عايز أركن قصاد بيتي

**smax** · 10-05-2009 09:03 AM

المشاركة الأصلية كتبت بواسطة humhum

الشارع ملك لنا جميعا
ولكن هناك اولويات

والعرف يأخذ قوة القانون
والعرف هو ما تعارف عليه الناس منذ قديم الأزل
والعرف في مصر ان كل واحد بيركن قصاد بيته ، وان الغريب دايما بيحاول يبقى لطيف وميتقلش ع الناس

اما مسأله الحقوق القانونيه والجمل الإنشائيه
فدي لا مكان لها على أرض الواقع
ولو مكانش ده شيء بديهي
يبقى ليه كل ما تيجي تركن قصاد بيت تلاقي حد يقولك " بعد اذنك ؟ "
هل كل الناس دول جبارين ومفتريين ؟؟؟

الاخذ بالطار هو ما تعارف علية الناس منذ قديم الازل في مناطق الصعيد, سئوالي لحضرتك بدون الخوض في مسئلة الحقوق و الجمل الانشائية كما ذكرت. هل في نظرك ان هذا العرف يأخذ قوة القانون و المفروض اننا نؤيدة و منعتبرهمش جبارين و لا مفترين!!!!!!!!!!!

**msobhy** · 10-05-2009 01:05 PM

مع احترامى لكل الاخوه
ان والدى رحمه الله اشترى الارض اللى عليها بيتنا -البيت مبنى على 70 % فقط من القيمه بتاعته والباقى مرمى فى الشارع - يوم لما بلاقى حد راكن مكانى بمسح بكرامة .........الارض اللى بركن عليها ملكى يا أساتذه
جيرانى بنسبة 90% المحترمين مش بيركنوا مكانى فعلا لأنهم ناس محترمه
مفيش غير واحد ابن ستين......... هو اللى كان بيركن مكانى لكن الحمد لله انى عرفته مكانه بجد
المشكله الحقيقه عند واحد قريبى
ساكن فى شارع طوله تقريبا 150م
عرض الشارع بالعافيه 8 متر
الشارع بالكامل ابراج أقل برج 12 دور من غير جراجات
فعلا انا فى حياتى مشوفتش مشاكل بخصوص العربيات زى اللى بتحصل عنده
تقريبا 50 خناقة يوميا بسبب كمية العربيات الرهيبة اللى فعليا الشارع يتحمل 10% فقط منها
بجد انا عايز اسيب القاهره بقى لأنها فعلا بقت حاجة مقرفه

**bee** · 10-05-2009 01:34 PM

حقيقي انا مش عارف أقول إيه..
غير إني حسيت بحزن شديد لما شفت تعليقات غريبة .. من الي بيدعي ان المكان قدام بيته حقه هو فقط لا غير ومن الي بيأذي غيره عشان راكن مكانه (على حد تعبيره) .. إلخ ..

انا ساكن في بورسعيد .. يعني الركنة دي مش مشكلة نهائيااااااا عندي في مكان سكني .. ومع ذلك لما حسيت ان جار ليا شغال بنظام ده مكاني انا عندت لابعد الحدود عشان اوصله ان مفيش حاجه اسمها مكانك ومكاني ولما اضع اي اعتبار لفارق السن لان المحترم باخلاقه ومش بسنه فقط ..
مع العلم ان فيه غيره ماشي بنفس المبدأ بس لما لقاني بعمل كده قالي بذوق انا بركن هنا عشان انت عارف انا كبرت في السن وبتعب من شيل طلبات البيت فمتزعلش .. ومن ساعتها لما بلاقي المكان الي هو متعود يركن فيه فاضي مش بركن فيه لأنه طلب ده بذوق مش بالدراع وطالما ده مش جراج خاص او ملكية خاصة .. لازم نفهم كويس ان فيه فرق بين الملكية العامة والخاصة .. والي بيكون مضايق اوى يدفع ويتمتع براحته بملكيته الخاصة ..
لو هنتكلم من غير زعل ..
الي معندوش دم الي بيدي لنفسه الحق الي مش بتاعه
الي معندوش دم الي يحب لنفسه وميحبش لغيره
الي معندوش دم الي بيحلل لنفسه ويحرم على غيره
عمر المشكلة ما هتتحل طول ما انا بنفكر في نفسنا وبس ..

