ركود سوق السيارات الجمعه 13/3/2009 لاول مره

**tmedhat** · 15-03-2009 12:48 PM

المشاركة الأصلية كتبت بواسطة saidtaha57

إخواني الكلام ده مش صحيح انا من كفر الدوار وكنت في السوق وبعت عربيتي لواحد من القاهرة ودا كان حوالي الساعة 3 ونصف وذهبنا للشهر العقاري الموجود بالسوق وجدنا عنده زحمة رهيبة منعتنا من اجراء العملية واتفقنا على يوم السبت في مكان آخر

اعتقد هو دة الكلام الصحيح فقط فى الموضوع دة

اللى انتم بتقولوة دة خراب بيوت

فية ناس كتيرة معتمدة فى حياتها على البيع و الشرا فى السيارات لوكل الناس دى حالها وقف لا حيشترو اى بضائع ولا حيببيعو لاهم معهمش فلوس اساس يعنى انا و انت وكل صاحب محل حيعانى بالتبعية
الكلام دة فى منتهى الخطورة
لابد و ان تستمر عمليات البيع و الشراء بالاسعار الطبيعية عشان البلد دى متقفش
منا لو ما معاييش فلوس مش حخش السوبر ماركت مش حشترى اكلة حلوة لعيالى مش حشترى لبس وغيرو وغيرة وغيرة
يعنى وقف حال
ما يرضيش حد ابدا

**eg_falcon** · 15-03-2009 12:57 PM

المشاركة الأصلية كتبت بواسطة saidtaha57

إخواني الكلام ده مش صحيح انا من كفر الدوار وكنت في السوق وبعت عربيتي لواحد من القاهرة ودا كان حوالي الساعة 3 ونصف وذهبنا للشهر العقاري الموجود بالسوق وجدنا عنده زحمة رهيبة منعتنا من اجراء العملية واتفقنا على يوم السبت في مكان آخر

يظهر بتوع الشهر العقاري بيخذوا العين عشان ما يتحسدوش

**ahmadems** · 15-03-2009 01:40 PM

لو فى حد عايز حاله ميوقفش يبيع بضمير وربنا هيكون معاه وهو الرزاق فلازم السوق يوقف شوية عشان الناس تتقى ربنا ويخلو عندهم ضمير ده الأسعار فى مصر جديد ومستعمل مش زى أى بلد تانية

**Drift_Lover** · 15-03-2009 01:53 PM

انا كنت هناك الجمعة واشتريت انا وصاحبي بس سجلنا برة وحواليا اتباعت ييجي 10 عربيات كمان

المشكلة اللي بتخلي السوق واقف ان الكل بيستنى لأخر النهار بعد ما البايع بييأس وبيكون الشهر العقاري قفل ده من ناحية الناحية التانية فيه ناس بتطلب اسعار رهيبة بضمير في العربيات

عربية 128 موديل 77 صاحبها طالب 16 من غير كلام

وواحد تانى معاه 128 موديل 83 مغيرة نص امامي ماسك في 15 متنزلش شلن

+11111111111111111

**ehabbasha30** · 15-03-2009 01:57 PM

المشاركة الأصلية كتبت بواسطة ahmadems

عشرة على عشرة لو فعلا الخبر أكيد
لو فى حد عايز حاله ميوقفش يبيع بضمير وربنا هيكون معاه وهو الرزاق فلازم السوق يوقف شوية عشان الناس تتقى ربنا ويخلو عندهم ضمير

ده الأسعار فى مصر جديد ومستعمل مش زى أى بلد تانية

ممكن اعرف حصرتك بتشتغل اية ؟؟؟؟
وهل جربت ان حالك يقف زى ما بتدعى على غيرك ؟؟؟
ياريت يكون فى عقلانية واحساس بالمسئولية مش فرحة من غير تفكير
انا اسف على اسلوب الكلام وياريت نعيد تفكيرنا تانى
انا مش بقول ان الناس تبيع غالى ولا بشجع البيع بسعر غالى بس متمناش السوق يقف والناس حالها يقف سواء تاجر او زبون عاوز يغير العربية او حد عاوز يشترى لاول مرة
فيها اية لما يكون حركة البيع والشراء شغالة والاسعا متهاودة وكل شئ برضا الطرفين

**eg_falcon** · 15-03-2009 01:57 PM

المشاركة الأصلية كتبت بواسطة ahmadems

لو فى حد عايز حاله ميوقفش يبيع بضمير وربنا هيكون معاه وهو الرزاق فلازم السوق يوقف شوية عشان الناس تتقى ربنا ويخلو عندهم ضمير

ده الأسعار فى مصر جديد ومستعمل مش زى أى بلد تانية

و الله انا شايف اللي عامل المشكل دا بالاساس هو اسعار الجديد يعني لو سعر الجديد نزل كله حيكر وراه

