موضوع مهم لكل البروتوناويه -:{ ورشة بروتون }:- شاركنا خبرتك و معلوماتك و استفساراتك

**MohabSaeed** · 08-10-2009 01:21 AM

المشاركة الأصلية كتبت بواسطة as01241

بس هنا في حاجة يا أستاذ مهاب :
هنا بيتكلموا عن الواجا سواء ال cps أو العادية وفي جزئية بيقولوا فيها

هل ده معناه إن العيب في البرسونا ممكن يكون من حاجة تانية على أساس إن البرسونا هيا هيا الجين تو يبقى غالبا خرطوم الباور بردو محطوط في نفس المكان زي الجين , بس الغريب إن الوصف اللي فوق ده هو نفس اللي عندي بالظبط

فعلا ممكن يكون العيب مختلف ...صاموله الرجلاش ... او علبه الدركسيون نفسها فيها مشكله ....او حتى من حاجه تانيه ...و ممكن يكون نفس المشكله خرطوم الباور , لازم حد بيفهم اوى اوى هو الى يكتشف العيب فين بالظبط ... علاشان مانغيرش حاجه و هى سليمه ... , او مثلا نقرط على الرجلاش و هو اصلا مبظبوط .... خصوصا ان بعدها الدركسيون بيبقى تقيل جدا .

الفكره ان الصوت ده بالظبط عندى و كان فى حد اقنعنى انه مشكله كلوك سبرينج ... و على اساس كده اقتنعت ان صوت النقر ده لو ظهر فى واجا او جين او بيرسونا يبقى نفس العيب .... لكن طبعا انا كنت غلطان . و المشكله ديه مش من الكلوك اسبرينج سامحنى انى قولتك معلومه غلط .

انا كنت متعايش مع الصوت عادى من ساعه ما اشتريت العربيه , لكن الموضوع حطيته فى دماغى و ان شاء الله اشوفله حل .

**as01241** · 08-10-2009 09:25 AM

انا كنت متعايش مع الصوت عادى من ساعه ما اشتريت العربيه , لكن الموضوع حطيته فى دماغى و ان شاء الله اشوفله حل

أنا بردو كنت متعايش معاه على أساس إنه عادي بس لما بدأت أتابع الموضوع لقيت إنه عيب ما ينفعش السكوت عليه واللي مخليني متردد إني أروح التوكيل الكلام اللي حضرتك بتقوله , إن لازم حد فاهم أوي يقدر يحدد العيب فين وكمان مش عاوزهم في التوكيل يغيروا حاجة فبريكة سليمة .... شكرا يا ا/ مهاب على معلوماتك المفيدة ومتابع معاك وإن شاء الله نلاقي حل قريب

**Karim Salem** · 23-11-2009 05:03 PM

انا كنت كتبك المشكلة ديه قبل كده و مطنش من ساعتها لان مفيش حد ادانى حل جذرى للمشلكة
المشلكة انى كل لما ادوس فرامل و العربية مشاية الاقى الدركسيون بيرج جامد
غير الطنابير مرتين
و التيل كل 10 الاف كيلو
و غيرت مكان العجل اكتر من مرة
و حطيت نيتروجسين
فيه حد قالى اكيد العيب فى الجنط
المهم روحت عند اشرفكوا اللى فى المطرية و عملت استعدال و ترصيص
و العيب زى ما هو
علشان مطولش عليكوا فيه حد من الاخوة هنا فى المنتدى نصحنى انى اغير الجنوط
و انا بصراحة خايف اشترى جنوط جديدة و ادفعلى بتاع 1500 جنيه و يطلع العيب مش من الجنوط
كنت بفكر اجرب مع حد يكون عربيتة جنوطها 14 زى العربية عندى ان نفك العجل من العربية التنية و نركبة عندى و نجرب لقينا العيب فى الجنوط يبقى اغيرهم و ارتاح
بس موش عارف بصراحه اى حد يقدر يفيدنى فى الموضوع ده
ممكن تنصحونى اعمل ايه؟؟؟؟؟؟؟؟
صحيح العربية ويرا 2004
الكاوتش 14/60/82

حاجة تانية انا عاوز اظبط موتور العربية هل لازم اروح عند التوكيل و لا ممكن اعملها عند لميانيكى
لانى كل لما اقول للميكانيكى اللى برحله فى الحرفيين يقولى لا الموتور تمام بلاش تلعب فيه
هو فيه هزه مضيقانى لما بتكون العربية فى السلانسية

**visualamr** · 27-12-2009 01:06 PM

عايز اضبط العربيه معاى ويرا 1300 موديل 99
العربيه حلوة وجميله وثابته لكن عايز اظبط العربيه كمتور وشكل خارجى ومساعدين وصالون يعنى اشدها شدة حلوة ومعرفش حد كويس لو من الممكن حد يعرف ورشه وميكانيكى كويس واستورجى كويس علشان اظبتها
حاجه تانيه اخيرة عايز اعرف ثمن الدركسيون الجديد كام وكمان علبه الدريكسيون ثمنها كام
وشكرا مقدما على اى مساعدة

**MohabSaeed** · 28-12-2009 10:05 PM

وحوش الويرا فين يا شباب ؟؟؟؟

ياريت لو فى حد يعرف يساعد الناس مايبخلش بالمعلومه و النصيحه .

