اركب I 30 هيونداى اتوماتيك وبعدين احكم هل الرينو محترم ولا عادى وهناك الافضل؟؟؟؟ سيارة فى منتهى الروعه بس جرب
عرض للطباعة
اركب I 30 هيونداى اتوماتيك وبعدين احكم هل الرينو محترم ولا عادى وهناك الافضل؟؟؟؟ سيارة فى منتهى الروعه بس جرب
و اللى ركب و جرب الأتنين و شايف أن الرينو أحسن ؟؟؟؟؟
اقسم لكم بالله ان السيارتين ركبتهم وال ( اى 30 ) اتوماتيك افضل منها مليون مرررة وجرب واجرى وشوف السحب حكايه غيرررر
طب ما انا كمان جربت الإتنين
و شايف إن الميجان افضل مليون مرة
سحب...............طيب ما تجرب الجيتز ال 1600 مع ال i30
هتلاقى السحب غييييييييييييييير
جرب بقى المينى كوبر أس مع الجيتز و ال i30 .........غييييييييييييييييييي يييييييييييييييييييييييي ييييييييير
معلش هوا انا ممكن اسال حضرتك انت حكمت ان اي 30 احسن من الميجان في ايه؟
بمعنى ان الواحد لما بيعمل مقارنة بين عربيتين بيعمل مقارنة بين مواصفات معينة تعتبر اولوية بالنسبة ليه بالاضافة لبعض مواصفات عامة وبيبدا يحط نقط وبناءا عليها بيحكم على العربية مش مجرد بيقول هيا احسن وخلاص على كده يا ريت بس توضحلنا النقاط دي عشان نعرف نرد عليك
يا جماعه العربيتين دول مينفعش يتقارنن بينهم ....
دي فئة .... والميجان فئة اعلي ....
الميجان السيدان بتتقارن بالسكودا A5 والميجان الهاتش باك بتتقارن ب الجولف والاسترا ... يعني اش جاب لجاب...اية اللي دخل كوري في النص ؟؟؟؟؟
برجاء المقارنة علي اسس صح ... مش اي كلام وخلاص..
على فكرة ايمن momo معاه ميجان هاتشباك واخوه معاه النترا 2007 على ما اتذكر يعني جرب الاتنين وعارف بيتكلم ازاي
وضح إن الأخ " أكرم " معيار الحكم عنده محصور فى أسعار قطع الغيار و السحب و شكرا على كده...
و على كل أحب أوضح لحضرتك إن الميجان مش توكتوك أوى كده زى ما إنت متصور....و مصر الكثافة المرورية فيها لا تسمح بأكتر من 90 كم/ساعة على الطرق السريعة فى حدود القاهرة أثناء ساعات العمل يعنى من 7 صباحا ل 10 مساءا.....
لكن بإعتبار إختبارات لهيئة محايدة إسمها EuronCap إليك ما يحدث للسائق قى السيارتين
ال I30
http://www.postimage.org/Pq1dDOEJ.jpg
أما الميجان
http://www.postimage.org/aVZ8A4J.jpg
ده التعليق على ال I30
Hyundai modified the i30 to improve the protection of the driver's knees and femurs. Dummy readings for that body region were better than those of the earlier car, although points were still lost for structures such as the steering column and ignition barrel which could present a hazard to the upper legs of drivers of different sizes or those sat in different positions. The occupant compartment and driver footwell remained stable during the impact.
و ده على الميجان
The passenger compartment remained stable in the impact, the windscreen pillar being displaced rearwards by only 10mm after the test. The car scored maximum points for its protection of the passenger. Dummy readings indicated that the car provided good protection of the knees and femurs of both driver and passenger. Renault showed that similar protection would be provided to occupants of different sizes and to those sat in different positions.
Side impact
The Megane scored maximum points in the side impact and pole tests.
و لمزيدا من النفاصيل حول جانب الأمان
http://www.euroncap.com/tests/hyundai_i30_2008/331.aspx
http://www.euroncap.com/tests/renaul..._2008/337.aspx
و كمان آدى تجربة واقعية لواحد زميل معانا " رامى طنطاوى "
http://www.nilemotors.net/Nile/showthread.php?t=17977
التوكيل بقى إلل حضرتك زعلان منه ده....راجع موضوعات عنه فى قسم الرينو و شوف بنقول عليه إيه قبل ما تنعته بالاحتكار و المبالغة فى أسعار القطع
http://www.nilemotors.net/Nile/showthread.php?t=53988
و المشاركة رقم 37 هنا و التى حدثت معى شخصيا
http://www.nilemotors.net/Nile/showt...t=73534&page=4
و تصرف التوكيل لما تكون الأمور مش فى إيده
http://www.nilemotors.net/Nile/showthread.php?t=14369
أو فى المواقف البايخة
http://www.nilemotors.net/Nile/showthread.php?t=22030
أو المعتاد منه
http://www.nilemotors.net/Nile/showthread.php?t=59036
http://www.nilemotors.net/Nile/showthread.php?t=69791
روح بقى شوف توكيل هيونداى أخباره إيه فى قسم الهيونداى....
