الموضوع: خناقات بسبب البنات

يافرحة اي بنت واتنين شباب بيتخانقوا عشانها وبيموتوا بعض عشانها والمصيبة بقي انها ما تستاهلش

المشاركة الأصلية كتبت بواسطة deee

مين قالك انى بحاول انقل الكلام كله للجنس زى محتضرتك بتقول ..
حضرتك طلعت بالاستنتاج ده منين ؟؟
هو انا لما اتكلم عن حاجات بتحصل (يومياً) فى الشارع يبأه انا بتكلم عن حالة شاذة ؟؟
لا يا أستاذ .. الحالة الشاذة دى لما تحصل حالة معاكسة كل فترة زمنيه معينة لكن مش فى شكل شبه يومى ..

على صعيد البيئة بأه يا محترم .. فالمشكلة دى موجودة فى كللللللللللل مكان فى مصر خصوصاً القاهرة ..
انا بروح هنا وهنا وهنا .. وشفت بدل الواقعة إتنين وتلاتة .. شفت مصر الجديدة ومدينة نصر والمعادى والهرم على سبيل المثال ..
زى منا بفكرك بخالد يوسف لما بيحاول يبين حقيقة بتحصل بالفعل ..
فحضرتك بتفكرنى بفيلم (النوم فى العسل) لعادل إمام ..
لما كانت المشكلة موجودة ومحدش بينكرها والشعب كله بيعانى منها ويطلع الوزير يقول البلد زى الفل ومفيش فيها اى حاجة وده كلام جرايد ..
انا مش فاهم لمصلحة مين هنفضل نكذب على نفسنا ..
لما موضوع يعدى مرحلة الاستثناء ويتحول لظاهرة يبأه لازم يكون فيه وقفة .. والاعتراف بالمشكلة عشان نقدر نوصل لحل ليها ..
لكن لو هنعمل زى حضرتك كده و(نطنش) ونقول البلد زى الفل والحياة وردى يبأه إحنا كده نستاهل اكتر من اللى إحنا فيه

تدنى فى الاخلاق - غلاء - حوادث - (تحرش) - جريمة - إكتئاب - ..........

وبحب اهديلك المقالات و الفيديوهات دى يمكن تعرف انى مش بجيب كلام من بيتنا ..
http://www.alraimedia.com/Alrai/Article.aspx?id=120059

http://www.masrawy.com/News/Egypt/Po...rassment1.aspx

http://freedomofegypet.blogspot.com/...g-post_24.html

http://64.34.254.246/article.aspx?ArticleID=4315



http://www.youtube.com/watch?v=OiHTB...eature=related

http://www.youtube.com/watch?v=Uq0OH...eature=related

http://www.youtube.com/watch?v=XAFtE...eature=related


تحياتى .

طبعا انا مش هشوف اى موضوع ولا فيديو من اللى انت باعتهم عشان عارف محتواهم هيكون ايه

انا قولتلك مش بنكر ان الحاجات دى بتحصل

بس مش ده الطبيعى عندنا

ولو عاوز تفكر صح
مع انى مش عارف ايه ديانتك خصوصا بعد موضوع العربيات اللى اتقفل وانت بتقول كل واحد يعمل اللى هو عايزه

بس حتى ايام الرسول صلى الله عليه وسلم كان فى زنا

عشان لازم يكون فى اى مكان مهما كان الكويس والوحش

يبقى احنا نفضل نبرز فى الوحش ده ونبينه لكل الناس ويبقى كده احنا بنحل المشكله؟؟؟؟
ولا انت لما تيجى تقول البنت دى وعاء جبسى ولا اسمنتى
وبالنسبة للراجل فرخه ولا بطه يبقى انت كده بتحل؟

ثانيا المشكله فى الموضوع ده ان الولاد بتتاخنق بسبب البنات
ايه دخل بقى البنت شكلها ايه فى عين الولد؟؟؟
ولو انت مش شايف ان فى كلامك اى حاجة بترمى للموضوع اخر
امال ده ايه؟

