ركود سوق السيارات الجمعه 13/3/2009 لاول مره

**eg_falcon** · 16-03-2009 01:19 PM

المشاركة الأصلية كتبت بواسطة smartmate

لو بس نعرف ايه اللي جاي بعد اللي احنا فيه؟؟

لو اطلعتم على الغيب لاخترتم الواقع

**tareKnokia** · 16-03-2009 01:38 PM

السلام عليكم

انا من حوالي تقريبا 6 اشهر قلت الأسعار حتنزل واتهمني بعض الناس انه كلامي مش مظبوط وان برى حاجة ومصر حاجة حتا ان ادارة امنتدى قامت مشكورة بتوقيفي اسبوعين لأني قلت الأسعار الي بيعرضوها اصحاب العربيات مش واقعية وان الأسعار حتنزل النص ووقتها محدش صدق كلامي وبعديها فتحت موضوع خليها تصدي وقامة ادارة المنتدى مشكورة بدمج موضوعي مع موضوع تاني ولا اعرف ماسر العداوة بيني وبين المشرف الذي مسؤل عن هذا القسم المهم الأسعار سوف تنزل كتير اكتر من ما احنا متوقعين ده شركة هوندا خسرت 80\100 ومافيش حدا بيكسب هما بس الحرامية الي عندنا ييئسو ان الشعب مابقاش مغفل وان الموضوع خلاص اتفضح حينزلوا الاسعار غصب عنهم والي شاري العربية ممن 20 سنة ب10 الاف جنيه وعايز يبيعها ب20الف ان بحكيلو خلي عندك دم واسنتوا شوية العربيات تحت موديل ال80 حتترمي في الزبالة ومش حتلاقي حد يشتريها والموديلات الي بعد كدا حتتبعا برخص التراب عارفين ليه عشان الشعب اصبح بيفهم والي عايز حاجة ومش قادر يجيب تمنها يسيبها حتا تبقا ارخص من سعرها والكل مستفيد ماعدا الحرامية الكبار الحيتان

**ahmed76** · 16-03-2009 02:33 PM

السلام عليكم
التجربة دى بأمانة انا عشتها كبائع لعربيتى ومشترى لعربية تانيه
والفترة دى كانت حوالى شهر ونصف

اولا : سعر العربيات المستعملة نزل ولكن فى حدود من 3000 :4000 جنيه
وعلى سبيل المثال وليس الحصر العربية اللى كانت ب 34 اصبحت بحوالى 30000
وزى ما قال بعض الزملاء هتبيع بتمن رخيص هتشترى بتمن رخيص
ولكن بعض الناس وبعض التجار اثناء الشراء بيوهموك ان الاسعار نزلت اكتلر علشان يخسفوا بيك الارض ويبوظوا اعصابك وتبيع بأى ثمن
(انا بقول بعض الناس)

ثانيا : بعض الناس منتظرة الاسعار تنزل تانى وتفضل المشى على رجليها والبهدلة هى واولادها واسرتها فى المواصلات علشان الاسعار ممكن تنزل 100 جنيه اخر السنه بعد مايكون صرف دم قلبة تاكسيات

ثالثا : مش معنى ان حصل بيع يوم الجمعة 13/3/2009 يعنى اللى باع هيسجل فى نفس اليوم
(مافيش حد نازل السوق وحاطط فى جيبه 30 او اربعين الف جنيه غير التاجر والتاجر نفسه مش هيسجل ويدفع تمن التسجيل و هايعمل توكيل و فى يوم تانى مش شرط فى نفس اليوم

اما الشخص العادى سوف يدفع عربون الف جنيه او اقل او اكتر ثم ينتظر ليوم الاحد لان البنوك قافلة الجمعه و السبت ويروح يسحب فلوس العربية ( واعتقد ان Atm مش ممكن يسحب اكتر من مبلغ معين )

