خبير طرق ألمانى: شوارع مصر غريبة.. والمقطورات نموذج أكاديمى للإهمال

**Dr_Ahmed_Abdelghany** · 28-04-2009 03:41 PM

الكلام مش محتاج أمثلة أخى العزيز ، فقط راجع المشاركات السابقة لتعلم المقصد ، ولا يوجد داعى لأخذ الموضوع مأخذ شخصى ولا يوجد أيضا أى داعى للسخرية ، وتذكر ان هدفنا وهدفك هو المصلحة العامة .

**kh_talaat** · 28-04-2009 03:49 PM

المشاركة الأصلية كتبت بواسطة nasroo

يبقى فين البذائة ومية النار ومحاولة قلب نظام الحكم اللي هتحاكموني بيها

انت كمان ناوي تقلب نظام الحكم أووووووبا

أنصحك تسلم نفسك لأقرب قسم أو نقطة لأن الجريمة لا تفيد وهتقع هتقع

هههههههههههههههه

طبعا بهزر معاك
انا بس لقيت الموضوع شد قوي ، اللي انا عاوز اوصله لحضرتك ان نقد الذات مطلوب عشان نقدر نغير أخطائنا بس الموضوع ميوصلش لكم السخرية والتقليل من نفسنا بالشكل دة

وأصلا أنا مقصدتش بكلامي حضرتك بالذات انا بس قصدت مستوى الكلام العام للناس في الموضوع دة وأن مفيش حد حتى اقترح اي حل ولا حتى حملة على الفيس بوك لتعليم طريقة القيادة الصحيحه

**lancerevolution** · 28-04-2009 05:46 PM

يا ريت يا جماعة نبدأ بنفسنا و نحاول نعمل الصح حتى لو الناس كلها غلط و نطبق قول الرسول لا تكن إمعة إن أحسن الناس أحسن و إن أساؤا أسأ
خليك دايما صح و أكيد و أنت بتعمل الصح واحد صاحبك راكب جمبك واحد شافك و قالك بتعمل كدا ليه و قولتله عشان دا الصح أكيد هيحاول هو كمان يعمل الصح و أكيد واحد تانى هيسأله و هكذا و هتنتشر الحكاية يعنى إلتزم بالقانون إعمل الصح

**tutankhamoun** · 28-04-2009 07:27 PM

المشاركة الأصلية كتبت بواسطة lancerevolution

يا ريت يا جماعة نبدأ بنفسنا و نحاول نعمل الصح حتى لو الناس كلها غلط و نطبق قول الرسول لا تكن إمعة إن أحسن الناس أحسن و إن أساؤا أسأ
خليك دايما صح و أكيد و أنت بتعمل الصح واحد صاحبك راكب جمبك واحد شافك و قالك بتعمل كدا ليه و قولتله عشان دا الصح أكيد هيحاول هو كمان يعمل الصح و أكيد واحد تانى هيسأله و هكذا و هتنتشر الحكاية يعنى إلتزم بالقانون إعمل الصح

المشكلة أني بعمل كدا
و لما يكون حد معايا بمسع تريقة للصبح .
بس برضه متمسك بالسواقة الهادية الصح حتى لو مصر كلها أتريقت عليا

و شكرا يا باشا على المداخلة النافعة .. ربنا يباركلك
و فعلا لو كل واحد يبدأ بنفسه .... الدنيا هاتتحسن كتير .

**lancerevolution** · 28-04-2009 08:17 PM

المشاركة الأصلية كتبت بواسطة tutankhamoun

المشكلة أني بعمل كدا
و لما يكون حد معايا بمسع تريقة للصبح .
بس برضه متمسك بالسواقة الهادية الصح حتى لو مصر كلها أتريقت عليا

و شكرا يا باشا على المداخلة النافعة .. ربنا يباركلك
و فعلا لو كل واحد يبدأ بنفسه .... الدنيا هاتتحسن كتير .