و لو بتقول إنها تتصلح فى أى حتة فده علشان العربية بسيطة و مافيهاش حاجة أصلا.....
أما الميجان فيها ما يطول شرحه من كماليات و أدوات تحكم و أمان و تكنولوجيا متطورة و ده أنا بأتكلم عن الميجان موديل 2004 ...مش عربية موديل 2007 زى ال I30 ...
يوم ما ربنا بنفخ فى سيرة هيونداى و تعمل حاجة فى إمكانيات الميجان و بسعرها و تخدم و تهتم بالعميل زى رينو نبقى نقدر نتكلم فى مقارنة عادلة
و علشان تبقى عارف إن مافيش احتكار لقطع الغيار
http://www.nilemotors.net/Nile/showthread.php?t=53533
و أسعار قطع الغيار غالية زيها زى كل العربيات فى نفس الفئة مش حكر على الرينو بس.....دعبس كده على حاجات السيفيك و المازدا و الإمبريزا...مش هأقول أسترا و A5 و جيتا
لو عايز نفتح كمان فى أمور قد تبدو فلسفية وهامشية لحضرتك لكنها مهمة جدا بالنسبة لزبون الرينو ممكن تراجع الموضوع ده
http://www.nilemotors.net/Nile/showthread.php?t=23687
و لو على مسألة سعر إعادة البيع...فأعتقد إن الموضوع ده ملخص المفيد
http://www.nilemotors.net/Nile/showthread.php?t=30154
http://www.nilemotors.net/Nile/showthread.php?t=30032
http://www.nilemotors.net/Nile/showthread.php?t=30050
http://www.nilemotors.net/Nile/showt...684#post326684
http://www.nilemotors.net/Nile/showthread.php?t=30606
و فى النهاية مش كل الناس ينفع تجيب ميجان...هى ترضى طموحات ناس و الهيونداى ترضى طموحات ناس غيرهم....
ده لا يعيب فى أى من الماركتين...لكن إصرارك المتواصل و بكلمات لاذعة على إنتقاد الرينو عموما و الميجان خصوصا و الاسترشاد بسوق الخليج الذى تختلف ظروفه تماما عن السوق المصرى...هو إللى محل دهشة و تساؤل....و اشمعنى يعنى مش بتسترشد بالسوق الأوروبى إللى الكورى فيه مثال لسيارات رخيصة تسد الحاجة إلى سيارة و بسعر بسيط و بس و لكنها ليست منافس بأى شكل للأوروبى
حاجة أخيرة...ما تتعبش قلبك فى محاولة إثبات فشل رينو أو الميجان...هتتعب كتيير و سبقك ناس كتير و فى الآخر النتيجة واحدة... " كل واحد ينام على الجانب إللى بيريحه "...خصوصا إنها مش فاشلة و لا حاجة...إنت بس إللى مش هاضمها أو لك تجربة سيئة ما معها....لكن ملاكها مش عارفين هيركبوا إيه من بعدها من كتر تعلقهم بها...
اخ chato من الى موصلك ان الهيونداى عربية سعرهار رخيص للى عايز عربية وخلاص اولا سعر الI30 فى الخارج يصل الى
18000 دولار اما الميجن السيدان فهى اقل اوتساويها اما عن الاسعار فى مصر فالI30 اعلى فئة تصل الى 133000 اما الميجان 130000 لكن معرفش دى اخر فئة ولا في اعلى وكفافة شكل الجيربوكس الاوتوماتيك الغريب فيها ( الموضوع موضوع زوق ) واحب اضيف ان الI30 تصميم المانى وتحتوى على دواخل المانية .
لأ طبعا ...إللى ب 130 ألف جنيه مش آخر فئة و لا حاجة
ثم إنه مش حاجة الواحد يفخر بيها إن عربيات هيونداى سعرها بقى غالى لدرجة إنه يناطح الأوروبى و اليابانى...
حتى و إن كانت الهيونداى بنفس الجودة ( فرضا جدلا )....إيه إللى يخلى الزبون يفضلها عن ماركات يابانى و أوروبى عريقة و لها سمعة طيبة...
ثم إن حضرتك كل تعليقك على مسألة نظرة الناس فى الغرب ( سوق مفتوح و المنافسة شديدة جدا ) لماركة هيونداى و لم تعلق على أى من الجوانب العديدة فى ال Post الطويل العريض...