واسف على الاطالة
والسلام عليكم ورحمة الله

**A_H_M_A_D** · 16-03-2009 03:11 PM

يا جماعه اللي بيطلب سعر معقول عربيته بتتباع هوا
واللي بيبقى مصمم على سعر معين في دماغه حاتفضل عربيته راكنه جنبه وهو و بخته يا يلاقي مشتري مش داري بالدنيا يقبل السعر العالي يا حاتفضل عربيته مشرفه جنبه شهور
أنا شخصيا لما جيت أبيع نزلت بالسعر و بيعت علطول مع إن عربيتي كان فيها حاجات محتاجه صيانه و قلت للي إشترى علي اللي فيها كله و رضي و كان مبسوط بيها كمان

**Drift_Lover** · 16-03-2009 03:13 PM

لا طبعا مش صح انا بعت عربيتي باقل 500 جنه من اللي كنت طلبه وكنت طالب زياده شويه(128 مو 83) بعت ب19500

انت كده بعت عربية في الجون.
انا كان بيتباع قدامي قيات 128 موديل 2006 فابريكه جوا وبره مطلوب فيها 26 الف. وده من شهر ونص في سوق العاشر.

**ehabbasha30** · 16-03-2009 03:59 PM

المشاركة الأصلية كتبت بواسطة mida11

يا بيه انت بتقول ايه بتقول جربت حالك يوقف قبل كده اه جربت والناس كلها جربت . جربت لما تلاقي كل حاجه في البلد بتغلي بسرعه الصروخ تجرب لما تلاقي الحديد ب 9000 وتلاقي الاف الشباب مش عارف يتجوز والاكل والسلع واللحمه وحجات كتير والعربيات الي هو اصلا موضوعنا لما تسئل علي الاسعار بره الزاي وعندك في بدلك الزاي لما يعرفو ان الناس مبقتيش زاي الاول اكيد ساعتها هينزلو الاسعار ويبقي فيه عدل وبعدين متخفيش ربنا بيرزق وبعدين لو معاك عربيه وخايف علي سعرها ينزل وعايز تغير متقليش اكيد لما سعر الجديد هينزل وسعر عربيتك تنزل هتلاقيها هي هي الفرق الي خسرتو في عربيتك كسبتو بسعر الجديد

يا سيدى الفاضل حضرتك مقدرتش تفهمنى وترجمت كلامة غلط انت والاستاذ ahmadems
اولا اقسم بالله انى مش تاجر عربيات ولا حاجة عشان متفكرش انى بدافع عنهم بالعكس ... وكمان مش فارقة معايا سعر المستعمل لان هيبقى على الكل سواء بالزيادة او النقص... يعنى مش هينفع ابيع عربية بسعر غالى والعربيات كلها رخيصة ولا كلامى غلط؟ وكمان زى ما هبيع غالى هشترى غالى وزى ما هبيع رخيص هشترى رخيص ... هى هى
ثانيا ..انا اعتراضى فى الكلام انة بيتمنى وقوف السوق والناس حالها يقف عشان السعر ينزل .... بس لنزول السعر ومش مهم الناس حالها يقف والنتيجة المترتبة على دة.... لو كنت حضرتك تاجر حديد واشتريت ب 9000 زى ما بتقول ومضطر تبيع ب اقل من نص السعر واتخرب بيتك ومعرفتش تاكل انت وعيالك كنت عرفت قصدى
لو كنت تاجر عربيات وحياتك معتمدة على تجارة العربيات ولقيت السوق واقف ومش عارف تبيع هتروح من غير فلوس لبيتك وهتشترى اكل منين وغيرة
نزول الاسعار لازم هيحصل بس مش بانهيار زى ما بتتمنوا لازم يتم بالتدريج عشان محدش يتخرب بيتة
وهرجع اقول انا مش بتكلم عن نفسى لان عربيتى مستعملة وسعرها متوقف على سعر السوق
المستفيد فقط هو اللى بيشترى عربية لاول مرة او باع وفضل مستنى نزول الاسعار وقاعد يتمنى انهيار الاسعا وخلاص عشان يستفيد هو مش مهم غيرة ميعرفش ياكل
فيها اية لما الاسعار تنزل بصورة طبيعية وصحية والكل يستفيد والعجلة تمشى