**أحمد سالم** · 15-03-2009 02:36 PM

والله ياجماعه الكلام ده جه فى الاخبار كانت حصاد الاسبوع
ونفس البرنامج كان جايب موضوع حريق عمارة رمسيس
والله انا مش جايب كلام من دماغى ولا ليا اى مصلحه
والله على مااقول شهيد
والكلام فعلا كان على لسان موظفى الشهر العقارى يبقى ازاى الاخ اللى بيقول انه اشترى ده
حاجه غريبه
بس الصراحه انا مصدق كلام موظفى الشهر العقارى

**postagy** · 15-03-2009 02:42 PM

يا جماعه انا كنت فى السوق لمده اربع ايام جمعه متتاليه واقدر ادعى انى قدرت اكون فكره كويسه عن الاوضاع ودعوكم لنقاش موضوعى حول ما سوف اقول:
1 الاسبوع الاول اتعرض عليا الصبح 15500 ومن تاجر ثم 15000 من تاجر اخر ومخرجناش عن الاطار ده طول النهار
2الاسبوع الثانى كان مطره ومحدش عرف يبيع او يشترى
3الاسبوع ده كان تراب بس الناس كانت ابتدى السعر عندها يستقر وكل ضمن انه هيكون فى اطار معين وابتدا الفصال يبقى جد وسمعت 16000 لاول مره
4 الاسبوع الرابع الى هو اللى فات ده 13/3 اول مره الناس اللى نازله تبيع تصر على الاسعار بتاعتها ومتقبلش تفاض والاسعار شده ويمكن ده يكون عمل حاله من الركود النسبى

**mida11** · 15-03-2009 02:46 PM

المشاركة الأصلية كتبت بواسطة ehabbasha30

ممكن اعرف حصرتك بتشتغل اية ؟؟؟؟
وهل جربت ان حالك يقف زى ما بتدعى على غيرك ؟؟؟
ياريت يكون فى عقلانية واحساس بالمسئولية مش فرحة من غير تفكير
انا اسف على اسلوب الكلام وياريت نعيد تفكيرنا تانى
انا مش بقول ان الناس تبيع غالى ولا بشجع البيع بسعر غالى بس متمناش السوق يقف والناس حالها يقف سواء تاجر او زبون عاوز يغير العربية او حد عاوز يشترى لاول مرة
فيها اية لما يكون حركة البيع والشراء شغالة والاسعا متهاودة وكل شئ برضا الطرفين

يا بيه انت بتقول ايه بتقول جربت حالك يوقف قبل كده اه جربت والناس كلها جربت . جربت لما تلاقي كل حاجه في البلد بتغلي بسرعه الصروخ تجرب لما تلاقي الحديد ب 9000 وتلاقي الاف الشباب مش عارف يتجوز والاكل والسلع واللحمه وحجات كتير والعربيات الي هو اصلا موضوعنا لما تسئل علي الاسعار بره الزاي وعندك في بدلك الزاي لما يعرفو ان الناس مبقتيش زاي الاول اكيد ساعتها هينزلو الاسعار ويبقي فيه عدل وبعدين متخفيش ربنا بيرزق وبعدين لو معاك عربيه وخايف علي سعرها ينزل وعايز تغير متقليش اكيد لما سعر الجديد هينزل وسعر عربيتك تنزل هتلاقيها هي هي الفرق الي خسرتو في عربيتك كسبتو بسعر الجديد

**ahmadems** · 15-03-2009 03:33 PM

المشاركة الأصلية كتبت بواسطة mida11

يا بيه انت بتقول ايه بتقول جربت حالك يوقف قبل كده اه جربت والناس كلها جربت . جربت لما تلاقي كل حاجه في البلد بتغلي بسرعه الصروخ تجرب لما تلاقي الحديد ب 9000 وتلاقي الاف الشباب مش عارف يتجوز والاكل والسلع واللحمه وحجات كتير والعربيات الي هو اصلا موضوعنا لما تسئل علي الاسعار بره الزاي وعندك في بدلك الزاي لما يعرفو ان الناس مبقتيش زاي الاول اكيد ساعتها هينزلو الاسعار ويبقي فيه عدل وبعدين متخفيش ربنا بيرزق وبعدين لو معاك عربيه وخايف علي سعرها ينزل وعايز تغير متقليش اكيد لما سعر الجديد هينزل وسعر عربيتك تنزل هتلاقيها هي هي الفرق الي خسرتو في عربيتك كسبتو بسعر الجديد

كنت ناوى أرد بس بعد ردك مفيش يمكن هو مفهيمش أنا بقول إيه ده فاكرنى بدعى على الناس