ركود سوق السيارات الجمعه 13/3/2009 لاول مره

**mxz911** · 21-03-2009 05:22 PM

المشاركة الأصلية كتبت بواسطة أحمد سالم

على فكره العربيات القديمه غاليه فى مصر بس
انا كنت فى ليبيا
اقسم بالله العظيم ممكن تشترى عربيه من 500 دينار ليبى
وممكن ب1000 دينار تجيب عربيه مستعمله بحاله ممتازه
هتقولولى اعمل حساب فرق العمله
هقول لا والله الاسعار اللى انا بقولها دى كانت لما كان الجنيه المصرى بدينار ليبى
علشان كده الليبين بتلاقيهم كل بيت عنده اكثر من عربيه
عربيه للسوق
وعربيه للخروج
غير ان قطع الغيار متوفره جدا
لان الشباب الليبين بيروحو بلجيكا يجيبو عربيات متكهنه من هناك لوطات
والله من كثر العربيات هناك ورخصها ممكن تلاقى واحد عنده عربيه احدث موديل وواقف بيها فى موقف التاكسيات بيحمل زيه زى العربيات الميكروباص
غير ان بتلاقى فى مكان كبير هناك بيسموه رابش
الرابش ده تلاقيها قطعة ارض كبيره جدا مساحتها بالفدادين مليانه عربيات من كل الانواع والاشكل لو انت عايز قطعة غيار تدخل المكان ده وهناك بيكون فى ميكانيكى متخصص بالفك بس
تختار العربيه اللى انت عايزها وتخليه يفك لك كل اللى انت عايزه
وبعدين تروح للمعلم صاحب الرابش يقيم لك السعر
والحاجه طبعا بتتفك قدام عنيك
من عربيات حوادث وغيره
بدون اى غش

سبحان الله .. انا معاك فى كل كلامك يا باشا والله

انا عشت هناك 15 سنه .. وكان عندنا عربيه بيجو 505 موديل 86 بعناها ب 380 دينار ليبيى ... يعنى حوالى 1500 جنيه مصرى .. والعربيه والله العظيم كنا بنسافر بيها من مصر ل ليبيا يعنى كانت جامده جدا وجماله قاسيه ... انا اما جيت مصر اخدت صدمه العربيه دى اللى لسه مأثره فيا غايت دلوقتى

وفعلا ف موقف العربيات هناك اى عربيه بتحمل لأى حته انت عاوزها ومش شرط العربيه تكون مرخصه انها تكون تاكسى بالعكس.. اى واحد عاوز يسترزق بيروح يقف بعربيته ف الموقف ويحمل اى حته حسب الموقف رايح فين !!

والموقف بتلاقى فيه احدث العربيات لانسر ودايو وكله كله كله والاسعار هيه نفسها مش بتتغير الاجره من اى عربيه للتانيه خالص

**masryxt** · 21-03-2009 05:34 PM

ربنا ييسر للجميع بايع ومشتري

**أحمد سالم** · 23-03-2009 02:18 PM

سبحان الله .. انا معاك فى كل كلامك يا باشا والله

انا عشت هناك 15 سنه .. وكان عندنا عربيه بيجو 505 موديل 86 بعناها ب 380 دينار ليبيى ... يعنى حوالى 1500 جنيه مصرى .. والعربيه والله العظيم كنا بنسافر بيها من مصر ل ليبيا يعنى كانت جامده جدا وجماله قاسيه ... انا اما جيت مصر اخدت صدمه العربيه دى اللى لسه مأثره فيا غايت دلوقتى

وفعلا ف موقف العربيات هناك اى عربيه بتحمل لأى حته انت عاوزها ومش شرط العربيه تكون مرخصه انها تكون تاكسى بالعكس.. اى واحد عاوز يسترزق بيروح يقف بعربيته ف الموقف ويحمل اى حته حسب الموقف رايح فين !!

والموقف بتلاقى فيه احدث العربيات لانسر ودايو وكله كله كله والاسعار هيه نفسها مش بتتغير الاجره من اى عربيه للتانيه خالص

اشكرك يااستاذى على التعقيب
الحمد لله لقيت حد يقول انى بتكلم صح

**sheeko00** · 23-03-2009 02:34 PM

العرض كتير والطلب كتير فالسوق فتلاقى العربيات القديمة من نصيب الناس الى مكنش عندهم عربيات خالص وللطلبة كمان وتلاقى المتوسطة لاصحاب القديم الى بيجددو والى فو 2003 تلاقى المعظم عاوز يشترية بس اللعب فية كتير فتوكيلات وحظر وحوادث بسبب الايجار وخلافو وكمان لتقارب السعر من الجديد الى اصحابو اشتروة قسط وعاوزين يبيعوة كاش ومن غير اى خسارة ومن هنا ييجى الركود وكمان لان الناس كلها فاكرة ان العربيات كلها رخصت فيلاقى الزيرو نزل من 2000 الى 4000 والقديم اوى هو اى نزل جامد من 7000 اى 15000 والى فى النص عايم على حسب البايع

**AMA** · 30-03-2009 04:03 AM

أحلى خبر والله يا جماعة سمعتة
المفروض العربيات يبقى ليها قائمة تسعير
يعنى مثلا مثلا ال128 يكون من كذا لكذا
مش واحد يقول أنا هبيع بعشرين و التانى يقول انا هبيع بتلاتين
رغم إنها بتبقى نفس الحالة بس طبعا أنتوا عارفين أن الزن على الودان أقوى من السحر
يا ريت بس تكون وجهى نظرى وضحت و ألف شكر على الخبر و إن شاء الله يبقى فيه طريقة أفضل من كدة فى البيع أو يتم وضع حد معين لتسعير السيارات

الموضوع: ركود سوق السيارات الجمعه 13/3/2009 لاول مره

LinkBack

أدوات الموضوع

عرض

-

المواضيع المتشابهه

سوق الجمعه 23/10/2009

ركود سوق السيارات المصري يدفع البنوك لتأسيس شركات «التأجير التمليكي»

الكلمات الدلالية لهذا الموضوع

المفضلات

المفضلات

ضوابط المشاركة