الموضوع: خناقات بسبب البنات

محصلش حاجة يا استاذ deee

بس هلا حضرتك جيت و اعتذرت عن الكلمة

يعني كنت شايف انها غلط من الاول و ان الانثي فعلا مش كائن غير عاقل؟

و لا هو مجرد اعتذار لانك اخطأت في التعبير بس لكن المعني already موجود في دماغك؟

انا بصراحه ما فهمت التعبير من الاساس لانو بحياتي ما سمعت حد بيقول ان المرأة كائن غير عاقل

اكتر حاجة كان ممكن اسمعها انو مثلا النساء ناقصات عقل و دين

يعني في شوية نقص في نواحي معينة و دي حقيقه معروفة دينيا.

لكن غير عاقل كانت جامدة شوية

خصوصا انو حضرتك هلا ذكرت انو المرأة نصف المجتمع؟

طيب كيف فيها تكون نصف المجتمع و هي غير عاقل؟

ده كده تبقي مصيبه لانو كده يبقي نصف المجتمع متخلف

لذا وجب التنويه

ثانيا الموضوع بيتناقش في جهة واحده و هي الشباب و البنات التافهيين المستفزين اللي بيقوموا خناقات من لا شيء عشان البنت تحس بانوثتها و الولد يحس برجولته و ان البلطجة هي اساس الرجولة.

يعني الحوار كله ما طلع خارج هذا الاطار.

بس حضرتك هلا جاي بتقولي الست اداة و وعاء و م... و ان نظرة الراجل للمراة في المجتمع بقت زي نظرة الجعان للأكل.

اولا الحوار كده اخد منعطف تاني خالص ليس له ادني علاقه بالموضوع الاصلي.

ثانيا لو حضرتك عندك اصدقاء فعلا متزوجين و بيفكروا بنفس الطريقه دي يبقي مع احترامي ليهم ده عيب تربيه و قله توجيه من البدايه.

و مش هما بس، الكلام ده ينطبق علي اي حد بيفكر بالطريقه دي.

لاني انا شخصيا مشوفتش بحياتي كلها راجل بينظر للمرأة النظرة دي

لا في محيط سكني و لا دراستي و لا شغلي

لا انا و لا صحابي و لا حد من اهلي

اللي اعرفه انو لما بتكون في هيك حاله علي الاقل في الناس الnormal اللي حوالينا بتكون حالة فرديه شاذه.

لانو ما بعتقد انو في ناس اتربت تربيه سوية و سليمه و ممكن تفكر بهيك طريقه.

النموذج اللي حضرتك بتتكلم عنو ممكن يكون في اجواء شعبيه عشوائية كمان بلغت من الفقر و الضياع و الانحلال ادني حد.

لكن لما نيجي نجيب نموذج سوي زيي او زي حضرتك او زي اي حد موجود هنا مثلا مينفعش نطبق عليه الكلام ده و نقول انه ممكن يعمل كده مع انه انسان طبيعي.

لا طبعا لانو بهالطريقه لا يمكن يكون طبيعي و لازم يكون في خلل في التربيه in the first place.

لا يمكن يكون ده نموذج و قاعده في حياتنا و مكونش انا و غيري واخدين بالنا

اقصي شي انو ممكن اسمع خبر عن جريمة او اشوف معاكسه في الشارع لكن مبيحصلش في محيطي انا اني اشوف حاجة كده او اشوف النظرة دي في عين راجل لاي بنت حواليا.

مينفعش نقول ان دي قاعده او حتي نقول ان 50% من الرجاله كده

يا اما عن جد بنكون عايشين بغابه.

و انا عمري ما شوفت مصر كده.

و بالنسبة لحب حضرتك لمصر فاحيي حضرتك عليه لانك بقيت من القله القليله اللي لسه بتحب البلد.

و مافي شي بايدينا لا انا و لا انت و لا اي حد بيحب مصر غير انه يدعي انها تبقي احسن و يعمل الصح (مش من وجهة نظره...الصح اللي كل الناس عارفاه).

