كلام مظبوط, فعلا الواحد هو اللى هيخاف على حاجته و هيعملها افضل ما يمكن.احسن حاجة تعملها انك تعيش انجليزى و تعملها بنفسك زى مانا بعمل دلوقتى بس ده طبعا بعد مسايسة و محايلة لسيارتى القديمة الأصيلة الفيورا اللى ندمت اشد الندم على بيعها
هى اللى علمتنى الميكانيكا و العفشة و الكهرباء انا حسيت بخجل الشديد لما شفتها مع غيرى ازاى فرطت فيكى يا عزيزة؟ و ليه؟ عشان الباور ولا التكيف؟
ولا عشان اطير على 180 كم/س؟؟؟؟؟
يا ناس الصيانة فى التوكيلات مهمات بسيطة فى ايد اى صنايعى عنده اخلاق و ضمير و دوله مش فى التوكيل لأن التوكيل زى اى مصلحة فى البلد التعيين بالواسطة
الحمد لله اتعلمت فى عزيزة ازاى افك و اظبط و أعمل (طبعاً كان فيه خسائر لكن كله تحت السيطرة)
الكلام ده مش من أكتر من انى حبيت العربيات (و خصوصاً المحركات) و حاولت اعرف كل حاجة ليه لدرجة كل اللى اتعاملت معاه كرهنى من اسئلتى بس المهم انها جات بنتيجة و دلوقتى اروح مسألش الميكانيكى فيها ايه؟ اقولوا إعمل كذا و كذا عشان اعرف اراجع عليه و هو لوحده لو شاف حاجة تانية هيقولى ايه هيا قبل ما يمد ايده فيها
و ذلك لأن لا ضمان عند اى صنايعى (الضمان عند الله) و كدة كدة لازم هيلومك (و ده النوع اللى مش برجعله تانى ابداً)
و تأكد تمام التأكد لو الصنايعى المصرى كان نفسه فى كارت شحن و انت عنده مجرد للكشف و مش محتاج تعمل حاجة للعربية هيعمل فيلم هندى عن اى حاجة عشان تقبضه (و لو عنده ضمير مش هيعملك حاجة فيها تخرب الدنيا) و اغلبهم يؤيد نظريه التوكيل فك ارمى و اشترى
طبعا انا مش بتكلم فى عمليات جسيمة تحتاج لمساعدة الغير و ادوات مكلفة بس مفيهاش حاجة ابدا انى انزل تحت العربية و افك طبة الزيت و افك الفلتر بعدتى ولا وجع النافوخ
اليوم الوحيد اللى هروح فيه الوكيل يوم ما هعمل حاجة جسيمة عشان فيه فاتورة ضمان و خراب بيوت لو متصلحتش كويس
Let Them Know Who is the Boss
المفضلات