اخر اخبار مشروع تكهين الملاكى

**Chucky** · 13-09-2009 01:39 PM

هى فكرة الاحلال ليها فوايد و ليها عيوب فى نفس الوقت

يعنى مثلا لما الشوارع تترحم من عربيات متفككة يبقى دى حاجة كويسة

لما الشوارع تترحم من عربية تبقى ماشية على الشمال فى طريق سريع بسرعة 30 كم/س يبقى دى حاجة كويسة

و اكيد لما الشوارع تترحم من عربيات مركونة على جنب الطريق او موقفة كبرى لانها عطلانة يبقى دى حاجة كويسة و محدش يعترض عليه ( الكلام فى النقطة دى مش على العربيات القديمة بس )

و لما الجمارك تتخفض/تتلغى و اسعار العربيات الجديدة و قطع الغيار ترخص دى حاجة كويسة جدا

بس فى نفس الوقت الموضوع هيبقى عيوبه انه هيجبر المواطن الغلبان سواء بطريق مباشر او غير مباشر انه يغير عربيته القديمة بواحدة جديدة و يدفع مبلغ زيادة فى اقساط و فوايد ممكن المبلغ ده يساعده فى تحسين مستوى معيشته هو و اهله

انا فى رائى الشخصى ان الموضوع ده ليه طريقة واحدة للتنفيذ

انا يبقى فى فحص سليم 100 فى 100 بعيد عن بقى البريزة الكبيرة و كل سنة و انت طيب يا باشا و الحوارات اللى كنا عارفينها

و يكون الفحص ده على فترات متقاربة بحيس ان يتأكده ان العربية دى سليمة و تصلح انها تمشى فى الشوارع

لان كلنا عارفين اللى بيحصل ساعة لما بيكون واحد عنده فحص تبقى عربيته طول السنة ماشية مخلعة من بعضها و دخان اسود خارج من الشكمان و قبل الفحص بشهر يروح رايح يعملها عمرة يخليها عروسة و بمجرد ما يخلص الفحص ترجع ريما لعادتها القديمة ( الكلام ده مش عام بس بنسبة كبيرة جدا )

و طبعا علشان ينفذه الكلام ده لازم يخفضه سعر قطع الغيار علشان يشجعه المواطن انه يصلح عربيته اول بأول

و بكده يبقى الاحلال اجبارى لاى عربية سواء جديدة او قديمة اللى متعديش الفحص

يبقى اختصار لكل اللى انا قولته فوق ده الحوار يطبق بالشكل التالى:-

1 - تخفيض سعر قطع الغيار

2 - تطوير نظام الفحص و الغاء الرشاوى و المحسوبيات فيه ( اشك ان ده ممكن يحصل لانها بقت ثقافة شعب )

3 - تقليل مدة الفحص يعنى يبقى كل 6 شهور او سنة

4 - احلال العربية اللى متعديش من الفحص ده بخصوص العربيات القديمة اما بالنسبة للعربيات الجديدة صاحبها ياخد انذار اول مرة بأنه يهتم بصيانة عربيته و المحافظة عليها و لو اتكرر منه الحوار ده تانى يبقى كده تتلغى رخصته لانه ميصلحش انه يسوق عربيات اصلا و الاحسن يقشر بصل فى بيتهم

انا عارف ان كلامة ممكن ميعجبش حد بس صدقونى زى ما قولت فى الاول ان الموضوع ده ليه فوايد و عيوب فلو هيتنفذ صح هيبقى كله فوايد و ساعتها الحال هيتحسن

**ابوهاشم** · 13-09-2009 02:01 PM

هو فى حاجه بتتنفذ صح

**michohat** · 13-09-2009 03:59 PM

ياريت يبقى القرار متوقف على الفحص الفنى العادل

**samcar** · 13-09-2009 04:15 PM

المشاركة الأصلية كتبت بواسطة hashem1999

هو فى حاجه بتتنفذ صح

الله ينور - جبت المفيد - عندنا قوانين بالهبل ونظم اداريه من ايام الفرعنه - كلهت نظريا كويسه - بس ساعة التطبيق كله بيطرح قرع وكوسه

**mynameh** · 13-09-2009 10:57 PM

انا متوقع انو يكون اختياري " اجباري " بالقانون , و كلنا طبعا عارفين كدة

لكن انا سؤالي لاي حد يعرف امتي هينفذو القرار يعني في خلال اد اية و خصوصا انو عدي من البرلمان بالموافقة اختياري "اجباري" ؟؟

**SHNORY** · 13-09-2009 10:59 PM

المشاركة الأصلية كتبت بواسطة mynameh

انا متوقع انو يكون اختياري " اجباري " بالقانون , و كلنا طبعا عارفين كدة

لكن انا سؤالي لاي حد يعرف امتي هينفذو القرار يعني في خلال اد اية ؟؟

انا رايي الشخصي بيقول ان فيه استحاله لتنفيذ القرار ده
والايام حتبين الموضوع ده
بس اكيد لو اتطبق فعلا حيكون فيه كذا سنه سماح للناس علشان يغيروا

**mynameh** · 13-09-2009 11:06 PM

ااااه

بس الي قريتة انو هيتنفذ هيتنفذ لكن المشكلة اجباري و لا اختياري
و كمان سمعت انو في خلال 6 شهور ممكن ازيد شوية

و ربنا يقدم الي فية الخير

**michohat** · 13-09-2009 11:12 PM

مفيش حاجه فى بلدنا ملهاش باب خلفى backdoor

**mynameh** · 13-09-2009 11:31 PM

المشاركة الأصلية كتبت بواسطة michohat

مفيش حاجه فى بلدنا ملهاش باب خلفى backdoor

+++++++++ فعلا

للاسف

الموضوع: اخر اخبار مشروع تكهين الملاكى

LinkBack

أدوات الموضوع

عرض

-

-

المواضيع المتشابهه

حد سمع حاجة عن تكهين الملاكى

موضوع تكهين الملاكى

اخر اخبار تكهين العربيات واعدامها

اخر اخبار مشروع تاكهين الملاكى الذى نرفضة بشدة

تكهين السيارات الملاكى ؟!

الكلمات الدلالية لهذا الموضوع

المفضلات

المفضلات

ضوابط المشاركة