الموضوع: متحرمش نفسك من العربية اللي نفسك فيها (هو انت هاتعيش كام مرة؟)

انا وا لاستاذ الفاضل اميركو
بعتنا ردود كتير جدا علي الخاص تبينت منها مدي احترامة و عدم وجود اي نية بداخلة علي توجيهة اهانة لاي احد كان
و انا بشكروا علي اسلوبو الراقي جدا
ومعلش هو كان سوء تفاهم و عدي علي خير اني عرفت راجل محترم زيو
تقبلو تحياتي

المشاركة الأصلية كتبت بواسطة kloda

انا وا لاستاذ الفاضل اميركو
بعتنا ردود كتير جدا علي الخاص تبينت منها مدي احترامة و عدم وجود اي نية بداخلة علي توجيهة اهانة لاي احد كان
و انا بشكروا علي اسلوبو الراقي جدا
ومعلش هو كان سوء تفاهم و عدي علي خير اني عرفت راجل محترم زيو
تقبلو تحياتي

وانا بعتذر لأي شخص كلامي سببله مضايقه وسعيد بمعرفتي بالأستاذ خالد

يا استاذ خالد محدش اختلف ان هيا عربية كويسة جدا جدا

بس فعلا المصريين شعب كل همه انو يعمل حاجة عشان الناس مش عشان هوا عايزها..... يعني انتشار اللانسر لا يرجع الي كفائتها علي الاطلاق " مع اني منكرش انها اعتمادية جدا "

يا دعان هي الناس زعلانة .......
هو معنى أنها منتشرة أنها وحشة أو الناس اللي أشتروها مش بيفهوا حاجة ؟؟؟؟؟؟؟؟؟

بالعكس ...... العربية لولا أنها كويسة مكنش أغلب الشعب المصري قلد بعضه و أشتراها ..........

و موضوع التقليد الأغلبية فعلا من مُلاك العربية أشتروها على أساسه بدون فهم للعربية نفسها .
زي اللي بيشتري نوكيا ....... طيب هو نوكيا وحش ........لاءة بس برضه الناس بتسيب ماركات حلوة تانية ...... وتقلد و تشتري نوكيا .


بمناسبة اللانسر :
أفتكرت حكاية ..........
من شهر و نص كنت ماشي على الدائري ...... و 2 عساكر غلابة كانوا واقفين بيشاوروا للعربيات علشان يركبوا .
المهم وقفت و ركبتهم معايا .........

فما كان من واحد منهم إلا أن قال :
ممكن يا فندم أسألك سؤال ؟؟؟؟؟؟
هي ماركة العربية دي أيه ؟
رديت و قلت بروتون ؟؟؟؟؟؟؟
فقالي أيه أيه ....... طيب حضرتك ما جبتش لانسر ليه ؟؟؟؟؟؟؟؟؟؟؟؟

فده فعلا دليل تاني أهوه ........ أن الناس بتقلد و خلاص .......
يعني أصلا العسكري ده لو بيعرف يقرأ يبقى كتر ألف خيره ............

إنما العربية فنيا ...........مُحترمة و فيه ناس كتيرة أشترتها لأنها محترمة و لكن الأغلبية أشترتها تقليد للسلعة المنتشرة .
و ده لا يُقلل منهم أو من السيارة أو من اللي أشترى عن فهم و أقتناع .

المشاركة الأصلية كتبت بواسطة tahayt

السلام عليكم اسمحولى يا جماعة اقول رأيى المتواضع ,
انا شايف ان اللى راكب العربية دى و هو مبسوط بيها حتى لو ما كانش بيفهم فى العربيات منقدرش نقولة اية دة انت بتقلد الناس لية دة فى عربيات تانية احسن....احنا كدة عملنا زى بتوع حقوق الانسان اللى بيقعدوا يقولوا للستات فى البلاد الاسلامية اية دة انتو صابرين على ظلم الرجالة ليكو لية دة تفكير متخلف ازاى الست لازم تسمع كلام جوزها...... واصلا ممكن تلاقى الست اللى هما بيكلموها مبسوطة و سعيدة باسلوبها و بثقافتها
و بردوا لو عايزين نهاجم اللى جايب عربية معينة بغرض التقليد و هو لا يعرف امكانيتها و مدى ملائمتها لاحتياجاتة لازم برضوا ننتقد اللى جايب عربية مش منتشرة لمجرد التميز وهو برضة لا يعرف امكانيتها و مدى ملائمتها لاحتياجاتة ولازم برضة ننتقد اللى جايب عربية غالية و يرهق نفسة بالديون و الاقساط لمجرد المنظرة