حضرتك لو مش عارفه ان المنظور العام للست او البنت دلوقتى بأه عبارة عن انها وعاء جنسى او أداه بمعنى أصح (موزة)
يبأه حضرتك مش حاسة باللى بيدور حواليكى او مبتتفرجيش على التليفزيون او مبتقريش جرايد ..
عارفه الناس دلوقتى بيبوصوا للست إزاى ..
زى توم آند جيرى .. لما توم يكون جعان ويتخيل جيرى على شكل حته لحمة .. فرخة .. إزازة لبن ...
والله انا مش ببالغ فى التشبيه ده ..
انا شخصياً ليا اصدقاء كده .. ومنهم متزوجين كمان وهتقوليلى طب دول متجوزين ايه اللى ناقصهم .. هقولك معرفش !!
فطبعاً بيتعاملوا مع الانثى على انها شئ .. وده تدنى من الناحية الفكرية والاخلاقية رهيييييييييييب .. لأن المرأة نصف المجتمع ..

فعلا انا مش شايف اى حاجة خارجه عن نطاق ان الولاد بتتخانق بسبب البنات
قصدى بسبب الوعاء

ده حتى تشبيهك فى الافلام جبت فيلم جنسى بحت
يا راجل بلا قرف

كلام ملوش اى لازمه غير انك عاوز توصل لهدف معين وهو انك تفتح المجال للكلام فى المواضيع دى

هو انت عندك كام سنه؟
ومتجوز ولا لأ؟
اصل انا شايف ان المسأله دى شغلاك اوى

ولو رجعت لموضوع العربيه اللى بيحصل فيها حاجة انت مش عاوز نتدخل فيها

هتلاقى نفس الجملتين اللى بتقولهم فى كل موضوع

حاول تشوف حل للموضوع اللى شاغل بالك ده

عشان الدنيا مش كلها فراخ واوعية

على فكره انا مش بحب ارد على المواضيع اللى زى دى عشان عراف ان فى ناس هتدخل تقول اى كلام فى اى ناحيه
وتقول مهو فى وفى وفى
وده سبب كذا وكذا وكذا
وكلام جرايد وسنيمات

مهى الافلام اللى حضرتك بتستشهد بيها دى هى اللى بوظت الدنيا
هى اللى خلت ولد لسه فى ابتدائى عارف ايه اللى بيحصل بين الراجل ومراته وبادق التفاصيل
هى اللى خلت الشباب اهم حاجة عندها دلوقت
- الحريه
- الحب
- اللوك
معلش مهو كل اللى بيشوفه فى التليفزيون 2 بيحبوا بعض

بنت عايزة تبقى حره وبتعمل اللى فى دماغها وبتلبس بمزاجها وتصاحب شباب عادى وعايشه حايتها

برنامج ساقط بيحط شوية شباب وبنات مع بعض وكل واحد يحضن ويطبب على التانى عادى

مطرب لو قطع ودنه اليمين هتلاقى 70% من الشباب قاطعه ودنها وراه

عايز الشباب يطلعوا عارفين ربنا؟؟؟
تيجى ازاى؟

أنا لا أعمم لأنه غلط التعميم

حد فيكوا قضى العيد فى بلد اقاليم برة القاهرة الكبرى يعنى بلد صغيرة كل الناس فيها عرفة بعض تقريبا عمرك ما تشوف الى بيحصل دا و الى أنتوا إتكلمتوا عليه يعنى مثلا عندنا فى المنوفية موجود الكلام دا بس تقدر تقول حالات شاذة يعنى ممكن عيد يعدى من غير ما واحدة تتعاكس حتقولى دى مش زى دى أو مش زى القاهرة حقولك هى مش زيها بس قريب منها يؤل ليها زى ما بنقول فى الرياضة بس عمرها ما حتبقى زيها دا ليه لأن الناس هنا مسلم و مسيحى عارفين الصح من الغلط و لو بنت نازله "كاسيات عاريات " أى حد هنا واد بنت راجل كبير ست كبيرة بعتبرها بنت ليل لأنه ببساطة ضد العرف ضد الدين ضد أخلاق الناس الى عايشة فى البلد ده ومحدش بيوافق إن بنته أو أخته تنزل بالمنظر دا أبدا
فى حالات المعاكسة البنت غلطانة 80% لأنها لبست كدا و الولد غلطان 20% إنه بصلها و عاكسها و مكنش عنده سيلف كنترول

