التفكير المجتمعي السلبي و نظرة المجتمع للدراجة و البساطة

**enas75** · 17-03-2009 03:10 PM

اما للمشكله الاولي وهي زحمه العربيات نحط علي العجل سرينه عربيه شرطه............اونمشي علي الرصيف(في حاله وجوده).........
وعلي فكره ميزه ان احنا بنات ان الكل حيوسع علشان يتفرج ويقول شوف البنت اللي راكبه العجل ياجدعان ...في كل الاحوال حنستفيد
المشكله التانيه نحط جنزير حديد علي كاوتش العجله .......
شفت الحياه بسيط بس بلاش نعقدها.............
بس والنبي حد يحللي مشكله العيلين اركبهم علي العجل ازاي

**دينا أبوالعلا** · 17-03-2009 03:27 PM

المشاركة الأصلية كتبت بواسطة enas75

اما للمشكله الاولي وهي زحمه العربيات نحط علي العجل سرينه عربيه شرطه

............اونمشي علي الرصيف(في حاله وجوده).........
وعلي فكره ميزه ان احنا بنات

ان الكل حيوسع علشان يتفرج ويقول شوف البنت اللي راكبه العجل ياجدعان

...في كل الاحوال حنستفيد
المشكله التانيه نحط جنزير حديد علي كاوتش العجله .......
شفت الحياه بسيط بس بلاش نعقدها.............

بس والنبي حد يحللي مشكله العيلين اركبهم علي العجل ازاي

يا سلام عليكي حلتلنا كل المشاكل ربنا يكرمك
هما العيلين

بقي تسيبيهم لباباهم يبقي يوصلهم بالعربيه

**Ayman_52** · 17-03-2009 04:26 PM

المشاركة الأصلية كتبت بواسطة enas75

اما للمشكله الاولي وهي زحمه العربيات نحط علي العجل سرينه عربيه شرطه

............اونمشي علي الرصيف(في حاله وجوده).........
وعلي فكره ميزه ان احنا بنات

ان الكل حيوسع علشان يتفرج ويقول شوف البنت اللي راكبه العجل ياجدعان

...في كل الاحوال حنستفيد
المشكله التانيه نحط جنزير حديد علي كاوتش العجله .......
شفت الحياه بسيط بس بلاش نعقدها.............

بس والنبي حد يحللي مشكله العيلين اركبهم علي العجل ازاي

بجد شويه افكار جهنميه....

وبخصوص اولاد حضرتك...ممكن حاجه زى 2صندوق ببسى...وحضرتك تنجديهم وتفرشيهم جلد

...يتحطوا على العجله من ورا ..واحد يمين وواحد شمال...واحلى عيشه

وممكن التنجيد يتشال ويستخدم لحمل الاغراض الشخصيه والخصروات والفاكهه

بس بجد الموضوع ..خلانى اعيد التفكير انى انزل اشترى ..عجله...هو الواحد كبر ونسى طريقه القياده...بس هحاول ان شاء الله

انتم ناس عسل والله

شكرا استاذ/تــوت بجد عالافكار الجامده دى

....

ياريت كل كام يوم فكره جديده

**aliabutaleb** · 19-03-2009 09:29 AM

موضوع رائع كعادة موضوعات أستاذنا توت
وتعليقات أروع
بس ما تيجوا تكملوا جميلكم يا خبراء الدراجات وتساعدوا الناس اللي الفكرة ابتدت تلعب في دماغهم على القيام بخطواتهم الأولى في عالم الدراجات.
مطلوب وبشكل فوري نصائح من الخبراء في كيفية شراء دراجة لأول مرة، والمفروض الواحد يختار الدراجة إزاي؟، ويخللي باله من إيه، والأنواع إيه؟، والأسعار في حدود كام.
تاني حاجة مطلوبة هي نصائح أثناء قيادة الدراجات، وعند الركن
وأخيراً كيفية تجنب سرقة الدراجة
والأخيرة دي مهمة أوي لأني أسمع إن سرقة الدراجات شائعة جداً حتى للي بيربطها بجنزير
وجزاكم الله خيراً جميعاً

