الموضوع: خناقات بسبب البنات

التفسير بسيط ..
ده راجع لسوء فهم معنى كلمة (رجولة) ..
من الطرفين ..
البنت تعرف ان الرجولة = بلطجة وقوة .. وهى (كائن غير عاقل)
الولد يعرف ان الرجولة = انه يكون اسد ويقدر يحمى (الحته) بتاعته ويعاكس اللى رايحة واللى جاية وياسلام بأه لو يقدر يتحرش بيها .. يبأه كده خد وسام الرجولة من الدرجة الاولى !!!


وده من ضمن الاسباب اللى مخليا القطر المصرى يجرى بسرررررررررررعة شديدة إلى الخلف ..

وللأسف مضطر اقول ..
مصر للخلف دُررررررررر

المشاركة الأصلية كتبت بواسطة M.Mokhtar

ثانيا انت كل موضوع هترد فيه هتقول مصر للخلف دور؟
كده هتدوخنا معاك

او ممكن يخبطنا ..

المشاركة الأصلية كتبت بواسطة Bossy_Fadl

ده لو كده يبقي علي الدنيا السلام بقي

لا لو هنتكلم على النقطة دى

فدى من زمااان اوى ...

و على فكرة العلاقة بنت الولد والبنت ابشع من كده .

وربنا يستر على عبيده بقي ومش عايزين نفتح موضوع فى موضوع تانى :)

المشاركة الأصلية كتبت بواسطة M.Mokhtar

مين قالك ان ده فهم البنت؟
وان ده فهم الولد؟
انت ازاى حكمت على الاتنين؟؟؟؟

ثانيا انت كل موضوع هترد فيه هتقول مصر للخلف دور؟
كده هتدوخنا معاك

انا لما قلت فهم البنت انا قصدت بيه البنت اللى بتدى المجال لمشكلة تعملها للبنى آدم اللى حظه الوحش وقعه فيها ..
وتخلص المشكلة فى النهاية على
- الكلام يكتر على البنت والواد وده يقول كلمة وده يقول كلمه والناس طبعاً زى منتوا عارفين مبترحمش
- جريمة تحصل ممكن توصل للوفاه

أكيد طبعاً اللى تعمل كده مش هيكون عندها عقل ..
انا مقصدتش بالتأكيد كل بنات الدنيا يعنى ...

بالنسبة للولد ..
فأنا حكمت عليه من اللى بشوفه بعنيا وبيتحكيلى من أصدقائى .. ولا انت مش عايش فى البلد ؟؟
الراجل النهارده .. ممكن تلاقيه فى الشارع وماسك فى خناق واحدة وبيضربها ويشتمها بأقذر الشتايم .. دى كفاية
لما تشوف راجل كبير بيعاكس واحدة اد بنته .. يبأه دى حاجة طبيعيه ؟؟
لما متبآش مطمن على أختك او والدتك او بنتك لأن الشارع مليان ناس مشحونين بالـ(رجولة) .. يبأه ده طبيعى ؟؟
لما انت تكون مع خطيبتك او مراتك او اى حاجة وتلاقى رجالة او شباب عمالين يلسنوا عليك زى (النس.....ن) يبأه ده طبيعى ؟؟
لما معدل الاغتصاب والتحرشات وفيه منها كمان جمااااااااااعية .. عشان بس متقولوش ده عمل فردى .. ويكون بالنسبة المرتفعة دى .. دى حااااجة طبيعية ؟؟؟
و و و و و و و ..............
لو الحاجات دى كلها مش صحيحة يبأه انت صح وانا مدين ليك بإعتذار .