و يا ريت محدش يزعل من كلامى

المشاركة الأصلية كتبت بواسطة deee

ولو مكنتش ذادت عن حدها وبتتشاف كللللللللل يوم ادام عيون الناس كلها مكنش يتكتب عنها ويتعمل عنها أبحاث وإحصائيات وبرامج ......................

انصحك تغيرالمنطقه اللى انت ديما بتشوف فيها الكلام ده
عشان اكيد العيب فى المنطقة

المشاركة الأصلية كتبت بواسطة deee

انا عايز الناس تشترك وتقول .. موضوع المعاكسات ده والمضايقات للبنات او الستات ذاد عن حده ولا لأ بصراحة ؟؟؟؟؟؟؟

على فكره ده سبب ردى الاساسى
انك بتدخل اى موضوع عشان تتكلم فى الحوار ده مع انه مش هدف الموضوع اصلا
ولما الاشراف يقفله تقريبا بتزعل وبتستنى اى موضوع تانى يفتح عشان تتكلم فى الموضوع ده باى طريقه

المشاركة الأصلية كتبت بواسطة deee

إنت مبتمشيش فى الشارع ؟؟؟ مبتدخلش مولات ؟؟ مبتمشيش على البحر ؟؟؟
اللى ميحبش يشوف الحقيقة يبأه أعمى .

بمشى الحمد لله لسه رجليا كويسين
بس مش بشوف حاجة زى كده
هو اه اكيد الشباب بيبصوا على اللى رايح واللى جاى
بس يقل ادبه نادرا ما بشوفها

انصحك لتانى مره تغير المناطق اللى انت بتشوف فيها الكلام ده

المشاركة الأصلية كتبت بواسطة deee

هات اى حد كبير يكون عاصر مصر زمان ودلوقتى ..
وقله ايه الفرق بين مصر زمان ومصر دلوقتى فى موضوع زى ده ؟؟
وشوفو هيرد عليك يقولك ايه ؟؟؟؟؟؟؟؟؟

هيقولك ايام السادات كانت البنت بتمشى بجيبه فوق السره
والحمد لله ايمان الشعب المصرى رجعه تانى لعقله
ولسه فى فئة زباله بس ان شاء الله ربنا هيرحمنا منها

المشاركة الأصلية كتبت بواسطة deee

ولو إنى واثق انه مش هيقول كل حته فيها الكويس وفيها الوحش .
زمان كانت الست تمشى فى الشارع محدش كان يضايقها ولا حد يرمى عليها كلمة ولا ولا ..
آه كان ممكن تحصل حالة معاكسة بنسبة 10:2 مثلاً ..
وساعتها الرقم ده يديك الحق انك تقول ان ده إستثناء وإنه تصرف فردى ..
لكن تعالى دلوقتى وشوف ..
من كل عشر بنات بيمشوا فى الشارع يتعاكس منهم هقول مثلاً عشان محدش يقول انى ببالغ مع انى بقول اقل من الواقع
سبعة مثلاً ..
هنا يبأه فيه إختراق للقاعدة وظاهرة بدأت فى الانتشار ولازم يكون ليها ردع قوى ..
مش اقول ياعم اى بلد فيها الكويس والوحش والبلد دى أحسن من غيرها .. إيه الاستهتار ده وايه الامبالاه دى ؟؟؟؟؟؟؟؟

ارقامك زادت :k48:

ال 7 لكل 10 بيتعاكسوا

لا انا ممكن اقولك 8 من كل 10 بيتعاكسوا بس بادب
يعنى يقولها ايه الجمال ده
ياعم بالراحه علينا
طيب رقم الموبيل حتى

