اخر اخبار مشروع تكهين الملاكى

**abzoabzo** · 14-09-2009 02:22 PM

المشاركة الأصلية كتبت بواسطة medo60

انت لازم تتكلم كده--انت معاك لانوس
يعنى بعيد تماما عن التكهين
واللى ايده فى الميه مش زى اللى ايده فى النار

على فكرة لو ده طريقة تفكيرك يبقى الحكومة 10/10 وبتعرف تفرقنا كويس علشان تريح دماغها
ولى معلومات احنا عندنا 128 موديل 82 والانوس جيبها بمجهودى محدش جبهالى هدية

**ahmedshehata45** · 17-09-2009 01:06 AM

مشروع الاحلال نجح فى التاكسى عشان حاجتان وهما نمر الاجرة والتاكسى بيجيب دخل والملاكى لا فيه دية ولا دية وعشان منوجعش دماغنا لازم الكل يبقى ايد واحدة لان البعيد عن الموضوع النهاردة داخل فيه بكرة ولازم نرفض الموضوع ده وندافع عن حقوقنا بكل الوسائل الممكنة ولنا عبرة بعمال غزل المحلة الرجالة وموظفى الضرائب العقارية ومنقعدش نحكى وبس

**ابوهاشم** · 17-09-2009 01:52 AM

ان شاء الله الموضوع ده مش هينجح ومش هيتم

**Ayliz_2009** · 19-09-2009 02:14 PM

انا مش فاهم جملة "التاكسي في حد ذاته مصدر دخل" ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !
يعني لو الراجل اللي مش تاكسجي عربيته باظت هيصرف عليها زيه زي التاكسي ولا لأ
و التاكسي الفلوس اللي بيجبها دي مش عنده بيته يصرف عليه برضه ولا لأ
ولا احنا عايزين نقول انه حلو للتاكسي و وحش للملاكي ؟؟؟؟؟؟؟؟؟

أنا مش فاهم والله ايه طريقة التفكير دي ؟؟؟؟

**michohat** · 19-09-2009 05:38 PM

المشاركة الأصلية كتبت بواسطة ayliz_2009

انا مش فاهم جملة "التاكسي في حد ذاته مصدر دخل" ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!! !
يعني لو الراجل اللي مش تاكسجي عربيته باظت هيصرف عليها زيه زي التاكسي ولا لأ
و التاكسي الفلوس اللي بيجبها دي مش عنده بيته يصرف عليه برضه ولا لأ
ولا احنا عايزين نقول انه حلو للتاكسي و وحش للملاكي ؟؟؟؟؟؟؟؟؟

أنا مش فاهم والله ايه طريقة التفكير دي ؟؟؟؟

التاكسى عربية بتشتغل وبتصرف على نفسها يعنى مشاوريها بيجي من وراها فلوس
صاحب التاكسى ممكن يكون موظف او مشغل حد عليها يبقى دى مصدر دخل
الملاكى عربيه بتصرف مش بيجي منها فلوس

**Ayliz_2009** · 19-09-2009 05:43 PM

مش فاهم برضه النظرية بييجي من وراها او مش بييجي من وراها
يعني التاكسجي شغلته انه تاكسي بيجيب منها فلوس و بيصرف على العربية
انما الشخص العادي بيشتغل اي حاجة بيجيب منها برضه فلوس و بيصرف على العربية
فاهمني يعني ده بيجيب فلوس و ده بيجيب فلوس مش مهم منين
هو انا اصرف على العربية لو هي اللي بتجبلي فلوس انما لو مش بتجبلي ماصرفش عليها ؟؟؟؟؟؟

**medo2o1o** · 19-09-2009 06:01 PM

المشاركة الأصلية كتبت بواسطة michohat

من باب حب المعرفة عاوز اعرف مين الدول اللى مطبق فيها النظام ده علشان اعرف حالها هيبقى زيهم ولا لأ