أنا هسألك سؤال بسيط جدا جدا يوضح لك إن لسه هيونداى أمامها شوط طويل لتقطعه لكى تسمو للمقارنة الندية بحق و حقيقى مع الشركات العملاقة و القديمة من أوروبا...
عمرك شفت واحد بيحلم إنه يبقى عنده عربية هيونداى فى يوم من الأيام ؟؟؟....جايز يكون بيحوش علشان يجيبها نظرا لإنها المتاحة...لكنها ليست بسيارة الأحلام أبدا....
إيه العربية إللى هيونداى عملتها سوف تبقى فى ذاكرة التاريخ ؟؟؟
و هو فى إيه أصلا شديد التميز علشان يعلق فى الأذهان ؟؟؟
الناس دايما تفتكر الكورولا علشان مبيعاتها المكتسحة و البيتل و فى مصر ال 504 و المينى...لكن دلوقتى الإلانترا الشكل قبل الحالى مافيش حد بيبص لها حتى....
الناس دى بتكسب يمكن أحسن من رينو و باقى الصانعين...لكن ده مش علشان هما بيقدموا منتج أفضل...دول بيقدموا سلعة ناجحة تجاريا و فيها هامش ربح كويس و بس.... على عكس المذهب الآخر فى الصناعة الذى يعتمد على مخاطبة ذوق و شريحة زبائن أقل فى العدد و بالتالى ينتج و يبيع وحدات أقل و بالتالى يضطر إلى رفع سعر الوحدة المباعة...لكنه فى ظل تلك الصعوبات يستمر و يقدم الجديد و الابتكارات و يصرف فلوس كتير على أبحاث التطوير فتجد هناك تقدم حقيقى للبشرية
مش غلط أبدا إن الواحد يركب هيونداى....لكن الغلط إنه يصدر أحكام و يعتبرها مؤكدة و يصر عليها و كمان يجبر الآخرين على الاستماع إليها أكثر من مرة بالرغم من إعلان الآخرين أكثر من مرة عن عدم رغبتهم ....
لكن إلا قول لى....إنت داخل المنتدى مخصوص علشان ترد عليا و لا إيه ؟؟؟:shine[1]:...أصل أنا شايف إن دى أول مشاركة لك يعنى و بسم الله ماشاء الله ثقتك عالية أوى...
و على فكرة ممكن تنادينى بإسمى الأول " هانى " من غير تكليف و أنا حاطه فى التوقيع مخصوص علشان كده...
شكرا يا هانى على ردك وطريقتك المحترمة فى الحوار بس انا بدور على عربية عايز اشتريها ومش محدد سعر ومع ذلك بصراحة انا مش شايف اى عربية تشد النظر زى الi30 مع انى شوفت الجيتا وهى المانى لكن معجبتنيش زى الi30 وفعلن بقى حلمى انى اجبها ولو دخلت قسم الهيونداى حتلاقى كتير نفسهم فى عربية هيونداى ومحددين عربيات اسعارها عالية ممكن بيها يوصلوا للعربيات الالمانى ومع ذلك بيفضلوا الهيونداى وعلى فكرة هيونداى حاصلة على جائزة سيارة العام لعام 2009 فى امريكا الجانوبية عن سيارة هيونداى جينسيس وانا اسف طولت عليك يارب متكنش زهقت منى .
ما تحيرش نفسك بجوائز لعربية مش موجودة فى مصر و حصدتها فى أمريكا الجنوبية....
لازم تراعى الظروف إللى إنت عايش فيها
أنا مثلا كان نفسى أركب سيتروين أو ألفاروميو...ينفع الكلام ده ؟؟
ألفاروميو دلوقتى بقى مالهاش توكيلو يا عالم قطع غيارها موجودة عند محلات شكلها و سمعتها إيه و علشان أصلا أجيبها مافيش حد بيبعها و لا ليها صالات عرض
سيتروين....منه لله إللى كان و لا يزال السبب فى هضم حق عربية محترمة جدا زيها فى مصر....
يا باشا لو ال I30 عاجباك و إنت مستريح لها نفسيا عن أى حاجة...أنا أول المهنئين مقدما لك على العربية.....
بس أنا مش مؤيد فى مسألة أنا مش راصد ميزانية دى
لازم ز لابد تكون حاطط حد أقصى لمبلغ معين...لإن حقيقى يعنى...كل فلوس زيادة بتجيب عربية أحسن و الفرق لو مش ظاهر فى الأول هيبان بعد سنة من الاستعمال....
و كمان كل بلد و كل ماركة له فلسفة و وجهة نظر فى تصنيع منتجه...فبالتالى دماغ الزبون إللى بتتوافق مع ما يقدمه الصانع من منتج هى إللى بتخلى العميل يختار المنتج ده عن غيره...