انا كمان باخد تريقة للصبح بس كفاية إنى بعمل الصح و ماليش دعوة بحد و الى عايز يتريق يتريق أنا بردوا هعمل الصح

**HNaga** · 28-04-2009 09:00 PM

والله ياجماعة انا شايف ان الناس هى السبب أكثر من الحكومة
إتفرج على اى يو تيرن تلاقى الشارع كله واقد عشان كله عايز ياخده على الواسع
طيب هل الطبيعى ان يبقى فيه عسكرى مرور كل يو تيرن

جرب و أدى إشارة شوف مين اللى هيسيبك تعدى - انا بحس ان اللى جبنى بيدوس بنزين زيادة عشان ماحودش

اتفرج لو اليو تيرن بعيد شوية - تلاقى الناس داخلة عكسى بكل بجاحة ويبصلك شزرا

اتفرج على كمية المطبات الأسمنت اللى معمولة فى الشوراع الداخلية لاوم تقف وتمشى على سرعة ربع كيلو عشان تعديها

وزى ما الأخوة قالوا شوف التاكسى و المايكروباص والباص بيقف ازاىو فين فى وسط الشارع

فعلا تحس ان كل واحد عايز يسوق دبابة و يشوط كل اللى قدامه

زود بقى الجزء الخاص بالحكومة شوارع زفت ياحفر يابلاعات يا مطبات انا نفسى الاقى شارع واحد واحد بس سليم

نرجع لموضع الأجانب - تفتكروا الخبرا هيعلموا الشعب ؟؟ هيحطوا قوانين؟؟والا بس هيقولوا الواقع المرير؟؟؟

**lancerevolution** · 29-04-2009 03:49 AM

الخبير هيعمل إيه دى ثقافة شعب كامل عايزة تتغير و ربنا قالى فى الأية"إن الله لا يغير ما بقوم حتى يغيروا ما بأنفسهم" و المصرى طول عمره كدا و عشان يتعدل لازم يتحكم بالحديد و النار و يبقى فى ديما حاجة مسببة له رعب من الغلط مع إنه لو راعا حق الله فى الأرض و حق عباده و بقى عندنا شوية زيادة من البتاع الأحمر دا و أعتقد إن معظم السائقين المصريين ميعرفهوش كنا بقينا حلوين جدا

**nasroo** · 29-04-2009 12:02 PM

المشاركة الأصلية كتبت بواسطة Dr_Ahmed_Abdelghany

الكلام مش محتاج أمثلة أخى العزيز ، فقط راجع المشاركات السابقة لتعلم المقصد ، .

انا افتكرت حضرتك تقصد الكلام اللي انا قولته على فكرة يا دكتور انت مشاركاتك بتعجبني اوي

المشاركة الأصلية كتبت بواسطة kh_talaat

انت كمان ناوي تقلب نظام الحكم أووووووبا

أنصحك تسلم نفسك لأقرب قسم أو نقطة لأن الجريمة لا تفيد وهتقع هتقع

هههههههههههههههه

طبعا بهزر معاك
انا بس لقيت الموضوع شد قوي ، اللي انا عاوز اوصله لحضرتك ان نقد الذات مطلوب عشان نقدر نغير أخطائنا بس الموضوع ميوصلش لكم السخرية والتقليل من نفسنا بالشكل دة

وأصلا أنا مقصدتش بكلامي حضرتك بالذات انا بس قصدت مستوى الكلام العام للناس في الموضوع دة وأن مفيش حد حتى اقترح اي حل ولا حتى حملة على الفيس بوك لتعليم طريقة القيادة الصحيحه

طب والله فكرة حلوة اننا نعلم الناس الصح واحنا كمان نتعلم معاهم اكيد احنا بنعمل حاجات غلط واحنا مش حاسيين
بس فيه فرق جامد بين اللي عارف الصح وبيعمله وبين اللي عارف الصح ومابيعملوش او بيعمله ساعات وساعات