الكلام بتاع الاطفال ده اللى كنا بنعمله كلنا واحنا لسه عيال

لكن قلة الادب اللى حضرتك بتسعى وراها فى كل كلامك معقتدش انها تمثل حتى 2 لكل 10

المشاركة الأصلية كتبت بواسطة deee

انا هجيبلك مثال بعيد شوية عن موضوعنا عشان انت عندك حساسية منه شوية ...
ثالثاً : حضرتك لو مش عايز تتكلم فى حاجة زى كده او بتتكسف دى حاجة ترجعلك .. ايه اللى يخليك تدخل فى مناقشة طالما الخجل بيلعب دوره معاك ؟؟؟؟؟

:k48::k48::k48::k48::k48::k48::k48:

بجد اول مره يعجبنى حاجة من كلامك
مختار بيتكسف؟!!
يختشى كميلة

جديده اوى دى عليا على فكره
انت لو عايز تتناقش فى حاجات تكسف تعالى وانا افهمك كل حاجة انت مش هتاخد بالك منها لوحدك
عيب يا مان
احنا بقالنا كتير فى الشارع
بقولك ايه
ابعتلى ايميلك على الخاص ونظبط الحوار ده

لكن اتكسف وخجل وكلام الناس المؤدبه ده مش مكانه هنا خالص

لازم تفرق بين الكسوف والحياء
الحياء لو ضاع من الراجل هيجر معاه البنت
وان لم تستحى...... (انت مسلم وعارف)

المشاركة الأصلية كتبت بواسطة deee

ورابعاً الكلام اللى حضرتك قلته كله يعتبر أى كلام فى رغيف لانه لا يمت للحقيقة بأى صلة .....

كلام فى الرغيف !!!!
انت بتبيع حواوشى ولا ايه؟
مش بقولك العيب فى المنطقه بس انت مش مصدقنى

المشاركة الأصلية كتبت بواسطة deee

ثم أفلام ايه دى اللى انا بستشهد بيها ؟؟؟
هى اللى خلت الولد بتاع ابتدائى اللى يبص على الافلام دى ؟؟
لأ سورى اللى مسئول عن ده والده ووالدته لأنهم مربهوش على ان سنه ميناسبش الكلام ده وسابوه يتفرج ..
مش ذنب الفيلم ...
اللى بيجى فى التليفزيون يامحترم خصوصاً المصرى .. لا يجسد الا واقع الحياه المعاصرة للوقت اللى هو فيه ..

ايوه كده هات من الاخر يا راجل عشان نلخص
احنا مش فاضين لبعض
ومش ده الموضوع اللى هركز فيه يعنى

التربية
لا استنى

التــــــــــــــــــربــ ـــــــــــــــــيـــــــ ــــــــــة

عشان الكل ياخد باله منها

كل واحد وحسب تربيته

يعنى لو واحد متربى ان لما يعاكس وحده فى الشارع يبقى عيب مش هيعمل كده

لو متربى انه لما يتخانق مع واحد صحبه عشان خاطر بنت زباله يبقى مش راجل اصلا مش هيعمل كده

واحد متربى انه لو شاف واحد ووحده فى وضع مش سليم ويقول انا مالى هيعمل كده

واحد شايف ان انا اعمل كده وفيها ايه يعنى دى حريه يبقى متربى كده

واحد كل يوم مع مامى فى النادى وشايفها قاعده مع صحابها رجاله وستات وبيضحكوا ويهزروا واخر اليوم يقوموا يسلموا ويبوسوا بعض
تفتكر هيعمل ايه؟
هيعمل كده مفيش جدال

انت جبت من الاخر
وكل واحد يقيس على نفسه
وكل واحد وتربيته

المشاركة الأصلية كتبت بواسطة deee

رابعاً : بخصوص ديانتى فأنا الحمد لله مسلم ومش منتظر اى بنى آدم انه يزايد على كده ..
سنى معتقدش هيهمك اوى ومش مهم تعرف ومش هيزيد او يفيد الموضوع فى حاجة ..