إنت محتاج لفة فى المعارض تشوف عربيات كتير..و ما تكسلش...دى فلوس كتير إللى بتدفع..لازم تكون متأكد
و لازم تعتبر المنتدى كأداة مساعدة على معرفة وجهات النظر أو حالة التوكيل و ليس معيار مباشر للاستقرار على عربية بعينها
إللى أقصده ..مثلا مش علشان الناس إللى بتشكر أوى فى الميجان كتيير يبقى بالتصويت كده تروح تجيب الميجان...وهكذا
محتاج برضه تقضى وقت فى المنتدى فى قراءة المواضيع خصوصا المثبتة فى كل الأقسام....
و الناس فى المنتدى كلها أخوة و لو عندك سؤال هايجاوبوك إن شاء الله
و بالتوفيق إن شاء الله
صاحب الموضوع له (2) مشاركة يومي 4 و 5 الجاري من إجمالي (17) حتى الآن , المشاركة الأولى فتح الموضوع
[marq="3;right;3;scroll"]
يا ترى ما السبب ؟
[/marq]
انا بس بعلق علي نقطة اختبارات الأمان ،،
الآي 30 خمس نجوم في اختبارات الأمان ،،
http://www.euroncap.com/tests/hyundai/i30.aspx
للميجان III مادام بتقارن فى 2008
http://www.euroncap.com/tests/renaul..._2008/337.aspx
و ال I30
http://www.euroncap.com/tests/hyundai_i30_2008/331.aspx
i can say the megane is still better just by looking at the images of injury spots
ده بعد تنحية موضوع طول خبرة كلا من الشركتين و سمعة كل منهما فى مجال الأمان و السلامة....
راى الشخصى الميجان افضل
شكرا يا باشا على التوضيح...
و من طريقة كلامه كمان شكله مش شغال فى توكيل هيونداى فى مصر إنما فى بلد تانية زى السعودية مثلا...إلا إذا كانت طريقة مصطنعة للإيحاء بذلك...
على كل ...هو وجع قلبى و قلب الإدارة معاه....
انا لي ثجربه شخصيه فانا اشتىريت العربيتين دول في تفس الشهر تقريبا اقسم بالله لما اقابل خد و يقولي رايك ايه اقوله الكوري دي فلوس في الارض الهيوانديi30 فيها مزايا وعيوب بس العسب اللي من وجهه نظري هو الاسؤ ارتفاع العربيه القليل واللي بيخيليها تسلم علي كل مطبات مصر والتاتي هو صعوبه التحكم في الطاره بعد 120 لان الباور مبيفصلش مميزات عن الميجان سخب اسرع بس في الاول اما لما وصت 25 الف الاتنين تساوا الميجان اشيك افخم اثبت واللي ركب الاتتن عارف ان صيانه الميجان العاديه ارخص وتحدي بالفواتير للصيانات
بصراحة كعربية كلها على بعضها الميجان افضل
لكن فى السحب ال i30 افضل !
ال i30 افضل فى السحب و ممكن فى الثبات كمان بفارق صغير ! بس غير كدة الميجان احسن من ال i30 الموجودة فى مصر ( اقصد فى الكماليات و الفخامة )
الرينو طبعا افضل...
وكفايا غبوور بقا
يا اخونا العربية مش بس سحب
شوف عدد وسائد الهواء في الميجان
عوامل الامان
تكنولوجيا السيارة
مفتاح السيارة -- كارت تشغيل ,, دي حتى سبقت كرولا فيها
تكييف التاتش و امكانياته الباهرة
فرش الجلد الطبيعي
الاستيب ترونيك
فتحة السقف البانوراما
الثبات على الطريق في السرعات العالية
حساسات الضوء
حساسات المطر للمساحات
.....
كل ده غير تكنولوجيا التعليق و العفشة و الارتفاع عن الارض
و... و.... حدث و لا حرج
ياجماعة ماينفعش حد يقارن i 30 بميجان نهائى ,واكيد طبعا من غير كلام الميجان افضل كشكل واوبشن ,لكن الجرى اكيد عشان الوزن بتاع الكورى عموما بيبقى خفيف عشان يديك لسحبة الاولانية وبعد ممكن اى عربية تاكلها,وبعدين معلش انا بكرة حاجة اسمها كورى مهما كانت سيارات حلوة بس لمدة صغيرة جدا يعنى اخره اربع سنين ويبقى جاب جاز
الميجان افضل طبعا
من رأيى المتواضع إن الرينو أفضل بكتير...كفاية جودة ومتانة الأوروبى...وبعدين السيارة لا تقاس بالسحب والسرعة...السيارة تقاس على المدى البعيد ومدى راحتك وإعتمادك عليها فى كل المواقف...حتى لو قطع الغيار أغلى فهى معمرة وإنت بتشترى فوق قطعة الغيار راحة بالك من الشغل الكتير فى السيارة وربنا يوفقكم