الموضوع: التفكير المجتمعي السلبي و نظرة المجتمع للدراجة و البساطة

نسيت اقولك الف شكر علي الصور اللي تفتح النفس لركوب العجل اكتر ما هو مفتوح بصراحه شكله عجبتني قوي وانا عجلتي بمبي برده بنات بقي

المشاركة الأصلية كتبت بواسطة enas75

علي فكره انا بتكلم جد جدا مش بهزر انا مستعدة اكون اول بنت تركب عجله تروح وتيجي واقضي كل مشاويري بيها ...........
انا كنت بعمل الكلام ده لحد اولي ثانوي برغم ان الناس كانت شايفه انه عيب انا كبرت وميصحش والكلام اياه...............
وانا دلوقتي ام ........ومع ذلك بتكلم جد .....كفايه الفوائد الكتيره اللي حتعود علينا كلنا من وراء الحركه ديه.
1- الشوارع حيخف فيها تكدس العربيات بشده
2- المده الزمنيه لقضاء اي مشوار حتقل يمكن للنص
3- جو القاهره حيخف فيه التلوث ونلاقي شويه هوا نضيف نتنفسه احنا وولادنا
4- صحتنا اللي حتبقي احسن لان ركوب العجل فنظري افضل رياضه بعد السباحه للجسم
5- اعصاب الواحد اللي حترتاح من قرف الزحمه ومشاكل السواقه
وفعلا لما بقول ان مشكلتي الاولاد اركب بيهم العجله ازاي مش تهريج قد
ما انا بطلب نصيحه الخبراء او لو حد شاف حاجه زي دي بره يقوللي ...........وغلوتكوا ساعتها لما تشوف واحده ماشيه بعجله بولد وبنت تعرفو انها انا ( بلا فخر).........
بس بجد قولولي ازاي
ومتقولوش ساعتها اركبي عربيه الهدف من الحوار ده ان احنا ندخل ثقافه العجل لكل الناس حتي الاباءو الامهاتوالبنات مش للشباب فقط

أنا أسف فهمت حضرتك غلط
بس نصيحة بصفتى مجرب كل حاجة عل العجلة ممكن تاخدى طفل واحد بس على العجلة لأن إتنين صعبة و عايزة توازن و تحكم صعب جدا و ما بيبقاش على الى سايق بس دا كمان الى راكب
هو عامتا فى كرسى صغير بيركب قدام للأطفال حتلاقيه ببتاع خمسة أو عشرة جندى و بيبقى ظريف جدا أنا عن نفسى يا ما روحت من المدرسة على العجلة مع جدو لما كنا فى أولى و تانيةو تالتة إبتدائى
جدى ربنا يهديه الصحة من محبى ركوب العجل جدا أكتر حاجة كان بيحبها هى اللف بالعجلة الصبح بعد صلاة الفجر أنا كنت ببقى معاه كانت أكبر متعة فى الحياه

المشاركة الأصلية كتبت بواسطة دينا أبوالعلا

اه منا عارفه وعندي عجله والحمد لله بس اكيد صغرت عليا الفكره اني ممكن علي ما اصل ملقيش ديل الجيبه ويكون السيور كلتهابس ايناس تلاقي حل للعيال وتعملها وانا وراكي ولو اني ففيصل وشغلي فمصر الجديده يعني امشي قبلها باسبوع عشان الحق اوصل بس مش مشكله ربنا يرزقنا بشغل تاني يا رب

فى غطا بيتحط على الجنزير عشان ميوسخش الهدوم و بيتباع عند أى عجلاتى معرفش سعره الصراحة عشان عمرى ما جيبته
و كمان فى بلاستيكة بتركب على الترس الى قدام عشان ما يمسكش حاجة و يقطعها زى ما عمل فى كل البنطلونات الى عندى لما وقعت البلاستيكة دى

المشاركة الأصلية كتبت بواسطة Terrible_DaRsH

او يكرمك بعجلة اسرع .. :) :)