المشاركة الأصلية كتبت بواسطة Bossy_Fadl

ايه موضوع كائن غير عاقل ده؟

بتاخد it مثلا في الجمله بدل she و لا ايه بالظبط

جديد عليا اوي الموضوع ده بصراحه اول مرة اعرفه

يعني ممكن نقول بمنتهي البساطة ان البنت اللي تعمل كده تبقي بنت تافهه و الولد اللي يسمع كلامها يبقي اتفه منها

بس نقول ان الانثي بوجه عام كائن غير عاقل؟

هو علطول ارائك كلها لازم تبقي تعصبيه و فيها شيء من الصدمة كده؟

و بعدين ما ممكن جدا الولد اللي يعمل كده يبقي فعلا غيور علي زميلته و معتبرها زي اخته او تكون اللي في الموقف ده مثلا البنت اللي بيحبها فبيحاول يدافع عنها و برضه ممكن اوي تكون البنت دي فعلا في حد اتعرضلها بطريقه تحتمل انها تقول لحد من زمايلها او الشخص اللي بتحبه (حتي و لو كان المفهوم ده غلط في حد ذاته)

و طبعاااااااااا ده ميمنعش ان في كتير تافهيين كمان و يمكن يكونوا هما القاعده هلا.

بس لا عن جد احب افهم موضوع البنت كائن غير عاقل ده عشان اثار اهتمامي فعلا

و ايه كمان فكرة ال(حته) دي و (يتحرش بيها)؟

هو ده هلا صار مفهوم علاقه الزميل بزميلته؟
او حتي الحبيب بحبيبته؟

يعني حتي لو الاتنين متخلفين عقليا و تافهيين لابعد الحدود هل من المفترض برضه ان علاقتهم تبقي كده؟

تبقي هي (حته) و زميلها (يتحرش بيها)؟

ده لو كده يبقي علي الدنيا السلام بقي

و بعدين ايه موضوع مصر للخلف در ده؟

بصراحه حاجة تزهق يعني مش كل موضوع هندخله هنلاقي حضرتك رادد فيه كده عشان نكرهه البلد و اللي فيها يعني

انا مش بحجر علي رايك بس يعني البلد لو مش عاجباك اوي كده عايش فيها ليه

مع احترامي الشديد لصاحب الموضوع

حضرتك كلامك صح و وجهة نظرك سليمه و فعلا النقطة اللي اثرتها دي فعلا تضايق و تنرفز

و اختلافي مش مع حضرتك خالص و لا مع الاخوة الاعضاء و كل ارائهم تحترم

انا بس حبيت اعلق علي النقطة دي عشان مستفزة كالعادة




+10000000

آنسة bosy ..
حضرتك داخلة فيا شمال اوى كده ليه .. ؟؟
حضرتك لو مش عارفه ان المنظور العام للست او البنت دلوقتى بأه عبارة عن انها وعاء جنسى او أداه بمعنى أصح (موزة)
يبأه حضرتك مش حاسة باللى بيدور حواليكى او مبتتفرجيش على التليفزيون او مبتقريش جرايد ..
عارفه الناس دلوقتى بيبوصوا للست إزاى ..
زى توم آند جيرى .. لما توم يكون جعان ويتخيل جيرى على شكل حته لحمة .. فرخة .. إزازة لبن ...
والله انا مش ببالغ فى التشبيه ده ..
انا شخصياً ليا اصدقاء كده .. ومنهم متزوجين كمان وهتقوليلى طب دول متجوزين ايه اللى ناقصهم .. هقولك معرفش !!
فطبعاً بيتعاملوا مع الانثى على انها شئ .. وده تدنى من الناحية الفكرية والاخلاقية رهيييييييييييب .. لأن المرأة نصف المجتمع ..

وبعدين انا مبردش فى كل المواضيع زى محضرتك قلتى .. انا بتكلم فى المواضيع اللى بتكون تستاهل ارد فيها ..
وبالمناسبة بشكر صاحب الموضوع لأنه طرح موضوع غاية فى الاهمية وبأة منتشر جداً مع الاسف ..
وبعدين انا لو مكانتش عجبانى البلد اللى فيها مكنتش قلت الكلام اللاذع اللى بقوله ده ..
كان زمانى قلت خليها تولع اكتر مهى والعه .. او حتى مهى بايظة بايظة ..
لأ انا نفسى البلد دى تبأه احسن بلد فى الدنيا .. او على الاقل ترجع زى ماكانت زمان ..

على العموم أنا آسف بخصوص كلمة غير عاقل دى لو جرحتك بما إنك أنثى ..
ولكن انا كنت بقول منظور الناس للست فى الوقت الحالى .. مش رأيى الشخصى ..

تحياتى .