حقيقي انا حزين
وعايز اقول اعمل ما شئت كما تدين تدان
ومسير الي مؤمن بان ده حقه يقع تحت ايد الي زيه ويوريني هيتصرف ازاي ساعتها

شكرا من كل قلبي بجد ل sharky الي كان بارقة الامل في الردود بجد رجل محترم

**kh_talaat** · 10-05-2009 02:37 PM

المشاركة الأصلية كتبت بواسطة bee

حقيقي انا مش عارف أقول إيه..
غير إني حسيت بحزن شديد لما شفت تعليقات غريبة .. من الي بيدعي ان المكان قدام بيته حقه هو فقط لا غير ومن الي بيأذي غيره عشان راكن مكانه (على حد تعبيره) .. إلخ ..

انا ساكن في بورسعيد .. يعني الركنة دي مش مشكلة نهائيااااااا عندي في مكان سكني .. ومع ذلك لما حسيت ان جار ليا شغال بنظام ده مكاني انا عندت لابعد الحدود عشان اوصله ان مفيش حاجه اسمها مكانك ومكاني ولما اضع اي اعتبار لفارق السن لان المحترم باخلاقه ومش بسنه فقط ..
مع العلم ان فيه غيره ماشي بنفس المبدأ بس لما لقاني بعمل كده قالي بذوق انا بركن هنا عشان انت عارف انا كبرت في السن وبتعب من شيل طلبات البيت فمتزعلش .. ومن ساعتها لما بلاقي المكان الي هو متعود يركن فيه فاضي مش بركن فيه لأنه طلب ده بذوق مش بالدراع وطالما ده مش جراج خاص او ملكية خاصة .. لازم نفهم كويس ان فيه فرق بين الملكية العامة والخاصة .. والي بيكون مضايق اوى يدفع ويتمتع براحته بملكيته الخاصة ..
لو هنتكلم من غير زعل ..
الي معندوش دم الي بيدي لنفسه الحق الي مش بتاعه
الي معندوش دم الي يحب لنفسه وميحبش لغيره
الي معندوش دم الي بيحلل لنفسه ويحرم على غيره
عمر المشكلة ما هتتحل طول ما انا بنفكر في نفسنا وبس ..

حقيقي انا حزين
وعايز اقول اعمل ما شئت كما تدين تدان
ومسير الي مؤمن بان ده حقه يقع تحت ايد الي زيه ويوريني هيتصرف ازاي ساعتها

شكرا من كل قلبي بجد ل sharky الي كان بارقة الامل في الردود بجد رجل محترم

تسلم إيدك يا باشا :k49: :k49: :k49:

يا ريت الناس بقى تحس وتطبق كلام الرسول ( حب لأخيك ما تحبه لنفسك) بدل ما تقعد تقول في أوروبا والدول المتقدمة يأكون مع الكباب طحينه هههههههه

**tutankhamoun** · 10-05-2009 04:45 PM

المشاركة الأصلية كتبت بواسطة kh_talaat

تسلم إيدك يا باشا :k49: :k49: :k49:

يا ريت الناس بقى تحس وتطبق كلام الرسول ( حب لأخيك ما تحبه لنفسك) بدل ما تقعد تقول في أوروبا والدول المتقدمة يأكون مع الكباب طحينه هههههههه

أرفقت حديث للرسول عليه الصلاة و السلام
و بعدين تهكمت مني و من كل من ضرب مثال من بلد فيها قانون و فيها نظام ...
متشكرين يا سيدي .
بس ياريت قبل ما تستشهد بحديث من أحاديث الرسول أبقى التزم بما يقوله الرسول ...... بعدم السخرية من الآخرين .

و شكرا

**humhum** · 10-05-2009 10:49 PM

يا جماعه بلاش تطاول
وبلاش تخلو سخونة الحوار تتحول إلى هجوم شخصي على البعض
احنا بنعرض وجهات نظرنا فقط
وصدقوني ، بحر الإهانات كبير وغويط قوي ، ولو دخلنا فيه هات اللي يطلعنا

ارجع للعزيز smax
صعب قوي تقارن الثأر (بالمناسبه هي الثأر أو التار بالعاميه مش الطار .. طار في الهوا شاشي:) ) بموضوع الركن
ورغم ذلك
فقضية الثأر دي ليها جذور تستند عليها في مسألة القصاص ، وان القاتل يقتل ، ولكن لأن القانون الوضعي بيحكم بالسجن أحياناً على القاتل ، فده اللي خلق مبدأ الثأر ، والانتقام عند عائلات الصعيد المحافظه
وبغض النظر اذا كنا ح نتفق او نختلف على قضية الانتقام ، لأن دي مسألة ترجع لفروقات ثقافيه وشخصيه ، يعني ممكن واحد فينا لو حد اعتدي على فرد من اهله يلجأ للبوليس ، وواحد تاني يلجأ لدراعه ، بس ده مينفيش ان في الحالتين في اعتداء وفيه حق !
وبغض النظر - تاني - عن رأينا في المسأله
تبقى المجالس العرفيه هي المرجعية الأولى لفض المنازعات في صعيد مصر وحدودها الغربيه وفي سيناء الحبيبه كذلك
واسأل في ذلك كبار ضباط الشرطه
ح يقولولك ان القانون المصري هناك يأتي في المرتبه الثانيه بعد المجالس العرفيه !!!
وده يؤكد صحة كلامي
بأن العرف ، يأخذ قوة القانون على أرض الواقع