المشاركة الأصلية كتبت بواسطة lancerevolution

فى غطا بيتحط على الجنزير عشان ميوسخش الهدوم و بيتباع عند أى عجلاتى معرفش سعره الصراحة عشان عمرى ما جيبته
و كمان فى بلاستيكة بتركب على الترس الى قدام عشان ما يمسكش حاجة و يقطعها زى ما عمل فى كل البنطلونات الى عندى لما وقعت البلاستيكة دى

يا جماعه بتحرجوني والله هركب عجل من غير ما الهدوم تتقطع ومن غير ما اغير شغلي
ايه الهنا اللي انا فيه ده

المشاركة الأصلية كتبت بواسطة lancerevolution

بإعتبار إنى كان عندى تلت عجلات و أنا صغير و بعت إتنين و ورثت و احدة و لأخويا و إتسرقت منه من البيت و كمان العجلة التانية الى جيبتها فى إعدادى و إتسرقت فى أولى ثانوى و حاليا شغال بعجلة كنت جايبها فى تانية ثانوى عشان الدروس أحسن من التاكسيات لأن الدروس كانت فى أماكن مايعلم بيها إلا ربنا
العجل الى فى مصر بيبدأ من 100 جندى مستعمل ل 600 جندى جديد و دا على حسب نوع العجلة و طبعا حتفاجأ لو قولتلك إن أحسن عجل المصنوع فى الصين و بعدين الهند و بعد كدا التيوانى و بعد كدا أى حاجة مش حتفرق
فى عندك ماركات مشهورة زى الفيليبس و البى إم إكس و عندك أطلس و فى أنواع تانية
السعر بقى بيبقى على أساس إيه
وجود تروس مختلفة السرعة فى أو أنظمة الجر
و جود مساعدين أماين أو خلفين
فى سوستة كدا فى النص لإمتصاص الصدمات مع مساعدين أمامين ودى الى ممكن توصل ل 600 جندى
يعنى الفيلبس ممكن يعمل من 200 ل 600 جندى و كذلك البى إم إكس
أما أطلس فبيعمل من 150 ل 300 الى فات دا تقدر تقول عليه عجل إسبور
و الصينى العادى الى الجدون بتاعه مش مسطرة و الكاوتش مش عريض دا بيعمل 270 أو 300 زيرو و ممكن يوصل ل 50 لو مستعمل دا حسب الحالة بس العجلة دى بالذات ممكن تعيش ل 20 سنة و تبقى معاك زى الفل و عمرها ما بتعمل معاك حركة قلة

نيجى لأنظمة الأمان ممكن تجيب قفل من عند أى عجلاتى أو إتنين بتربط بيهم جسم العجلة "الكادر " بالعجلة الخلفية و ممكن تجيب جنزير "سلسلة " حديد تربط بيها العجلة فى أى شجرة أو عمود بقفل عادى طبعا

جزاك الله خيراً على المعلومات الوافية
بس نقطة بسيطة
نشتري العجلة منين؟
فيه اماكن ينصح بالشراء منها دوناً عن غيرها؟

حلو اوي اوي موضوعكم بس خلي بالكم ان احنا الطبقه النخبويه فالمجتمع وفي مننا اللي هيغير فكره بسهوله زيي وزيكم انا عن نفسي فكرة العجله دي انا هطبقها لحاجه
انا اي مشوار فالمنطقه باخدو مشي وبيبقى نفسي مثلا لو مشوار بعيد شويه امشيه العجله هتخليني اروح اماكن ابعد وفنفس الوقت ابعد عن استهلاك العربيه الا بقا فالدائري او فالطرق المفتوحه خصوصا كل مشاويري مصر الجديده العباسيه مدينة نصر وانا ساكن فمصر الجديده وممكن العجله تمشيك فكل دولم وبالنسبه للشغل انا شغل فالصحرا فا مش هخاف من حد يجي يقولي حاجه