الله عليك انت كدة جبت من الاخر.يعنى زى ماكلنا بصنا من ناحية واحدة ياريت نبص من الناحية التانية.

المشاركة الأصلية كتبت بواسطة eslam.adly

الله عليك انت كدة جبت من الاخر.يعنى زى ماكلنا بصنا من ناحية واحدة ياريت نبص من الناحية التانية.

الموضوع اصلا مبني على ان كل الناس بتبص على الناحية التانية اللي حضرتك بتتكلم عليها والناحية اللي اتكلمنا فيها محدش عاوز يبصلها

الموضوع ده موضوع رمزي يا جماعة وليس تقليلا من اسم السيارة على الإطلاق وتم اختيار النوع ده عشان ده منتدى سيارات والمفروض تكون دي الحاجة الأقرب الى عقول رواد المنتدى

لو كان المنتدى ده منتدى موبايلات كنت هاتكلم عن النوكيا

لو كان منتدى اسكان وعقارات كنت هاتكلم عن استمرار هجرة الناس الى مدينة القاهرة المنفجرة بسكانها اصلا

لو كان منتدى موسيقى كنت هاتكلم عن كل الاغاني اللي بقت تكنو لدرجة تلاقي مطرب كرشه قدامه وبيغني تكنو

يارب يكون كلامي واضح

وشكرا على المرور

المشاركة الأصلية كتبت بواسطة tahayt

السلام عليكم اسمحولى يا جماعة اقول رأيى المتواضع ,
انا شايف ان اللى راكب العربية دى و هو مبسوط بيها حتى لو ما كانش بيفهم فى العربيات منقدرش نقولة اية دة انت بتقلد الناس لية دة فى عربيات تانية احسن....احنا كدة عملنا زى بتوع حقوق الانسان اللى بيقعدوا يقولوا للستات فى البلاد الاسلامية اية دة انتو صابرين على ظلم الرجالة ليكو لية دة تفكير متخلف ازاى الست لازم تسمع كلام جوزها...... واصلا ممكن تلاقى الست اللى هما بيكلموها مبسوطة و سعيدة باسلوبها و بثقافتها
و بردوا لو عايزين نهاجم اللى جايب عربية معينة بغرض التقليد و هو لا يعرف امكانيتها و مدى ملائمتها لاحتياجاتة لازم برضوا ننتقد اللى جايب عربية مش منتشرة لمجرد التميز وهو برضة لا يعرف امكانيتها و مدى ملائمتها لاحتياجاتة ولازم برضة ننتقد اللى جايب عربية غالية و يرهق نفسة بالديون و الاقساط لمجرد المنظرة

رأي حضرتك غير متواضع
رأي محترم جدا وخصوصا في نقطة اللي بيرهق نفسه في عربيات غالية لمجرد المنظرة
دا شخص بيبقى محتاج الكشف على قواه العقلية واعرف امثلة لناس جابوا زيرو وبعد فترة حولوا لبنزين 80 عشان مش قادرين على القسط
وانا هنا بتكلم على الفيرنا واللانوس فمابال حضرتك باللي بيبقى اللانوس عالية عليه ماديا وبيجيب لانسر عشان يكون اعلى من الفيرنا واللانوس ويتمنظر

وطبعا حضرتك تتفق معايا ان البومة سعرها اعلى كتير من اللى المفروض تكون عليه وجزء كبير من زيادة سعرها نتيجة تهافت الناس عليها
وطبعا اكتر تجار استغلاليين هاتلاقيهم في مصر لما يلاقوا العربية مطلوبة يرفعوا تمنها وقطع غيارها تولع

وشكرا على المرور ووجهة النظر