ربنا يزيدك يا باشا
واحنا يهمنا ايه غير ان المسلم يكون مسلم بحق

بالنسبة للسن انا بس كنت بنصحك عشان شايف كل كلامك بيصب فى وعاء واحد
وقولت يمكن لما تتجوز نظرتك تتغير

المشاركة الأصلية كتبت بواسطة deee

وياريت تحاول تهدى نفسك وانت (بتتناقش) شوية لأننا مش بنتخانق ..
تحياتى .

ههههههه
مش بقولك كلامك بدأ يعجبنى
على فكره انا هادى خالص بس يمكن عشان ماكنتش بحط ايقونات فانت افتكرت انى متعصب او بتخانق

ده انا حتى كنت برد عليك وانا بلبس الشراب عشان نازل
ولسه راجع دلوقت وقولت اصحالك عشان شكلك زعلت منى


انا هدفى الوحيد فى الموضوع
ان مش ده مجال الموضوع اللى نتكلم فيه

ولو انت مش ليك حد قريب لك انا ليا اقارب وبنات بيدخلوا
مش معقول كل ما يدخلوا على موضوع يلاقى حضرتك كاتبلهم وعاء وأداه وكلام مالوش لازمه كده

هو اه اخر الموضوع هيغلق ويتحذف
بس انا قولت ادخل انصحك انك مش كل موضوع تدخل تقول فيه الكلام ده
اهدى شوية كده وفكر فى اللى قولتهولك

على فكره انا عجبانى وعاء اوى عشان كده بستخدمها كتير
احسن ألاقيك رادت عليا تقولى هو انت مش عندك وعاء ولا ايه زى موضوع بتكسف كده


ومش كل اللى ماتوا بسبب بنت كان السبب هايف
انا اعرف ناس ماتت وهى بتدافع عن بنت مش تقربلهم ولا حتى يعرفوها

ونكتفى بهذا القدر فى الموضوع اللى ملوش لازمه ده عشان ورانا حاجات اهم

ومفيش تحيات يلا ياعم

المشاركة الأصلية كتبت بواسطة deee

آنسة bosy ..
حضرتك داخلة فيا شمال اوى كده ليه .. ؟؟
حضرتك لو مش عارفه ان المنظور العام للست او البنت دلوقتى بأه عبارة عن انها وعاء جنسى او أداه بمعنى أصح (موزة)
يبأه حضرتك مش حاسة باللى بيدور حواليكى او مبتتفرجيش على التليفزيون او مبتقريش جرايد ..
عارفه الناس دلوقتى بيبوصوا للست إزاى ..
زى توم آند جيرى .. لما توم يكون جعان ويتخيل جيرى على شكل حته لحمة .. فرخة .. إزازة لبن ...
والله انا مش ببالغ فى التشبيه ده ..
انا شخصياً ليا اصدقاء كده .. ومنهم متزوجين كمان وهتقوليلى طب دول متجوزين ايه اللى ناقصهم .. هقولك معرفش !!
فطبعاً بيتعاملوا مع الانثى على انها شئ .. وده تدنى من الناحية الفكرية والاخلاقية رهيييييييييييب .. لأن المرأة نصف المجتمع ..

وبعدين انا مبردش فى كل المواضيع زى محضرتك قلتى .. انا بتكلم فى المواضيع اللى بتكون تستاهل ارد فيها ..
وبالمناسبة بشكر صاحب الموضوع لأنه طرح موضوع غاية فى الاهمية وبأة منتشر جداً مع الاسف ..
وبعدين انا لو مكانتش عجبانى البلد اللى فيها مكنتش قلت الكلام اللاذع اللى بقوله ده ..
كان زمانى قلت خليها تولع اكتر مهى والعه .. او حتى مهى بايظة بايظة ..
لأ انا نفسى البلد دى تبأه احسن بلد فى الدنيا .. او على الاقل ترجع زى ماكانت زمان ..

على العموم أنا آسف بخصوص كلمة غير عاقل دى لو جرحتك بما إنك أنثى ..
ولكن انا كنت بقول منظور الناس للست فى الوقت الحالى .. مش رأيى الشخصى ..

تحياتى .

