اقتباس المشاركة الأصلية كتبت بواسطة bee مشاهدة المشاركة


حقيقي انا مش عارف أقول إيه..
غير إني حسيت بحزن شديد لما شفت تعليقات غريبة .. من الي بيدعي ان المكان قدام بيته حقه هو فقط لا غير ومن الي بيأذي غيره عشان راكن مكانه (على حد تعبيره) .. إلخ ..

انا ساكن في بورسعيد .. يعني الركنة دي مش مشكلة نهائيااااااا عندي في مكان سكني .. ومع ذلك لما حسيت ان جار ليا شغال بنظام ده مكاني انا عندت لابعد الحدود عشان اوصله ان مفيش حاجه اسمها مكانك ومكاني ولما اضع اي اعتبار لفارق السن لان المحترم باخلاقه ومش بسنه فقط ..
مع العلم ان فيه غيره ماشي بنفس المبدأ بس لما لقاني بعمل كده قالي بذوق انا بركن هنا عشان انت عارف انا كبرت في السن وبتعب من شيل طلبات البيت فمتزعلش .. ومن ساعتها لما بلاقي المكان الي هو متعود يركن فيه فاضي مش بركن فيه لأنه طلب ده بذوق مش بالدراع وطالما ده مش جراج خاص او ملكية خاصة .. لازم نفهم كويس ان فيه فرق بين الملكية العامة والخاصة .. والي بيكون مضايق اوى يدفع ويتمتع براحته بملكيته الخاصة ..
لو هنتكلم من غير زعل ..
الي معندوش دم الي بيدي لنفسه الحق الي مش بتاعه
الي معندوش دم الي يحب لنفسه وميحبش لغيره
الي معندوش دم الي بيحلل لنفسه ويحرم على غيره
عمر المشكلة ما هتتحل طول ما انا بنفكر في نفسنا وبس ..

حقيقي انا حزين
وعايز اقول اعمل ما شئت كما تدين تدان
ومسير الي مؤمن بان ده حقه يقع تحت ايد الي زيه ويوريني هيتصرف ازاي ساعتها

شكرا من كل قلبي بجد ل sharky الي كان بارقة الامل في الردود بجد رجل محترم
تسلم إيدك يا باشا :k49: :k49: :k49:

يا ريت الناس بقى تحس وتطبق كلام الرسول ( حب لأخيك ما تحبه لنفسك) بدل ما تقعد تقول في أوروبا والدول المتقدمة يأكون مع الكباب طحينه هههههههه