**kh_talaat** · 11-05-2009 08:28 AM

المشاركة الأصلية كتبت بواسطة tutankhamoun

أرفقت حديث للرسول عليه الصلاة و السلام
و بعدين تهكمت مني و من كل من ضرب مثال من بلد فيها قانون و فيها نظام ...

يا أستاذ tutankhamoun ليه أخدت كلامي على أنه سخريه منك انت بالذات على الرغم من انك لو راجعت ردود الناس هتلاقي فيه ناس كتير غيرك استشهدت بأمريكا وأوروبا !!! ومنهم صاحب الموضوع نفسه واستشهادة بالست الأمريكية اللي جابت قلم فلوماستر وشخبطت على القزاز لأن واحدة ركنت قدام بيتها وطبعا دة تصرف غير اخلاقي بالمره فكيف نستشهد بيه ونقره صحيح لمجرد ان فاعله أجنبي (عقدة الخواجه)

المشاركة الأصلية كتبت بواسطة tutankhamoun

بس ياريت قبل ما تستشهد بحديث من أحاديث الرسول أبقى التزم بما يقوله الرسول ...... بعدم السخرية من الآخرين .

و شكرا

يا فندم حضرتك اللي على طول بتسخر من تصرفات الشعب المصري كله في كل ردودك

وعلى العموم حصل خير ولا يهمك ...

**amrico** · 11-05-2009 08:47 AM

المشاركة الأصلية كتبت بواسطة kh_talaat

يا أستاذ tutankhamoun ليه أخدت كلامي على أنه سخريه منك انت بالذات على الرغم من انك لو راجعت ردود الناس هتلاقي فيه ناس كتير غيرك استشهدت بأمريكا وأوروبا !!!

انا كمان استشهدت بمثال من اليابان

اتمنى ان حضرتك تكون واخد بالك من حاجة

مش حكاية عقدة الخواجة، الحكاية واقع بيحس بيه كل اللي بيسافر برة وخصوصا بلاد اجنبية

تلاقي مدن في المساحة مش قد القاهرة وفيها عربيات اكتر بأضعاف من القاهرة وتلاقي مفيش مشاكل في الركن

حتى لو كان الركن بفلوس ورسوم بتتورد للدولة (اوروبا والدول المتقدمة بتوع الكباب والطحينة) برده دا احسن من الركن اللي بفلوس البلطجة والإتاوات اللي بياخدها بلطجية المواقف وطبعا كلنا عارفين الموضوع ده

طبيعي اللي بيجيب سيرة الدول الأجنبية مابيقصدش الأفراد لكن بيقصد الحكومات

وإذا كنت بتفق معاك في عدم رضاك عن المقارنة بالدول الأجنبية، فأنا باتفق معاك قلبا وقالبا بس من ناحية تانية

ان مفيش اصلا مجال للمقارنة
الواحد ممكن يقارن الحاجات المتشابهة او اللي فيها نقاط مشتركة لكن بصراحة عندك حق
مينفعش نقارن مصر حتي بدول افريقيا اللي فيها مجاعات وصدقوني فيها نظام اكتر من عندنا

تحياتي

واسف للإطالة

**tutankhamoun** · 11-05-2009 12:46 PM

المشاركة الأصلية كتبت بواسطة kh_talaat

يا أستاذ tutankhamoun ليه أخدت كلامي على أنه سخريه منك انت بالذات على الرغم من انك لو راجعت ردود الناس هتلاقي فيه ناس كتير غيرك استشهدت بأمريكا وأوروبا !!! ومنهم صاحب الموضوع نفسه واستشهادة بالست الأمريكية اللي جابت قلم فلوماستر وشخبطت على القزاز لأن واحدة ركنت قدام بيتها وطبعا دة تصرف غير اخلاقي بالمره فكيف نستشهد بيه ونقره صحيح لمجرد ان فاعله أجنبي (عقدة الخواجه)