تركيا خلاص طبقت المشروع ده

**michohat** · 19-09-2009 06:12 PM

اولا الرزاق هو الله
مفيش حد سواق تاكسى واخدها مهنه لوحدها لازم يكون فى مهنه تانيه معاها وغالبا حكومية
سواق التاكسي هوا اللى بيتحكم فى دخله اليومي يعنى كتير اشوف اصحاب تاكسيات مروحين وبيركنوا عربيتهم بدرى ولما بكلمهم بيقولوا جبرت يعنى استرزقوا و استكفوا
وفيه اصحاب تاكسيات بيشغلوها 24 ساعه
وفي اصحاب تاكسيات عاملين التاكسى مشروع وعندهم عربية واتنين وثلاثة ( ربنا يزيدهم)
اصحاب الملاكي العربية لمشاويرهم الخاصه والعربية مش تمثل مصدر دخل ليهم

**loma_satanic** · 19-09-2009 06:39 PM

انا شايف ان الاحلال حلو بس القسط يبقى رخيص مش غالى

**AbO_FaRaH** · 19-09-2009 08:54 PM

المشاركة الأصلية كتبت بواسطة bizaholic

هى فكرة الاحلال ليها فوايد و ليها عيوب فى نفس الوقت

يعنى مثلا لما الشوارع تترحم من عربيات متفككة يبقى دى حاجة كويسة

لما الشوارع تترحم من عربية تبقى ماشية على الشمال فى طريق سريع بسرعة 30 كم/س يبقى دى حاجة كويسة

و اكيد لما الشوارع تترحم من عربيات مركونة على جنب الطريق او موقفة كبرى لانها عطلانة يبقى دى حاجة كويسة و محدش يعترض عليه ( الكلام فى النقطة دى مش على العربيات القديمة بس )

و لما الجمارك تتخفض/تتلغى و اسعار العربيات الجديدة و قطع الغيار ترخص دى حاجة كويسة جدا

بس فى نفس الوقت الموضوع هيبقى عيوبه انه هيجبر المواطن الغلبان سواء بطريق مباشر او غير مباشر انه يغير عربيته القديمة بواحدة جديدة و يدفع مبلغ زيادة فى اقساط و فوايد ممكن المبلغ ده يساعده فى تحسين مستوى معيشته هو و اهله

انا فى رائى الشخصى ان الموضوع ده ليه طريقة واحدة للتنفيذ

انا يبقى فى فحص سليم 100 فى 100 بعيد عن بقى البريزة الكبيرة و كل سنة و انت طيب يا باشا و الحوارات اللى كنا عارفينها

و يكون الفحص ده على فترات متقاربة بحيس ان يتأكده ان العربية دى سليمة و تصلح انها تمشى فى الشوارع

لان كلنا عارفين اللى بيحصل ساعة لما بيكون واحد عنده فحص تبقى عربيته طول السنة ماشية مخلعة من بعضها و دخان اسود خارج من الشكمان و قبل الفحص بشهر يروح رايح يعملها عمرة يخليها عروسة و بمجرد ما يخلص الفحص ترجع ريما لعادتها القديمة ( الكلام ده مش عام بس بنسبة كبيرة جدا )

و طبعا علشان ينفذه الكلام ده لازم يخفضه سعر قطع الغيار علشان يشجعه المواطن انه يصلح عربيته اول بأول

و بكده يبقى الاحلال اجبارى لاى عربية سواء جديدة او قديمة اللى متعديش الفحص

يبقى اختصار لكل اللى انا قولته فوق ده الحوار يطبق بالشكل التالى:-

1 - تخفيض سعر قطع الغيار

2 - تطوير نظام الفحص و الغاء الرشاوى و المحسوبيات فيه ( اشك ان ده ممكن يحصل لانها بقت ثقافة شعب )

3 - تقليل مدة الفحص يعنى يبقى كل 6 شهور او سنة

4 - احلال العربية اللى متعديش من الفحص ده بخصوص العربيات القديمة اما بالنسبة للعربيات الجديدة صاحبها ياخد انذار اول مرة بأنه يهتم بصيانة عربيته و المحافظة عليها و لو اتكرر منه الحوار ده تانى يبقى كده تتلغى رخصته لانه ميصلحش انه يسوق عربيات اصلا و الاحسن يقشر بصل فى بيتهم

انا عارف ان كلامة ممكن ميعجبش حد بس صدقونى زى ما قولت فى الاول ان الموضوع ده ليه فوايد و عيوب فلو هيتنفذ صح هيبقى كله فوايد و ساعتها الحال هيتحسن

+1111111111111111111111111111111111111111111