و بالنهايه الاختلاف في الرأي يفسد للود قضيه

و احترامي و تقديري للجميع

بحيكى على الرد العقلانى .. وعلى اسلوب حضرتك (الراقى) فى الحوار ..
ده مبدئياً ..
انا معاكى فى كللللللللللل الكلام اللى حضرتك قلتيه بإستثناء بعض النقط واللى هحاول الخصها علشان مطولش على حضرتك او على القارئ ..
1- انا عمرى مافكرت ان البنت او المرأة كائن غير عاقل .. بالعكس ..
انا ضد اللى يقول البنت دى عبارة عن تكملة للراجل او مخلوقة عشان تبأه تحت امر الراجل بل وحتى ناقصات عقل ودين ..
والدليل على كده إن المرأة النهارده بتمسك اكبر المراكز المرموقه والحساسة فى الدولة ..
امريكااااااااا وزير الخارجية واحدة ست .. المانيااااااا مستشارتها واحدة ست .. وهنا الست وصلت لمنصب وزير ونائب فى مجلس الشعب ..
وفى البيوت فى أحيان كتير بيكون للست دور اكبر من الراجل فى إدارة البيت وإحتواء مشاكله (أحياناً) عشان الرجالة متزعلش بس ..
ستات كتير بيكونوا مسئولين عن إعالة أسر كاملة وبتكون ظروفهم ربنا اعلم بيها ..
إذاً الست محدش يقدر ينكر دورها دلوقتى على جميع الاصعدة .. فأكيد مش هتكون ناقصة ..
وانا آسف مرة أخرى إنى وصلتلك ان المعنى ده رأي شخصى ليا ممكن يكون لسوء تعبير منى ..
2- موضوع التوبيك ده مبيستهدفش البنات او الاولاد او الرجال التافهين بس .. لأ .. لأن فيه ناس كتير محترمة بتقع ضحية طرف غبى او مجنون او متخلف تسميها زى ماتسميها .. المهم ان المحترمين رجليهم بتيجى فى الموضوع غصب عنهم .. زى مثلاً راجل محترم ناس ولاد حرام طلعوا بيته فى غيابه .. (بييييييييييييييته) وإغتصبوا مراته فى البييييييييييت وكانت لسه والدة قريب ... شوفتى وصلت لحد فين ؟؟؟
وانا شخصيا تعرضت لموقف مشابه وحصلت ساعتها مشكلة كبيرة ..
ده غير الناس اللى لسه اخدين حكم إعدام من كام يوم .. غير سفاح المعادى اللى كان بيستهدف الستات .. غير الظابط اللى استشهد وهو بيدافع عن بنت كانت مخطوفة فى ميكروباص ..
ده كله والامور مازالت طبيعية ؟؟؟؟
بالتأكيد لأ ..
فهدف الموضوع فى صلب الحوار اللى إتفتح ..
3- بالنسبة للمتزوجين .. فحدث ولا حرج .. مش اصدقائى المقربين بس .. لأ ..
انا أعرف ناس كبيرة فى السن فى الاربعينات والخمسينات وبيبصوا للمرأة على انها كده !!
طب دول عايزين ايه من الدنيا تانى ؟؟
طيب ليه الغالبية للأسف بأت كده ؟؟
ليه الواحد ميشوفش اى بنت او ست فى الشارع على انها أخته ؟؟
هل دى أزمة تربية ؟؟ هل الجيل اللى فات اللى ربى وكبر وفهم هو السبب ؟؟ يمكن ؟؟
بس فى كل الاحوال المشكلة طيلانا دلوقتى .. فلازم نحاول نلاقى حل ..
والحل ده عمره ماهيجى بالدرا او التعتيم على المشكلة .. لأن ده إسمه تهرب والتهرب عمره مكان حل ..
زى محد يكون مريض ومش عايز يروح لدكتور عشان يشوفه .. ويقول انا هخف لوحدى ؟؟ تفتكرى هيخف ؟؟
لكن لو راح للدكتور .. هتكون هى دى اول خطوة للشفاء ..

4- حتى لو كانت المشكلة مشكلة طبقية .. (مع انها عمرها ماأقتصرت على الظروف المادية) ..
اصدقاء كتير ليا مستواهم المادى مرتفع للغاية ..
ناس بقابلهم بحكم شغلى بردو مستواهم المادى مرتفع ومتوسط ..
يبأه بردو مش مقتصرة على الحته المادية دى .. لأن فيه بردو اماكن كتير على مستوى وبتحصل فيها خناقات ومشاكل كبيرة جداً بسبب موضوع زى ده ..

In the first place
القاعدة كانت صح عند البعض على الاقل .. لكن ايه اللى حصل .. فعلاً مش عارف !!

5- بالنسبة لحب وطنى .. فده شئ مفروغ منه .. انا عمرى ماهكره بلدى .. ولكن فقط اكتفى بالاستياء
ومعتقدش بردو ان اى واحد ممكن يوصل لمرحلة كره لبلده مهما حصل ..

آسف طولت بردو ..

تحياتى الصادقة ليكى وللجميع ..
وطبعاً الخلاف فى الرأى لا يفسد للود قضية .