وانا مع لانسر رفوليوشن قلباً وقالباً في اللي قاله

نطبق قول الرسول لا تكن إمعة إن أحسن الناس أحسن و إن أساؤا أسأ

**hazzan32** · 29-04-2009 01:00 PM

تفتكرو ان البلد دى ممكن يتغير فيها اسلوب السواقه....لا طبعا
لازم احنا الى نغير من اسلوبنا لان احنا الى بنسوق وحش واحنا بردو الى بنقول ان اسلوب السواقه ف مصر وحش
فهمتوا قصدى

**Mohamed.Fawzy** · 29-04-2009 02:38 PM

المشاركة الأصلية كتبت بواسطة tutankhamoun

السلام عليكم جميعا و سلام مخصوص للمهندس فادي
يا باشمهندس فادي ممكن سؤال برئ بسيط :
أنت ليه بتجادل في حقائق و بديهيات واضحة وضوح العيان للجميع …..

يعني قبل كدا كنا بنتكلم عن السيارات الياباني و حضرتك أصرت أنها عربيات زبالة و تقليد و ليس لها أصل و لا فصل …...... مع أن اليابان من أكبر الدول في العالم أبحاث في السيارات و أكبر مُصنعين سيارات في العالم بالأرقام …...... و تأتي تويوتا مثلا في أكبر مبيعات عالميا .

الحاجة التانية ….... حُب مصر أو الدفاع عنها بشكل مستميت حتى و لو بإنكار الحقائق !!

أوروبا مفيهاش نظام اللي أحنا متخيلنيه !!!!!!!!!!!! يا راجل حرام عليك …...... بجد حرام عليك

أنت عايز تقارن مصر بأوروبا ؟؟؟؟؟؟؟؟؟؟؟؟؟

ده أحنا في مؤخرة الأمم …....... و أنظر إلى الجيران …..... اللي شبعوا من المصريين تريقة
شوف عملوا أيه ووصلوا لأيه ؟؟؟؟؟؟؟؟؟؟

أحنا لسان طويل قوي و مش فالحين غير في الكلام ….......... بس بس بس بس بس .

أفعال …......... قليلة …....... و كلام ….........كثــــــــــــير .

أوروبا و أنت ماشي في الطريق مفيش و لا بني آدم …....... و بقول و لا بني آدم يستجري يكسر عليك حارتك …..............
مفيش عيل قليل الأدب يستجري يعمل غرزة
مفيش سواق يستجري يسوق عربية نقل عمالة تحدف زلط و رملة على الزجاج الخاص بسيارتك و يكلف حضرتك ثمن زجاج جديد علشان البيه مش ملتزم بالقانون .

مفيش حد يستجري يكسر اشارة …..................... خليه كدا يحاول ….....هايروح ورا الشمس

المصيبة أننا في مصر زي ما الأخوة قالوا قبلي ….......
أننا فاكرين أنه كله تمام ….................................... و أحنا أعظم شعب و أعظم حضارة و الهبل اللي أحنا مصدقينه ده .
الحضارة كانت زمان …........ و المصريين القدماء هما اللي بنوا الهرم مش أحنا .
قولي أحنا بنينا أيه ؟؟؟؟؟؟؟؟؟؟

المترو …..... تم بناؤه بخبرة فرنسية و ادارة فرنسية و أول ما الفرنسويون مشيوا …... و المصريين مسكوه …..... أصبح كهنة قديمة و لا يستحق الركوب …...... أنا بتكلم عن الخط القديم .

يا راجل في بلد في الدنيا يبقى عندها كل خطوط القطارات دي و تقفل بعضها و لا تستخدمها في النقل ؟؟؟؟؟؟؟؟؟ و يتم استخدام بدلا منها ….... التريلات
و تقولي عصب الأقتصاد !!!!!!!!!!!!!!
يا باشمهندس …..... عصب الأقتصاد هو القطارات …...... و النقل النهري ثم التريلات و ليس العكس
أحنا بقى في مصر أساتذة في المشي عكس الأتجاه في كل شئ .

