الموضوع: اكتر حاجه ممكن تضايقك من الاشخاص اللى بيركبوا معاك عربيتك

المشاركة الأصلية كتبت بواسطة gomangy

والله عندك حق في كل اللي قلته

1* حد يلعب فى الكاسيت

2* طافية السجاير على الدواسات
دى بقا بتغيظنى مووووووووووووووووووووت
3* رزعة الباب اللى زى الشاكوش فوق الدماغ
6* اللى قاعد جانبى وعامل شيخ السواقين دوس حاسب فرمل اكبس يمين شويه

هههههههههههه نفس اللى بحصل معايا وقال ايه بقولك انتا مجنون في السواقه او متعرفش تسوق يا عم حاجه غريبه الناس دي والله

بعض المسائل التى تضايقنى (بالاضافة طبعا لكل المسائل السايقة وخصوصا الانتقام من الباب الأيمن)

لما حد يركب جنبى ويكون معاه شنطة-غالبا تكون شنطة كومبيوتر وطالع منها سوست وخياطات وانوع اخرى من الزوائد) ويصر انه يشيلها على حجره ، يرفض رفض بات وقاطع انه اما يحطها على الأرض تحت رجله او يحطها على الكنبة الخلفية ، وتكون النتيجة ان كل الزوائد اللى طالعة من الشنطة تترك آثارها الكريمة من خدوش وتشوهات على درج التابلوه ، ومهما عالجت فيه بولاعة او غير ذلك مش بيرجع زى الأول

المسألة التانية لما حد يركب معايا ويكون جايب كيس فيه أكل ، سواء خضار او فاكهة او اكل جاهز، ويحطه على الكنبة الخلفية، اشيله انا احطه على ارضية السيارة فييجى صاحبنا جرى يرجعها علىالكنبة وقد ارتسمت على وجهه اعنف علامات الاشمئزاز والاشمئناط من هذا الكفر البين الذى قمت انا بممارسته بما كان من وضعى نعمة ربنا على الأرض اللى بندوس عليها برجلينا ، يعنى الأكل لو اتحط على الدواسة ده كفر بين لكن كنبة عربيتى لما تتبقع بمية الأوطة المفعصة اللى هو شاريها او زيت السمك المشوى اللى هو شاريه فهذا لا غبار عليه وانحرف انا وعربيتى بجاز مش مهم، مع انه ويا للعجب او ما هينزل من العربية هيحط نفس الكيس على اسفلت الشارع اللى الحمير والكلاب بتقضى حاجتها عليه انتظارا لحد من العيال او البواب يطلع معاه الحاجة ..........حسبى الله ونعم الوكيل

المسأئل الثالثة هى قصة فتح الباب قبل توقف السيارة، ودى عادة متأصلة عند كل اللى بيركبوا معايا، واخدت اكثر سنة من التنبيه اليومى لزوجتى لكى ارسب مسألة عدم فتح الباب قبل توقف السيارة فى عقلها الباطن، لأ والغريبة ان لما اقول احد لو سمحت متفتحش الباب قبل توقف السيارة يسمعنى فاصل من التريقة على حالة الأدب والالتزام الزائد التى اعانيها، طب لما انتا يا اخى عندك ربع ساعه فاضيه تسمح لك انك تستثمرها فى التريقة على العبد لله ، ايه وجه الاستعجال اللى يخليك تفتح الباب وانا ماشى ولسة المكان اللى هتنزل فيه قدامه 20 متر

المشاركة الأصلية كتبت بواسطة sab3aawy

طب لما انتا يا اخى عندك ربع ساعه فاضيه تسمح لك انك تستثمرها فى التريقة على العبد لله ، ايه وجه الاستعجال اللى يخليك تفتح الباب وانا ماشى ولسة المكان اللى هتنزل فيه قدامه 20 متر

كنت همووت من الضحك على الجزئية دى

انا اكتر الحاجات الى بتنرفزنى

1- اللعب فى الكاسيت .. او عموما كلمة ... شغل حاجة عربى يا عم !! .. يا بنى انتا مالك !

2-التدخل فى السواقة بأى شكل من الاشكال .. حتى لو البص على العدادات

3- عدم ربط الحزام !! .. كلهم بيتريقوا عليا .. مش عارف لية !