محصلش حاجة يا استاذ deee

بس هلا حضرتك جيت و اعتذرت عن الكلمة

يعني كنت شايف انها غلط من الاول و ان الانثي فعلا مش كائن غير عاقل؟

و لا هو مجرد اعتذار لانك اخطأت في التعبير بس لكن المعني already موجود في دماغك؟

انا بصراحه ما فهمت التعبير من الاساس لانو بحياتي ما سمعت حد بيقول ان المرأة كائن غير عاقل

اكتر حاجة كان ممكن اسمعها انو مثلا النساء ناقصات عقل و دين

يعني في شوية نقص في نواحي معينة و دي حقيقه معروفة دينيا.

لكن غير عاقل كانت جامدة شوية

خصوصا انو حضرتك هلا ذكرت انو المرأة نصف المجتمع؟

طيب كيف فيها تكون نصف المجتمع و هي غير عاقل؟

ده كده تبقي مصيبه لانو كده يبقي نصف المجتمع متخلف

لذا وجب التنويه

ثانيا الموضوع بيتناقش في جهة واحده و هي الشباب و البنات التافهيين المستفزين اللي بيقوموا خناقات من لا شيء عشان البنت تحس بانوثتها و الولد يحس برجولته و ان البلطجة هي اساس الرجولة.

يعني الحوار كله ما طلع خارج هذا الاطار.

بس حضرتك هلا جاي بتقولي الست اداة و وعاء و م... و ان نظرة الراجل للمراة في المجتمع بقت زي نظرة الجعان للأكل.

اولا الحوار كده اخد منعطف تاني خالص ليس له ادني علاقه بالموضوع الاصلي.

ثانيا لو حضرتك عندك اصدقاء فعلا متزوجين و بيفكروا بنفس الطريقه دي يبقي مع احترامي ليهم ده عيب تربيه و قله توجيه من البدايه.

و مش هما بس، الكلام ده ينطبق علي اي حد بيفكر بالطريقه دي.

لاني انا شخصيا مشوفتش بحياتي كلها راجل بينظر للمرأة النظرة دي

لا في محيط سكني و لا دراستي و لا شغلي

لا انا و لا صحابي و لا حد من اهلي

اللي اعرفه انو لما بتكون في هيك حاله علي الاقل في الناس الnormal اللي حوالينا بتكون حالة فرديه شاذه.

لانو ما بعتقد انو في ناس اتربت تربيه سوية و سليمه و ممكن تفكر بهيك طريقه.

النموذج اللي حضرتك بتتكلم عنو ممكن يكون في اجواء شعبيه عشوائية كمان بلغت من الفقر و الضياع و الانحلال ادني حد.

لكن لما نيجي نجيب نموذج سوي زيي او زي حضرتك او زي اي حد موجود هنا مثلا مينفعش نطبق عليه الكلام ده و نقول انه ممكن يعمل كده مع انه انسان طبيعي.

لا طبعا لانو بهالطريقه لا يمكن يكون طبيعي و لازم يكون في خلل في التربيه in the first place.

لا يمكن يكون ده نموذج و قاعده في حياتنا و مكونش انا و غيري واخدين بالنا

اقصي شي انو ممكن اسمع خبر عن جريمة او اشوف معاكسه في الشارع لكن مبيحصلش في محيطي انا اني اشوف حاجة كده او اشوف النظرة دي في عين راجل لاي بنت حواليا.

مينفعش نقول ان دي قاعده او حتي نقول ان 50% من الرجاله كده

يا اما عن جد بنكون عايشين بغابه.

و انا عمري ما شوفت مصر كده.

و بالنسبة لحب حضرتك لمصر فاحيي حضرتك عليه لانك بقيت من القله القليله اللي لسه بتحب البلد.

و مافي شي بايدينا لا انا و لا انت و لا اي حد بيحب مصر غير انه يدعي انها تبقي احسن و يعمل الصح (مش من وجهة نظره...الصح اللي كل الناس عارفاه).

و بالنهايه الاختلاف في الرأي يفسد للود قضيه

و احترامي و تقديري للجميع