الموضوع: (( رابطة الاسطورة فيات 131 ))

شكلي داخل علي طقم شمبر !!!

الي مجنني ان العربيه كانت جايه مظبوطه و الميه مابتنقصش و الزيت مابينقصش
و مفيش دخان من الفايظ ولا كان فيه مشاكل ف الماتور
كانت المشكله ف الفرامل و العفشه و دا كله صلحته

لكن الي حصل ف مره كنت ماشي ع الصحراوي و سير الدينامو اتقطع !!
و جبت سير و قعدنا نركب فيه و كانت ليله
و السير ما كملش و طار بالمروحه الي راكبه و دخلت ف الرادياتير بس ماكسرتوش
دا تقريبا سبب المشاكل الي عندي دلوقتي

اخر تجربه هعملها هغير البوجيهات الي عليها زيت بسن قصير و اغير اسلاك البوجيهات و اظبط التاكيهات
كل ما اكلم الميكانيكي علي زيت الشنبر يقولي مش كل مره بينفع
ف خايف اجربه و يعملي مشكله و معاد تغيير الزيت لسه باقي ف حدود 800 كيلو ( انا حاطط زيت شل الاحمر و هغيره علي 2000 )

و الدينامو هشوف اخرته ايه !

الي مستفزني دلوقتي اني مغير المساعدين كلهم و بردو بحس ان العربيه ناشفه من قدام
بس طبعا فيه فرق ممكن بنسبه 60%
مش عارف بقى دي مشكله سوست و لا عشان عندي جنوط 14 ؟؟
يعني فيها زياره للعفشجي

و بردو الكام حته الي فيهم بارومه كلمت سمكري و قالي هياخد فيهم 150 جنيه و يرجعها زي الفبريكه
الكلام دا كان ع البرومه الي ف العتب و ظبط الجنبين و الكبوت و البارومه الي ف مفصله الباب اليمين

فيه حتتين صغيرين ف داير العجل الي ورا ممكن يتعملو بالمره
يعني لو قولنا السمكره كلها هتدخل ف 200 جنيه

بالمره بقى انهارده لقيت العربيه فيها لتر زيت بس تقريبا !!
يعني كلت لترين و نص في حوالي 1500 كيلو

انا كنت رايح ابص علي الفرامل بس و انا واقف كنت بشيك ع البوجيهات و زودت الميه و ببص ع الزيت لقيت المقياس مابيطلعش عليه حاجه و الفتحه بتاعته و خرطوم الفايظ بيطلعو دخان
ف قولت للميكانيكي قالي دي كدا تقريبا مفيهاش زيت او الي فيها قليل اوي
المهم سبتله العربيه صنفر الفرامل و رجلشها و انا روحت جبت ازازه زيت و بوجيهين سن قصير

الحكايه بقى كدا داخله في طقم شمبر !!
سألته الحكايه هتتكلف كام اداني اسعار الحاجه الي هتتجاب
125 طقم شمبر
30 جوانين وش سلندر
6 جوانين فرن الشكمان
8 جوان مش عارف ايه كدا
43 زيت التعاون
____________________
كدا يبقى 212 جنيه
و انا عندي ظبط الصبابات و احتمال تتغير يعني 200 كمان
و هو قالي ترس الكاتينه عايز هيغيره بالمره عشان الصوت
و هنشوف مصنعيته بقى بعد ما نفتح الماتور

طبعا انا ماكنش ف حسابي خالص حكايه الماتور دي
و اصلا اول ما العربيه جت الزيت ماكنش بينقص و لا الميه
لكن من ساعه المشوار المشؤم و ابتدت تظهر المشاكل و صرفت عليها عشان المشكله دي بس في حدود 600 جنيه قطع و مصنعيات

المهم بردو عشان تكمل عليا الطنابر عامله شفه و لو اتخرطت هتضعف يعني محتاجه تتغير
بس انا قولت طالما ممشياني دلوقتي خلاص مش هغيرها


انا طلعت من الحكايه دي بان العربيه عايزه في حدود 500 جنيه للماتور بس
و 100 سمكره
و 100 طنابر
و قول 100 كمان لو حاجه ظهرت في النص

يعني العربيه محتاجه 800 جنيه ل 1000 جنيه !!!

الحمدلله علي كل حال

المشاركة الأصلية كتبت بواسطة essamenen

السلام عليكم
انا عندى حاجه غريبه خرطوم الفيظ (الهواء ) فيه كبس هواء فقط بدون دخان ولكن
-لا يوجد دخان من اى نوع او لون من الخرطوم او الشكمان
-لايوجد نقص فى الزيت
-الحراره من 60 - 90 فى الزحمه
استهلاك البنزين معقول اللتر من 9 -10 كيلو

انا عارف لما تكون العربيه مفوته بتجيب دخان من الشكمان و الخرطوم الداخل الى العمه فهل
انا داخل على عمره ولا احتمال تكون فيه حاحه فى الصبابات ( هل ممكن الصبابات تجيب هواء من خرطوم الفايظ
لو مش مظبوطه )

احتمال يكون الزيت خفيف