الموضوع: رابطه محبي ومالكي الريجاتا

المشاركة الأصلية كتبت بواسطة broadband

مشكلة الكربراتير دى فى مصر من اكبر المشاكل لان البنزين عندنا بيبقى فيه حاجات اضافيه زى الرواسب بتاعت تانك المحطة و بخار المياه و ممكن لو ضمير صاحب المحطة مش ولا بد يبقى فيه حاجات تانية اكتر . و موضوع انك بتحط بنزين 80 او 90 المفروض انه يفرق فى سحب اسيارة فقط و نعومة الحريق داخل الموتور

جرب زى موضوع اتنين فلتر و هو مش حيأثر فى حاجة بالعكس حينضف البنزين اللى داخل للكربراتير .
و جرب تحط مع التفويلة حاجة اسمها ابر سلندر Upper Cylinder دى اضافة للبنزين بتنضف كل مسار الوقود فى السيارة ( من اول التانك لغاية الصبابات ) و تأكد انها خاصة بالسيارات التى تعمل بالكربراتير و ان شاء الله مش حتحتاج تنضف الكربراتير تانى
و دى عن تجربة شخصية انا باستعمله كل 2000 او 3000 كم و باستعمل بنزين 80 اذا وجد

و اى خدمة

انا مش مع حضرتك ف النقطة دى
علشان تستخدم اي كلينر او منظف
لازم تكون متأكد ان التنك بتاعك نضيف جداَ جداَ كمان
ساعتها بس تقدر تستخدمة
اما لو التنك بتاعك متفكش من العربية ابداَ ولم يتم تنظيفة قبلاَ
اللى هيحصل ان كل الرواسب والبارومة اللى ف تنك البنزين
هتتنقل للكربراتير وساعتها لو دخلت حاجة تحت ابرة الكربراتير
مش هينفع نضافة عادية .. وكمان ممكن تسد الخراطيم

يبقى لو هنستخدم اي منظف قوي للكربراتير عندنا حليين :
الحل الاول : انك تضع ف الكربراتير نفسة ومتقربش ابداَ من تنك البنزين
ولما تحط المنظف تعمل حسابك انك ف اقرب وقت تغيير زيت
لان هيدخل السائل من الكربراتير للمنافول ومنة للموتور .. الطريقة دي بفضلها جداَ وسريعة
ولازم يتحط شوية صغيرين جداَ .. مش نرش الجنينة :) علشان لو حطينا كتير مش هتدور العربية بسهولة
وطبعا بلاش نستخدم wd 40 ف الكربراتير لانة مش منظف اصلا

الحل الاخر :
اللى حضرتك تفضلت بية اللى هو وضع المنظف داخل تنك البنزين وهو ما لا افضلة
لانة يشترط تكون منظومة دورة البنزين نضيفة .. التنك والخراطيم لازم يكونو نضاف جدا جدا

المشاركة الأصلية كتبت بواسطة broadband

كلامك مظبوط و لكن اذا كان يوجد فلتر او اتنين مش حيعدوا اى ى حاجة للكربراتير و اذا كانت الرواسب كتيرة فحتسد الفلتر الاول او بالكتير التانى و ساعتها ممكن من السهل تغيير الفلتر بأخر جديد

مشكور على التوضيح اخى م/حسين

خلي بالك ان الفلاتر الروسى اللى هي بخمسة جنية دى
لا تعتبر فلاتر .. وبتعدي كل اللى انت عايزو :)
انت لو فتحتها من جوة هتلاقيها حتة كارتون بس
ولا فية اي مادة ولا فية ثقوب علشان يعمل زى المصفا مثلا
فلتر تحصيل حاصل اي كلام يعنى .. فلا يعتمد علية ..
انا جربت 2 فلتر روسى وطبعا النتيجة فاشلة
الحل فية فلتر المانى لكنة مش شفاف تمنة 140 ج
وللاسف قليل جدا ف السوق .. دة فلتر بنزين فعلا
بداخلة طبقات مخرمة زي المصفا دقيقة وبتعدى البنزين للاتجاة واحد فقط لا غير
ولو حاولت تنفخ فية بالعكس هتلاقية زى ميكون مسدود لانة بيسمح لعبور البنزين ومش بيمسح بالعكس
انما الكرتون الروسى دة شكل وشغال ف اي حاجة :)

