اكتر حاجه ممكن تضايقك من الاشخاص اللى بيركبوا معاك عربيتك

**migo9898** · 09-01-2010 08:20 PM

الكاسيت والسجاير ورزع الباب والحزام كل اللى الاخوة اتفضلو وقالو عليه

**Dr_AHMAD** · 09-01-2010 08:40 PM

لما تكون مروح وزميل ليك واقف وسط اصحابه وينادي عليك روحني معاك ويجي يركب حاطط رجل جوة ورجل برة وماسك الباب باديه الاتنين وقاعد يكمل الحوار مع اصحابو ويدي ده مواعيد ويوصي التاني وهكذا وموقفك ومعطك مع انو واقف معاهم بقالو ساعتين واكتر وطبعا انت واقف مستني الباشا لما يخلص
في الحالة دي اروح مطفي العربية والغريب اول ما تطفي العربية يركب ويقولك ليه طفيت العربية يلا بينا ..!!!!!

**mahgary** · 09-01-2010 09:27 PM

3+ 5+ 6 لوحد عملاه معى مش عارف هعمل فيه ايه

**RUN** · 09-01-2010 11:45 PM

6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

**رزق** · 10-01-2010 01:19 AM

6 دي أنا مابطئهاش, إنه يقعد يقولي حاسب, هدي, اجري, ازنوء نفسك بين دول.
في العادة باقوللهم "بس بقى مالكش دعوة بطريق أنا اللي سايق فـياريت تعليقاتك تخليها لنفسك وتعد ساكت"..بحاول طبعا انتقي الفاظي مع ناس معرفهمش قوي.

الألعن بنسبلي لما يركب معايا حد ويقوللي معلش ماتشربش السيجارة دي وبكون لسة بطلعها من العلبة..بأبقى هاين عليَّ أفتح الباب و ازق سيادته.

طبعا الوالد بيضايقني في النقطتين دول بس مبقدرش اقوله حاجة..أي حد تاني بركنله على جنب واقوله انزل خد تاكسي يابني.

لما بكون لسة غاسل العربية بكون طبعا مانع أي حد ياكل فيها.

لما بتكون ابتدت تتوسخ مبتبقاش فارقة..اللي يرمي يرمي ما أنا كده كده الطافية بتقع مني ساعات وانا مركز في الطريق فحقول إيه.

موضوع الكرسي والكونسل ده مبيفرقش معايا بصراحة بس الكاسيت والتكيف اقطع دراعهم فيه.

**Dr Ahmed** · 10-01-2010 01:24 AM

معظمها زى ما انتم قلتم

اللى يركب جنبى ويدينى دروس فى السواقة
اللى ياكل ويوقع الأكل على أرض العربية
اللى يدخن سيجارة ممنوع أساسا ومش هسمح له
اللى يغطى عليا المراية اليمين أو الزجاج الخلفى
اللى يحط كف إيده على سقف العربية
اللى يتقايا فى العربية نهاره أزرق

**أبو إياد** · 10-01-2010 07:54 AM

المشاركة الأصلية كتبت بواسطة Dr Ahmed Abdelghany

اللى يغطى عليا المراية اليمين أو الزجاج الخلفى
اللى يحط كف إيده على سقف العربية
اللى يتقايا فى العربية نهاره أزرق

جديده الحاجات دى يادكتور فى الموضوع بس دى بقا حاجات فعلا بتنرفز جداااااااا
خصوصا لو واحد معلق نفسه فى مخدع السقف وحاسس انه هياخد المخدع بفرش السقف بالسقف نفسه وينزلهم