المشاركة الأصلية كتبت بواسطة Karim Salem

انا كنت كتبك المشكلة ديه قبل كده و مطنش من ساعتها لان مفيش حد ادانى حل جذرى للمشلكة
المشلكة انى كل لما ادوس فرامل و العربية مشاية الاقى الدركسيون بيرج جامد
غير الطنابير مرتين
و التيل كل 10 الاف كيلو
و غيرت مكان العجل اكتر من مرة
و حطيت نيتروجسين
فيه حد قالى اكيد العيب فى الجنط
المهم روحت عند اشرفكوا اللى فى المطرية و عملت استعدال و ترصيص
و العيب زى ما هو
علشان مطولش عليكوا فيه حد من الاخوة هنا فى المنتدى نصحنى انى اغير الجنوط
و انا بصراحة خايف اشترى جنوط جديدة و ادفعلى بتاع 1500 جنيه و يطلع العيب مش من الجنوط
كنت بفكر اجرب مع حد يكون عربيتة جنوطها 14 زى العربية عندى ان نفك العجل من العربية التنية و نركبة عندى و نجرب لقينا العيب فى الجنوط يبقى اغيرهم و ارتاح
بس موش عارف بصراحه اى حد يقدر يفيدنى فى الموضوع ده
ممكن تنصحونى اعمل ايه؟؟؟؟؟؟؟؟
صحيح العربية ويرا 2004
الكاوتش 14/60/82

حاجة تانية انا عاوز اظبط موتور العربية هل لازم اروح عند التوكيل و لا ممكن اعملها عند لميانيكى
لانى كل لما اقول للميكانيكى اللى برحله فى الحرفيين يقولى لا الموتور تمام بلاش تلعب فيه
هو فيه هزه مضيقانى لما بتكون العربية فى السلانسية

اول مشكله مش حعرف افيدك فيها لازم ميكانيكى " بيفهم " يعرف العيب منين بالظبط

بالنسبه للموتور و هو على للسلانسيه ال RPM بيكون على كام ؟

المشاركة الأصلية كتبت بواسطة visualamr

عايز اضبط العربيه معاى ويرا 1300 موديل 99
العربيه حلوة وجميله وثابته لكن عايز اظبط العربيه كمتور وشكل خارجى ومساعدين وصالون يعنى اشدها شدة حلوة ومعرفش حد كويس لو من الممكن حد يعرف ورشه وميكانيكى كويس واستورجى كويس علشان اظبتها
حاجه تانيه اخيرة عايز اعرف ثمن الدركسيون الجديد كام وكمان علبه الدريكسيون ثمنها كام
وشكرا مقدما على اى مساعدة

اهلا بيك يا باشا

ابدأ الاول بالاساسيات ... شوف الميكانيكا و العفشه ايه الى محتاج يتغير او يتصلح و خلى الصالون الرش اخر حاجه

حبعتلك على الخاص رقم تلفون ورشه فيصل ...

علبه الدركسيون حتلاقيها فى الحرفين .... فى هنا موضوع فيه كل عناوين و ارقام تلفونات محلات بيع قطع الغيار الجديد و المستعمل http://www.nilemotors.net/Nile/103347-a.html

**bold_eyes903** · 29-12-2009 02:06 PM

السلام عليكم,
يا جماعة انا عندى بروتون جين 2 موديل 2008 و حاليا حاسس انى راكب توك توك مش عربية من ثلاثة اسابيع عربيتى كانت عاملة 24 ألف كيلو روحت من توكيل الصحراوى أغير المقص الطولى الخلفى يمين (فخدة يمين) فوجئت بالتوكيل المحترم يخبرونى ان التيل الخلفى يحتاج إلى تغيير و تكلفته 340 على ما اتذكر و وافقت من غلبى , لقيتهم بعد كدة بينادوا عليا و يقولولى يا أستاذ فلان الطنابير (الديسكات ) عايزة تتغير تبع الضمان , قلت و ماله , قالولى انت خرجت برة الضمان علشان مش بتعمل الصيانة دوريا عندنا , اتخانقت معاهم و وصلنا لحل انى اعمل صيانة العشرين ألف (تغيير زيت و فيلتر و بوجيهات) ب 800 جنيه مقابل انى ادخل فى الضمان , وافقت , يعنى غيرت الفخدة اللى ورا و التيل الخلفى و الطنابير ( لاحظ كدة الطقم الخلفى كله اتغير) و قلت العربية حتبقى فل و حلال عليهم ال2500 اللى لهفوهم , بعد أربع أيام ماشى بالعربية لقيتها لما بدوس على الفرامل بتعمل صوت قطار ( افتكرت الصوت جاى من الأتوبيس الماشى جمبى , بعد كدة اكتشفت الحقيقة المرة إن الصوت جاى من عندى انا , صوت حقير يحسسك انك فعلا راكب ترماى توك توك قول للصبح , الفكرة يا جماعة ان الصوت دا ما ظهرش إلا لما سمعت كلام التوكيل و غيرولى التيل القديم الأصلى الجميل اللى كان ما بيصفرش, و بعد كذا مرة روحت التوكيل و قالولى حنغير التيل , بردو الصوت مبيروحش , و كل ما اروح الاقى اصوات جديدة فى العربية , دا مش صوت الصفارة اللى الناس بتتكلم عليه فى التيل , دا صوت ضخم زى صوت القطر , أرجو منكم يا أهل الخبرة تقولولى ايه السبب قبل ما اتجنن

**TENEEN** · 02-02-2011 09:39 PM

لسلام عليكم يا عرب
انا معايا جين 2006
المشكله في الفرامل بتنزل لحد الاخر لحد ماسمع حكه جامده من تحت الدواسه نفسها انا بحسها تحت رجلي
رحت لمركز صيانه قالولي سيرفر عمومي
جيبته ب 600 جنيه
:( و برده زي ماهي

**moody4ever1** · 24-03-2011 12:55 AM

با جماعة انا عايز اشتري جين 2 موديل 2011 اوتوماتيك و قلقان بصراحة من كلام الناس علي العربية
ممكن تفيدوني بارائكم مع العلم اني معايا 94000 جنيه ومش لاقي احسن من الجين 2