ده أنا بتجن و ساعات بأبكي و أعيط من اللي بشوفه …....... خطوط قطارات يتم ازالتها …..... و خطوط أخرى مهملة …........ و النقل النهري منعدم
سيبنا نهر النيل …....... لأقامة الأفراح و الليالي الملاح …..........
سيبنا سواقين الميكروباظ …....... يعوثوا في الأرض فسادا
سيبنا الناس تهاجر من الريف ليدمروا القاهرة بأرضيها الزراعية و التكدس السكاني الرهيب
يا راجل …..... ده أحنا بلد العجائب …...... ستجد كل ما هو عجيب و غريب في هذه البلد .

ده شعب يحرق الدم …........... و حكومة تجيب الضغط …..........
و الناس مش فاهمة حاجة للآسف ….............. و الأعلام أستاذ في أخفاء الحقائق و تنويم الناس مغناطيسيا .

مفيش حد قلبه على البلد دي بجد …............ كله كلام في كلام .
اللي قلبه على البلد …....... لا يداري مصايبها و بلاويها …............... زي حضرتك .

لازم نعترف بالمصايب اللي موجودة في البلد …....... علشان نقدر نحلها

و مش عارف أشمعنى المصريين بالذات …........ أكتر ناس تدافع عن بلدهم أمام الجانب باستماته حتى لو في الباطل .
و يمكن ده يكون سبب من أسباب التخلف اللي أحنا عايشين فيه .
مش بنحب الناس تشوف مصايبنا و بلاوينا و تخلفنا و همجيتنا . … ليه مش عارف ؟؟؟

فيها أيه لما الراجل الألماني أنتقد …..... المصايب اللي المصريين بيعملوها ؟؟؟؟؟؟؟

بجد أحنا شعب عجيب …...... شعب فضائي

دي شوية صور اهداء مني ليك لشوية شوارع في أوروبا يا باشمهندس . و قولي شايف لسه أنهم مش منظمين ؟؟؟؟؟؟؟؟ظ و شايف لسة أنهم بيسوقوا بهمجية زينا ؟؟؟؟؟؟؟؟؟ و لا شايف أن مصر تمام و السواقة هنا عشرة على عشرة ؟؟؟؟؟؟؟؟؟؟؟؟
شوف الفرق بين الحارات …......... لو هنا في مصر
هاتلاقي الناصحين كتير …...... و ش هاتلاقي و لا فراغ و لا حاجة أسمها حارة

على رأي الأستاذ محمد عز …........ يا عم خليها على الله …....... و الطريق واسع …... هاتضيقها ليه علينا و حارة أيه بس اللي عايزنا نقف فيها ….............بتوع أوروبا دول حمير مش عارفين يستغلوا كل ملم في الطريق ….... إنما المصريين ….... الفهلوية …......لازم الطريق يترشق
عربيات لغاية لما الأسفلت يختفي تماما …......

موضوع الحارات بقى ده طبعا له فائدة
منها انسياب المرور
الحفاظ على السيارات و الألتزام بحارة مرورية تم تخطيط الطريق و مخارجه و مداخله على أساسها
تسهيل حركة سيارات الطوارئ مثل الأسعاف و المطافئ و الشرطة …...... و ليس شبيحة الميكروباظ …............. و العيال بتوع الغرز عديمي الأدب و الأخلاق .

,

+ ميه مليون 11111111111111

الموضوع: خبير طرق ألمانى: شوارع مصر غريبة.. والمقطورات نموذج أكاديمى للإهمال

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حاجة غريبة اوي محتاجة خبير

اغلاق جزئي لبعض شوارع وسط البلد وميدان التحرير وبعض شوارع الدقي

للتعقيد...جراج ألمانى

ضحية جديدة للإهمال- في ذمة الله يا ابو جريشة

حادثة نتيجة للإهمال

الكلمات الدلالية لهذا الموضوع

المفضلات

المفضلات

ضوابط المشاركة