**mida11** · 16-03-2009 08:19 PM

المشاركة الأصلية كتبت بواسطة tareKnokia

السلام عليكم

انا من حوالي تقريبا 6 اشهر قلت الأسعار حتنزل واتهمني بعض الناس انه كلامي مش مظبوط وان برى حاجة ومصر حاجة حتا ان ادارة امنتدى قامت مشكورة بتوقيفي اسبوعين لأني قلت الأسعار الي بيعرضوها اصحاب العربيات مش واقعية وان الأسعار حتنزل النص ووقتها محدش صدق كلامي وبعديها فتحت موضوع خليها تصدي وقامة ادارة المنتدى مشكورة بدمج موضوعي مع موضوع تاني ولا اعرف ماسر العداوة بيني وبين المشرف الذي مسؤل عن هذا القسم المهم الأسعار سوف تنزل كتير اكتر من ما احنا متوقعين ده شركة هوندا خسرت 80\100 ومافيش حدا بيكسب هما بس الحرامية الي عندنا ييئسو ان الشعب مابقاش مغفل وان الموضوع خلاص اتفضح حينزلوا الاسعار غصب عنهم والي شاري العربية ممن 20 سنة ب10 الاف جنيه وعايز يبيعها ب20الف ان بحكيلو خلي عندك دم واسنتوا شوية العربيات تحت موديل ال80 حتترمي في الزبالة ومش حتلاقي حد يشتريها والموديلات الي بعد كدا حتتبعا برخص التراب عارفين ليه عشان الشعب اصبح بيفهم والي عايز حاجة ومش قادر يجيب تمنها يسيبها حتا تبقا ارخص من سعرها والكل مستفيد ماعدا الحرامية الكبار الحيتان

يا بيه انت راجل زاي الفل ومتقليش فيه ناس كتير بقت بتفهم والناس بقي عندهم وعي وياسيدي مدام اداره المنتدي مطهضاك كده اعمل موديك علي جروب خليها تصدي وموديلها يعدي علي الفيس بوك

**أحمد سالم** · 16-03-2009 10:10 PM

ثالثا : مش معنى ان حصل بيع يوم الجمعة 13/3/2009 يعنى اللى باع هيسجل فى نفس اليوم
(مافيش حد نازل السوق وحاطط فى جيبه 30 او اربعين الف جنيه غير التاجر والتاجر نفسه مش هيسجل ويدفع تمن التسجيل و هايعمل توكيل و فى يوم تانى مش شرط فى نفس اليوم

اما الشخص العادى سوف يدفع عربون الف جنيه او اقل او اكتر ثم ينتظر ليوم الاحد لان البنوك قافلة الجمعه و السبت ويروح يسحب فلوس العربية ( واعتقد ان Atm مش ممكن يسحب اكتر من مبلغ معين )

التعقيب بس على نقطه واحده
طيب ايام الجمعه السابقه لهذا اليوم ليه كان الشهر العقارى بتاع سوق السيارات بيبقى زحمه جدا
اشمعنى اليوم ده بالذات
وعايز اقول لحضرتك
ان الكلام ده كلام موظفى الشهر العقارى نفسهم هما اللى قالو ان اليوم ده كان فيه ركود غريب اول مره يحصل

**emilgeorge** · 18-03-2009 08:32 AM

يوم الجمعة كانت الدنيا زحمة جدا فى الشهر العقارى لدرجة انى دفعت فلوس لواحد برة علشان يخلص التوكيل وهو اللى دخل فى الزحمة وخلصوا ده غير ناس باعت قدامى وسجلت تانى يوم اوفى مكاتب تانية

**mohamed_alex** · 19-03-2009 02:51 AM

بجد لو وصلنا ان الناس تتقى الله فى البيع و الشرا حنرتاح بجد

يارييت بس فعلا الزيرو سعرة يقل علشان بالتبعيه المستعمل سعرة كمان يقل من غير ما اصحابه ما يتضرروا جامد

انا بجد مع حمله خلوها تصدى بس دا على العربيات الزيرو علشان دى الى مغالا فيها جدااااااا من الوكلاء و الموزعيين

لكن صحاب العربيات المستعمله الى يعينى مصديه خلقه مش عايزين نظلمهم بس هما كمان ميسوقوش فيها و يتمسكوا بأسعار اعلى من سعر السوق