اكتر حاجه ممكن تضايقك من الاشخاص اللى بيركبوا معاك عربيتك

**N.a.j.d** · 08-01-2010 05:35 PM

الصراحه اكتر حاجه بضايق منها سواء كان ابويا ولا اخويه ولا صاحبي ولا حد غريب من
1 يا عم براحه
يا عم حاسب دا ولا دي
الكلام وانا سايق زي كلام فاااااارغ ملوش لازمه
السجاااير
يوسخلي العربيه
الحاجات اللى هيا مالهاش لازمه
دي بضايق منهااااا
او حد يقولي هااات اسوق عنك شويه ويقعد يري طول الطريق

**omar-saad** · 08-01-2010 06:50 PM

والله الموضوع كلة يضايق وخصوصا السجاير والاكل
وياسلام بقى لما اغسل العربية وصاحبى ينزل الازاز ببقى هاتعبط منة
فكرتونى بحكاية اول ماجبت الكورولا انتو عارفين ان مراياتها شفط
ف واحد من الناس استغرب الحكاية دى اوى وقاعد يكتشف فيها لمدة نص ساعة واعد يفتح ويقفل فى المراية وانا مادرتش اتكلم معاة عشان راجل كبير والى انو عايز يشترى واحدة زيها
فا ماتكلمتش معاة مع انى كنت هاولع منة

**abou_ruqi** · 08-01-2010 07:14 PM

كل اللي بيتقال بيضايقني بس في حاجة كمان

باتخنق قوي لما أجي أقطع شارع وألاقي اللي قاعد جنبي هو اللي مطلع راسه قدام وهو اللي بيبص في عربيات جاية وألا لا , واللي يغيظ إني أنا نفسي مببقاش شايف و بالتالي مش بطلع

يا سدي رجع راسك ورا خليني أشوف اللي جاي , هو أنت اللي سايق ؟؟؟

فضلت فترة أدرب مراتي عليها لحد ما بطلتها , إنما صحابي مش عارف خالص عندهم فوبيا الظاهر وألا إيه ؟

**Mohamed.Ramah** · 08-01-2010 08:28 PM

الله يكون فى عونكم انا على كدة ححصن نفسى ومن اول يوم اشتريها باذن الله واعلمهم الادب من اول يوم واللى يزعل يزعل

**A7MED_PHARMA** · 08-01-2010 10:00 PM

أكتر حاجه تدايقيني
لو حد من معارفي أو إصحابي قالي
عاوز أسوق

.

**romeo_6887** · 09-01-2010 01:28 AM

انا مبخليش حد ياكل او يشرب سجاير في العربيه
و اللي بيعمل نفسه سويق وقاعد جنبي عشان يديني نصايح
بقوم واقف علي جنب و اقوله انزل

**ابوهاشم** · 09-01-2010 01:34 AM

كل اللى انت قولته ده بيضايقنى
بس هى المصيبه فى الاحراج

**NoRmAl** · 09-01-2010 01:49 AM

المشاركة الأصلية كتبت بواسطة tutankhamoun

طبعا كل الحاجات دي تغيظ ...... و لكن أنا حاطط قواعد في العربية :
ممنوع التدخين في السيارة ....... و كمان الجين 2 مفيهاش أصلا طفاية سجاير .
ممنوع الأكل في السيارة .
ممنوع الشرب في السيارة إلا من العلب المعدنية ( الكانز ) .
ممنوع القاء اي زبالة من السيارة مهما كانت صغيرة و عندي كيس زبالة في السيارة لهذا الغرض .
أول حاجة بأطلب من اللي يركب معايا أنه يربط الحزام . ( نص الناس بتقولي ملوش لزمة !! )

موضوع الموسيقى أو الكاسيت ........ مش بيداقني قوي لأني نادرا لما بأشغل موسيقى أساسا أو أي شئ آخر أثناء القيادة و بحب أكون مركز مع الطريق .
بأقفل القفل المركزي بتاع التحكم في الزجاج علشان مش كل شوية واحد يقعد ينزل و يطلع الزجاج .

و بكدا بعمل تحكم في العربية و في الناس اللي رااكبه معايا من غير ما أحرج حد علشان أنتوا عارفين الشعب المصري ........ بيموت في العشم .

أنا مش هركب معاك على فكره :)))

-

الموضوع: اكتر حاجه ممكن تضايقك من الاشخاص اللى بيركبوا معاك عربيتك

LinkBack

أدوات الموضوع

عرض

-

-

-

-

-

المواضيع المتشابهه

استطلاع. ايه اكتر حاجه تميز عربيتك عن غيرها فى وجهه نظرك

قول ايه اكتر حاجه بتضايقك من اللى ماشى جمبك

ايه اللى ممكن يعمل كده فى سقف العربية ... حاجه غريبة جدا!!!!

اللى عمل 20 الف او اكتر بالكروز ممكن يقولى المشاكل اللى قابلته؟

سلوكيات اللى بيركبوا معاك

الكلمات الدلالية لهذا الموضوع

المفضلات

المفضلات

ضوابط المشاركة