العربية بتنهب بنزين

**ابو حسين** · 21-06-2009 08:14 PM

المشاركة الأصلية كتبت بواسطة want_better

شكرا للرد
ومعذرة نسيت اذكر اني كنت في مركز الصفا من اسبوع وغيرت الرشاشات كانت راكبة رشاشات النترا وانا كان معي رشاشات هيونداي جربها على الجهاز وقالي كويسة وركبها

بتعمل 135 كيلو في الصفيحة ده بعد تغير الرشاشات

**MMamdouh** · 21-06-2009 11:40 PM

المشاركة الأصلية كتبت بواسطة ahmedfra

مستشارنا ممدوح هو ممكن تكون الرشاشات هى سبب الأستهلاك العالى للبنزين و فى نفس الوقت تكون البوجيهات حرقها كويس و مش باين عليها سوء حالة الرشاشات . لأن عندى نفس العيب و البوجيهات شكلها كويس

انا بصراحة مشوفتش عربية فيها عيب رشاشات و البوجيهات كانت حالتها كويسة... لازم البنزين الزيادة يسبب رواسب على البوجية

MMamdouh

**MMamdouh** · 22-06-2009 11:04 AM

المشاركة الأصلية كتبت بواسطة want_better

أولا شكرا للرد
ثانيا موضوع السحب أنا حاسس أنه كويس العربية بتنح ساعات في السلانسيه بس لكن على السرعة العالية شغالة كويس بس انا حاسس احساس شخصي انها مخنوقة سنة فهل هو ده ضعف السحب

هى العربية بتاكل بنزين ولا سحبها ضعيف؟؟؟

من خلال تجارب الزملاء رشاشات الهيونداى بتخنق العربية سنة

MMamdouh

**samirayad** · 22-06-2009 11:11 AM

طيب ماتحط العربيه على الأسكانر ............لأن ممكن تكون مشكله برضه فى حساس الشكمان .............وبعدين فيه برضه موضوع مثبت فوق للبيانات المطلوبه وقت التشخيص ........حيفيدنا جدا فى تقريب الحل الأمثل برضه

**want_better** · 22-06-2009 12:25 PM

المشاركة الأصلية كتبت بواسطة mmamdouh

هى العربية بتاكل بنزين ولا سحبها ضعيف؟؟؟

من خلال تجارب الزملاء رشاشات الهيونداى بتخنق العربية سنة

mmamdouh

العربية بتاكل بنزين اوي
اللى عرفته ان الطبيعي بتاعها من 220 وانت طالع في الصفيحة لكن معايا بتعمل 130 وبشم ريحة بنزين ني

**want_better** · 22-06-2009 12:43 PM

المشاركة الأصلية كتبت بواسطة samirayad

طيب ماتحط العربيه على الأسكانر ............لأن ممكن تكون مشكله برضه فى حساس الشكمان .............وبعدين فيه برضه موضوع مثبت فوق للبيانات المطلوبه وقت التشخيص ........حيفيدنا جدا فى تقريب الحل الأمثل برضه

اولا شاكر جدا مشاركتكم الفعالة دي

ثم فعلا انا ها شوف موضوع البيانات المطلوبة واعرض كل المعلومات المتاحة

بس ايه موضوع حساس الشكمان علشان العربية فيها علبة شكمان اللى بيقولوا عليه تربو انا اصلا عايز اعرف هو بيعمل ايه غير انه يعلي صوت العربية وهل ده له علاقة بأكل البنزين وما عمل حساس الشكمان
على فكرة في حاجة تانية لاحظتها ان العربية اول ما ادورها بتطلع دخنة بيضا مرة واحدة زي ماتكون مكتومة وبعد كده مافيش دخنة بيضا والحمد لله بس في ريحة بنزين ني على طول
وشكرا

**samirayad** · 22-06-2009 01:00 PM

اولا شاكر جدا مشاركتكم الفعالة دي

يا أخى ....لا شكر على واجب وكلنا بنفكر مع بعض من أجل الصالح العام وبنتعلم مع بعض مش أكتر

ثم فعلا انا ها شوف موضوع البيانات المطلوبة واعرض كل المعلومات المتاحة

هو كل مازادت البيانات .....كل ماكانت فرصة وضع اليد على الحل الأمثل أفضل طبعا ..........يمكن نلاقى حاجه نمسكها ويكون فيها المراد بأذن الله .........لأن عملية التشخيص معقده فعلا ......وليها أحتمالات كتير جدا ............

بس ايه موضوع حساس الشكمان علشان العربية فيها علبة شكمان اللى بيقولوا عليه تربو انا اصلا عايز اعرف هو بيعمل ايه غير انه يعلي صوت العربية وهل ده له علاقة بأكل البنزين وما عمل حساس الشكمان

لا هو حساس الشكمان غير التربو خالص ( حساس الشكمان بيكون راكب على نهاية فرن الشكمان ) لضبط نسبة الهواء للبنزين http://www.nilemotors.net/Nile/showthread.php?t=74715 ............أما التربو فده لتزويد قدرة المكنه والأستفاده من العادم الخارج من المكنه بتحويله الى قدره ميكانيكيه على ريشة توربينة التربو ....لتشغيل ريشة الكمبروسور المحورى المركب على نفس عمود التربو ( بتكون ريشة الكمبروسور بعد فلتر الهواء ).....أما ريشة التوربينه بتكون واخده العادم من المكنه قبل مايروح للشكمان ..............

على فكرة في حاجة تانية لاحظتها ان العربية اول ما ادورها بتطلع دخنة بيضا مرة واحدة زي ماتكون مكتومة وبعد كده مافيش دخنة بيضا والحمد لله بس في ريحة بنزين ني على طول
وشكرا

لا كده المفروض برضه تراجع الأول على دورة الأشتعال ( بوبينا وبوجيهات وكابلات بوجيهات ) ومعانا موضوع الطلمبه ............خليه على جنب دلوقتى ........على ماتشوف كفاءة دورة الأشعال ......طالما أنت مطمن للرشاشات ..........وعلى ماتقارن صوت الطلمبه برضه بلانوس تانيه