**aliabutaleb** · 19-03-2009 09:56 AM

مشاركة في الموضوع من ويكيبيديا

يوجد نظام جديد الان في إنجلترا ويسمى نظام اوى بايك وهو يمكن الاشتراك به عن طريق الاتصال بالشركة المسئولةعبر المحمول او الانترنت ويتم دفع مبلغ زهيد حوالى عشرة جنيهات استرلينية كإشتراك سنوى بسحبها من كارت الائتمان الخاص بك لتتمكن من استئجار الدراجات بوسط المدينة وتحصل على رقمين سريين الاول تستخدمه عند استلام الدراجة لفتح قفلها بالمحطة الخاصة بالدراجات والرقم الثانى تستخدمه عند اعادة الدراجة لاى من محطات الدراجات بوسط المدينة علما ان اول نصف ساعة مجانية وكل ساعة حوالى 2 جنيها استرلينيا وتعتبر تلك الوسيلة رياضية وغير ملوثة للبيئةكما يمكن القول انها ارخص من التجول بالمواصلات العامة بوسط لندن

فكرة ظريفة يا ريت تتطبق حاجة زيها عندنا في مصر
أنا مش شايفها محتاجة إمكانيات كبيرة

**lancerevolution** · 19-03-2009 12:36 PM

المشاركة الأصلية كتبت بواسطة alijandroo

موضوع رائع كعادة موضوعات أستاذنا توت
وتعليقات أروع
بس ما تيجوا تكملوا جميلكم يا خبراء الدراجات وتساعدوا الناس اللي الفكرة ابتدت تلعب في دماغهم على القيام بخطواتهم الأولى في عالم الدراجات.
مطلوب وبشكل فوري نصائح من الخبراء في كيفية شراء دراجة لأول مرة، والمفروض الواحد يختار الدراجة إزاي؟، ويخللي باله من إيه، والأنواع إيه؟، والأسعار في حدود كام.
تاني حاجة مطلوبة هي نصائح أثناء قيادة الدراجات، وعند الركن
وأخيراً كيفية تجنب سرقة الدراجة
والأخيرة دي مهمة أوي لأني أسمع إن سرقة الدراجات شائعة جداً حتى للي بيربطها بجنزير
وجزاكم الله خيراً جميعاً

بإعتبار إنى كان عندى تلت عجلات و أنا صغير و بعت إتنين و ورثت و احدة و لأخويا و إتسرقت منه من البيت و كمان العجلة التانية الى جيبتها فى إعدادى و إتسرقت فى أولى ثانوى و حاليا شغال بعجلة كنت جايبها فى تانية ثانوى عشان الدروس أحسن من التاكسيات لأن الدروس كانت فى أماكن مايعلم بيها إلا ربنا
العجل الى فى مصر بيبدأ من 100 جندى مستعمل ل 600 جندى جديد و دا على حسب نوع العجلة و طبعا حتفاجأ لو قولتلك إن أحسن عجل المصنوع فى الصين و بعدين الهند و بعد كدا التيوانى و بعد كدا أى حاجة مش حتفرق
فى عندك ماركات مشهورة زى الفيليبس و البى إم إكس و عندك أطلس و فى أنواع تانية
السعر بقى بيبقى على أساس إيه
وجود تروس مختلفة السرعة فى أو أنظمة الجر
و جود مساعدين أماين أو خلفين
فى سوستة كدا فى النص لإمتصاص الصدمات مع مساعدين أمامين ودى الى ممكن توصل ل 600 جندى
يعنى الفيلبس ممكن يعمل من 200 ل 600 جندى و كذلك البى إم إكس
أما أطلس فبيعمل من 150 ل 300 الى فات دا تقدر تقول عليه عجل إسبور
و الصينى العادى الى الجدون بتاعه مش مسطرة و الكاوتش مش عريض دا بيعمل 270 أو 300 زيرو و ممكن يوصل ل 50 لو مستعمل دا حسب الحالة بس العجلة دى بالذات ممكن تعيش ل 20 سنة و تبقى معاك زى الفل و عمرها ما بتعمل معاك حركة قلة

نيجى لأنظمة الأمان ممكن تجيب قفل من عند أى عجلاتى أو إتنين بتربط بيهم جسم العجلة "الكادر " بالعجلة الخلفية و ممكن تجيب جنزير "سلسلة " حديد تربط بيها العجلة فى أى شجرة أو عمود بقفل عادى طبعا

