ركود سوق السيارات الجمعه 13/3/2009 لاول مره

**أحمد سالم** · 15-03-2009 09:00 PM

يا جماعه انا كنت فى السوق لمده اربع ايام جمعه متتاليه واقدر ادعى انى قدرت اكون فكره كويسه عن الاوضاع ودعوكم لنقاش موضوعى حول ما سوف اقول:
1 الاسبوع الاول اتعرض عليا الصبح 15500 ومن تاجر ثم 15000 من تاجر اخر ومخرجناش عن الاطار ده طول النهار
2الاسبوع الثانى كان مطره ومحدش عرف يبيع او يشترى
3الاسبوع ده كان تراب بس الناس كانت ابتدى السعر عندها يستقر وكل ضمن انه هيكون فى اطار معين وابتدا الفصال يبقى جد وسمعت 16000 لاول مره
4 الاسبوع الرابع الى هو اللى فات ده 13/3 اول مره الناس اللى نازله تبيع تصر على الاسعار بتاعتها ومتقبلش تفاض والاسعار شده ويمكن ده يكون عمل حاله من الركود النسبى

اعتقد ان هو ده التحليل السليم للموضوع
كلام حضرتك فعلا هو الاقرب جدا للحقيقه

**nomercy22** · 15-03-2009 09:13 PM

المشاركة الأصلية كتبت بواسطة ahmadems

لو فى حد عايز حاله ميوقفش يبيع بضمير وربنا هيكون معاه وهو الرزاق فلازم السوق يوقف شوية عشان الناس تتقى ربنا ويخلو عندهم ضمير

ده الأسعار فى مصر جديد ومستعمل مش زى أى بلد تانية

كلام مظبوط

**sasam6** · 15-03-2009 09:13 PM

دا كدا العربيات هترخص جامد

**mab** · 15-03-2009 10:54 PM

المشكلة الى عايز يبيع عربية مستعملة عايز يبيع غالى
ومش مصدق ان الاسعار نزلت مع انه فى نفس الوقت
بيقول ان فيه ركود ولو اتقلب الحال واشترى عربيته الى باعها حينزل فى سعرها الارض
والى عايز يشترى لو البائع قاله خدها ومعاها 2000 جنيه
حيفاصل معاه ويقوله خليهم ثلاثة

**Mar80** · 15-03-2009 10:57 PM

انا مش فاهمة ازاي واحد شاري عربيته من 20 سنة و مشسيت لما قالت يا بس و برضو مصر انه يبعها بالغالي
مهو اللى بيبيع لازم يقدر ان عربيته مشيت كتير و اكيد اللى هيشتري هيصرف عليها كتير برضو لانها مش زي الزيرو

اللهم اهدي المسلمين اجمعين

**أحمد سالم** · 15-03-2009 11:08 PM

على فكره العربيات القديمه غاليه فى مصر بس
انا كنت فى ليبيا
اقسم بالله العظيم ممكن تشترى عربيه من 500 دينار ليبى
وممكن ب1000 دينار تجيب عربيه مستعمله بحاله ممتازه
هتقولولى اعمل حساب فرق العمله
هقول لا والله الاسعار اللى انا بقولها دى كانت لما كان الجنيه المصرى بدينار ليبى
علشان كده الليبين بتلاقيهم كل بيت عنده اكثر من عربيه
عربيه للسوق
وعربيه للخروج
غير ان قطع الغيار متوفره جدا
لان الشباب الليبين بيروحو بلجيكا يجيبو عربيات متكهنه من هناك لوطات
والله من كثر العربيات هناك ورخصها ممكن تلاقى واحد عنده عربيه احدث موديل وواقف بيها فى موقف التاكسيات بيحمل زيه زى العربيات الميكروباص
غير ان بتلاقى فى مكان كبير هناك بيسموه رابش
الرابش ده تلاقيها قطعة ارض كبيره جدا مساحتها بالفدادين مليانه عربيات من كل الانواع والاشكل لو انت عايز قطعة غيار تدخل المكان ده وهناك بيكون فى ميكانيكى متخصص بالفك بس
تختار العربيه اللى انت عايزها وتخليه يفك لك كل اللى انت عايزه
وبعدين تروح للمعلم صاحب الرابش يقيم لك السعر
والحاجه طبعا بتتفك قدام عنيك
من عربيات حوادث وغيره
بدون اى غش

**طائر الليل** · 15-03-2009 11:44 PM

ياجماعه سوق الجمعه ده سوق تجار 99% وان شاء الله هيقف حاله عن قريب اما البيع والشراء شغال فى سوق المستعمل

**yaskhl** · 16-03-2009 02:31 AM

أنا موش فاهم ازاى احنا عاوزين اصحاب العربيات المستعملة يبيعوها بأرخص سعر وهو شاريها فى الغلاء. اذا كانت العربيات الجديدة لسه مانزلش سعرها. المنظومة كلها لازم تتغير من الجديد اولا علشان المستعمل بالتالى تابع له موش العكس.