يا أستاذ خالد أنا أخدت الكلام على نفسي علشان أنا واحد من الناس اللي أستشهدت بمواقف و أمثلة عن أوروبا و بعدين لقيت حضرتك كاتب الكباب و الطحينة و الكلام ده .
فلازم أشعر أن حضرتك بتتهكم و بتسخر مننا علشان أعطينا مثال من دول متقدمة بتحترم حقوق مواطنيها .و كل مواطن هناك عارف حقوقه وواجباته . و علشان كدا هناك مفيش مشاكل في الركن و مفيش مشاكل في المجتمع من ناحية جار يتخانق مع جاره مش عارف علشان مكان الركن أو صوت موسيقا عالي أو شغل بالشانيور الساعة 2 بالليل ......و الأمثلة كتيرة .و مش معنى أننها بنستشهد بأمثلة من عند ناس أجنبية يبقى علشان هما اجانب يبقى أحنا عندنا عقدة الخواجة .
طيب أنا بشتري الصناعة المصري و بأفضلها في أغلب الأحوال عن أي صناعة تانية حتى لو أحسن منها شوية ... مادام الصناعة المصري جيدة .

يا فندم حضرتك اللي على طول بتسخر من تصرفات الشعب المصري كله في كل ردودك

وعلى العموم حصل خير ولا يهمك ...

أنا بسخر من تصرفات غلط .
إنما عُمري ما سخرت من آراء الناس و كل واحد حُر في رأيه .
لما أسخر من واحد بيرمي زبالة في وسط الشارع متجنبا صندوق الزبالة يبقى أنا كدا سخرت من تصرفه السئ اللي بيضرني .

إنما أنا مثلا بقول رأيي في الموضوع الفلاني ........ و ييجي واحد مختلف معايا في الرأي و يتريأ ....... ده أسمه تهكم و سخرية من الآخرين .

و على العموم برضه أحنا عندنا في مصر مشكلة كبيرة .
مفيش نظام و قانون يحمي الناس من بعضهم البعض .
و نرجع نجيب مثال من دولة اليابان اللي أخي عمرو أعطى مثال مسبقا عليها .
لما تيجي تشتري عربية مش بيديك رخصة إلا لما تجيبله مكان هاتركن فيه العربية .
يبقى بقى اليابان متخلفين و أحنا اللي فلاحيص ؟؟؟؟؟؟
في بريطانيا لما بيحمي حق سكان شارع معين في أنهم يركنوا في الشارع اللي هما ساكنين فيه و يعطيهم الحق ده على حساب الغرباء ....... يبقى هما غلط و أحنا اللي فلاحيص ؟؟؟؟؟؟؟؟؟

فيه أولويات ........

إنما مين قال أن أنا أو الأستاذ عمرو أو أي حد مع قلة الأدب و قلة الذوق ؟؟؟؟؟؟؟؟؟؟

مين قال أن أحنا بنشجع الجنازير في الشارع و حجز الأماكن بالعافية ؟؟؟؟؟؟؟؟

مين قال أن أنا اطلع أكسر عربية واحد غريب عن الشارع علشان راكن في مكاني ؟؟

كل شئ لازم يتأخد بالأدب و الأحترام .
و اللي مش محترم لا يحق له المطالبة بشئ .

و على العموم يا أستاذ خالد مفيش أي مشكلة ....... و أنا مش زعلان و كنت متأكد أن حضرتك فهمتني و فهمت بقية الأخوة بطريقة عندما علقت و قلت على موضوع الطحينة و الكباب .

هي المشكلة أن الحكومة مش واضعة قوانين لحماية الناس من بعضها البعض و كمان علشان الناس تعرف حقوقها و واجبتها .
فهمي المشكلة هنا مُركبة ...
حكومة مكبرة دماغها
و ناس للآسف بعضهم قليل الأدب و بيخلي البقية تقل أدبها علشان تقدر تأخد حقها منهم و ذلك نظرا لغياب القانون اللي يجيب الحق بالأدب و الأخلاق .

فمعلش ........ حصل خير و أرجوا أن يكون مفيش اي مشكلة

و لنتذكر دائما أن الأختلاف في الرأي لا يفسد للود قضية .

الموضوع: عايز أركن قصاد بيتي

LinkBack

أدوات الموضوع

عرض

-

-

-

-

-

-

-

المواضيع المتشابهه

كيف أركن السيارة في مسافة ضيقة من اول مرة ؟؟

حد عايز يبيع تريوس بيتي؟

لو قعدت عمرى كله مش هعرف أركن الركنه دى

الغورية - ازاى أوصل و أركن فين؟

دي قصاد دي ...... !!!! موضوع للمناقشة

الكلمات الدلالية لهذا الموضوع

المفضلات

المفضلات

ضوابط المشاركة