**lancerevolution** · 19-03-2009 12:40 PM

المشاركة الأصلية كتبت بواسطة enas75

بس والنبي حد يحللي مشكله العيلين اركبهم علي العجل ازاي

ساعتها حضرتك ممكن تجيبى العربية
فكرة الموضوع فى التقلات الفردية لمسافات قليلة و على فكرة العجلة حنتنجز جامد عشان مش حتقفى فى زحمة ممكن تدخلى فى الشوارع و الحوارى الديقى "تخاريم يعنى" لو مينفعش تركبى العجلة ممكن تجريها لحد لما المانع يخلص
عندنا على فكرة فى بنات بلاقيهم راكبين عجل كتير بنات كبار مش صغيرين كمان

**lancerevolution** · 19-03-2009 12:48 PM

المشاركة الأصلية كتبت بواسطة دينا أبوالعلا

والله يا ايناس انتي زي العسل

بجد انا ببقي مبسوطه قوي لما بشوف حد راكب عجله ومن كام يوم كنت بفكر ليه مش بنركب عجل
هي فيها عيبين العربيات مش هتخليكي تمشي والشوارع المسفلته بتاعتنا هتزحلق العجل من كتر نضافتها
والمشتكله التالته بالنسبه للبنات هنلبس جيبات ازاي

على فكرة فى عجل حريمى ودا الى بتبقى الماسورة بتاعتنه الواصلة بين الكرسى و الجادون نازلة لتحت موازية ل للماسورة التالنية الى تحت طبعا معمولة عشان الجيبة
زى الصور

**lancerevolution** · 19-03-2009 12:49 PM

المشاركة الأصلية كتبت بواسطة tutankhamoun

نهر الطريق للسيارات و الدراجات الهوائية و البخارية و كلهم لهم الحق فيه

المشاة ليس لهم أي حق إلا عبور الطريق

الناس في مصر متعرفش يعني أيه رصيف
و اللي بيمشي على الرصيف في مصر للآسف يبقى جبان
واحد صاحبي قالي كدا بالحرف الواحد
بيقولي الرصيف ده ملوش أي لزمة
لازم ننزل نرزل على أصحاب العربيات
مع أنه صاحب العربية و لو شاف ناس مشاية في الشارع في وسط الطريق بيتخانق معاهم ....... و هو بيعمل كدا نفسه زيهم .
تقريبا أن أحنا شعب مريض نفسيا فعلا

نفس الكلام الى بيتقالى و الناس بتتريق عليا للصبح زمايلى الى ماشيين معايا عشان ماشى على الرصيف

**enas75** · 19-03-2009 12:54 PM

علي فكره انا بتكلم جد جدا مش بهزر انا مستعدة اكون اول بنت تركب عجله تروح وتيجي واقضي كل مشاويري بيها ...........
انا كنت بعمل الكلام ده لحد اولي ثانوي برغم ان الناس كانت شايفه انه عيب انا كبرت وميصحش والكلام اياه...............
وانا دلوقتي ام ........ومع ذلك بتكلم جد .....كفايه الفوائد الكتيره اللي حتعود علينا كلنا من وراء الحركه ديه.
1- الشوارع حيخف فيها تكدس العربيات بشده
2- المده الزمنيه لقضاء اي مشوار حتقل يمكن للنص
3- جو القاهره حيخف فيه التلوث ونلاقي شويه هوا نضيف نتنفسه احنا وولادنا
4- صحتنا اللي حتبقي احسن لان ركوب العجل فنظري افضل رياضه بعد السباحه للجسم
5- اعصاب الواحد اللي حترتاح من قرف الزحمه ومشاكل السواقه
وفعلا لما بقول ان مشكلتي الاولاد اركب بيهم العجله ازاي مش تهريج قد
ما انا بطلب نصيحه الخبراء او لو حد شاف حاجه زي دي بره يقوللي ...........وغلوتكوا ساعتها لما تشوف واحده ماشيه بعجله بولد وبنت تعرفو انها انا ( بلا فخر).........
بس بجد قولولي ازاي
ومتقولوش ساعتها اركبي عربيه الهدف من الحوار ده ان احنا ندخل ثقافه العجل لكل الناس حتي الاباءو الامهاتوالبنات مش للشباب فقط

الموضوع: التفكير المجتمعي السلبي و نظرة المجتمع للدراجة و البساطة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هو مين اللى غلط انا ولا المجتمع

كيفية تجديد رخصة القيادة للدراجة البخارية أنتهت منذ أكثر من 6 شهور

التفكير الايجابي والتفكير السلبي

الفرق بين المجتمع الشرقى و المجتمع الغربى

الكلمات الدلالية لهذا الموضوع

المفضلات

المفضلات

ضوابط المشاركة