الوقود او عرض النبضه الكهربيه لزمن فتح الرشاش زى ما حضرتك قولت .
لو ركزنا على تركيب منظم الضغط هنلاقيه بيتصل عن طريق خرطوم أسفل الصمام الخانق ليه؟؟؟؟؟ الاجابه علشان اللى حضرتك قولته أزاى؟؟؟ لانه كل ما كان الصمام الخانق مقفول (يعنى ما فيش طلب على البنزين) بتزيد الخلخله عبر الصمام مما يؤدى الى فتح منظم ضغط الوقود مبكرا (عند قيمه ضغط وقود أقل) وبالتالى تقل كمية البنزين المحقونه والعكس صحيح. إذا تاثير الخلخلة على كمية الوقود بيتم بطريقه مباشره من خلال منظم الضغط.

من خلال فهمى لحساس ال manifold absolute pressure sensor (MAP) انه بيستخدم للاحساس بالضغط داخل المجمع سحب لحساب كثافة الهواء وبالتالى حساب كتلة الهواء اللى بناء عليها بيتم تصحيح كمية الوقود المحقونه

شكرا...

أولا بأشكر المهندس سمير على العرض الممتاز... واسمح لى يا بشمهندس انى أختلف معاك فى بعض النقط:

الله يخليك يا أخى الفاضل ....وأشكرك طبعا بالتعليق على الموضوع للثقل الفنى لى أولا ولنا وللأخوة جميعا ........................ندخل بقه فى التقاش الفنى

لو بصينا على الدائره التخطيطيه لنظام حقن الوقود الالكترونى ها نلاقى حاجه مهمه جدا اسمها Fuel pressure regulator او منظم ضغط الوقود وهو يعمل على ثبات ضغط الوقود داخل موزع الوقود ليه؟ علشان نقدر نتحكم فى كمية الوقود المحقونه من خلال التحكم فى زمن حقن الوقود او عرض النبضه الكهربيه لزمن فتح الرشاش زى ما حضرتك قولت .

أنا طبعا لست مهندس سيارات ...ولكننى كثير الأطلاع على دوائر التحكم الألكترونى للسيارات ................ومن خلال أطلاعى على دوائر التحكم الألكترونى ودايرة البنزين عامة ........فاننى أعلم جيدا بأن بلف تنظيم ضغط الوقود وظيفته الأساسيه هى الحفاظ على ضغظ بنزين ثابت ومقنن خلال مسطرة الرشاشات FUEL RAIL وبيعمل بنظرية رق أو رداخ ....بيأخذ أشارة هواء ( حسب حالة التخلخل ) اللى موجود فى الــــــــــPLENUM أو الأنتفاخ اللى قبل مانيفولد هواء الدخول للمحرك .....للتحكم فى كمية البنزين الزائد اللى راجعه لتنك البنزين ....وليس للأحساس بالتخلخل ( لأنه ببساطه شديده ) خارج نطاق عمل وحدة التحكم الألكترونى ....ولا يوجد عليه أى أتصالات كهربيه .....

_ أما قياس التخلخل بيكون من خلال حساس الماب ....كما سبق أيضاحه .....

_ وبكده الـــــــــ FUEL PRESSURE REGULATOR مالوش أى علاقه بالرشاشات لتحديد نبضة حقن الوقود PULSE WIDITH

....ودوره فقط بينحصر فى ضمان ثبات الضغط داخل مسطرة الرشاشات

من خلال فهمى لحساس ال manifold absolute pressure sensor (MAP) انه بيستخدم للاحساس بالضغط داخل المجمع سحب لحساب كثافة الهواء وبالتالى حساب كتلة الهواء اللى بناء عليها بيتم تصحيح كمية الوقود المحقونه

هو فعلا بيستخدم للأحساس بضغط التخلخل ....وبيتم نقل الأحساس ده فى صورة فولت كهربى لوحدة التحكم ( حسب الوضع بتاع التخلخل )من خلال نظرية عمل الحساس الموضحه فى أول الموضوع .......علشان تقوم الوحده من خلال أشارته هو والحساسات الأخرى بتقييم ال PULSE WIDITH ( فترة ضخ البنزين )......ولا يقوم بحساب كتلة الهواء وأنما بيستشعر قيمة الضغط عن طريق ماده أو شريحه تعمل تحت نظريه المواد التى تتغير قيمة مقاومتها عند تعرضها لضغوط مختلفه معينه Piezo resistive materials