المشاركة الأصلية كتبت بواسطة nicegypt

خلي بالك ان الفلاتر الروسى اللى هي بخمسة جنية دى
لا تعتبر فلاتر .. وبتعدي كل اللى انت عايزو :)
انت لو فتحتها من جوة هتلاقيها حتة كارتون بس
ولا فية اي مادة ولا فية ثقوب علشان يعمل زى المصفا مثلا
فلتر تحصيل حاصل اي كلام يعنى .. فلا يعتمد علية ..
انا جربت 2 فلتر روسى وطبعا النتيجة فاشلة
الحل فية فلتر المانى لكنة مش شفاف تمنة 140 ج
وللاسف قليل جدا ف السوق .. دة فلتر بنزين فعلا
بداخلة طبقات مخرمة زي المصفا دقيقة وبتعدى البنزين للاتجاة واحد فقط لا غير
ولو حاولت تنفخ فية بالعكس هتلاقية زى ميكون مسدود لانة بيسمح لعبور البنزين ومش بيمسح بالعكس
انما الكرتون الروسى دة شكل وشغال ف اي حاجة :)

اه والله يا حسين يا اخويا انت جيت على الجرح والنبى انا فعلا فكيت الفلتر ده وملقتش فيه اى مصفاه تشيل البلاوى اللى فى دورة البنزين بس من المفترض ان الرواسب تلزق فى الخامه اللى شبه الكرتون دى جوه الفلتر والغريب بأه لما صنايعى يشوف عربيتك وهى فيها مشكله فى السحب ويلاقى الفتر لونه بنى يقولك تعالى بص زى ما يكون مسك حرامى فى الكبوت ويقولك الفلتر مدمر فى حين ان تغيير لونه نتيجة تفاعل البنزين مع المادة اللى شبة الكرتون دى وهو اصلا مش فاهم حاجه بس هنعمل ايه ادى الله وادى حكمته احنا بنقول اى حاجة تمنع الرواسب من دخول الكربرتير والفلتر ده برده بيعمل اى حاجه ولو انه مبيأديش نص الأداء اللى ممكن اكون راضى عنه
بس الشهادة لله كلامك مظبوط ملوين المية و شكلك متمرط اكتر منى كمان وبتوصل لكل حاجه بتفكيرك مش بتنقل الكلام من الصنايعية وربنا يباركلك

المشاركة الأصلية كتبت بواسطة broadband

مشكلة الكربراتير دى فى مصر من اكبر المشاكل لان البنزين عندنا بيبقى فيه حاجات اضافيه زى الرواسب بتاعت تانك المحطة و بخار المياه و ممكن لو ضمير صاحب المحطة مش ولا بد يبقى فيه حاجات تانية اكتر . و موضوع انك بتحط بنزين 80 او 90 المفروض انه يفرق فى سحب اسيارة فقط و نعومة الحريق داخل الموتور

جرب زى موضوع اتنين فلتر و هو مش حيأثر فى حاجة بالعكس حينضف البنزين اللى داخل للكربراتير .
و جرب تحط مع التفويلة حاجة اسمها ابر سلندر upper cylinder دى اضافة للبنزين بتنضف كل مسار الوقود فى السيارة ( من اول التانك لغاية الصبابات ) و تأكد انها خاصة بالسيارات التى تعمل بالكربراتير و ان شاء الله مش حتحتاج تنضف الكربراتير تانى
و دى عن تجربة شخصية انا باستعمله كل 2000 او 3000 كم و باستعمل بنزين 80 اذا وجد

و اى خدمة

انا اختلف مع حضرتك ان نوعية البنزين 80 او 90 بتفرق فى السحب بس اعتقد ان الكلام ده مش صحيح لأن البنزين الـ80 مش بيتصفا ولا بينضفوه زى ما بيعملوا فى الباقى بالتالى الرواسب مش بتيجى من الخزان الرئيسى بس لا ومع البنزين كمان اما عن سائل التنضيف المضاف الى البنزين فأنا مش معاه ومش برشحه لحد و هذكرلك الاسباب بعد كده ومتفق مع المهندس حسين برده فى دى

المشاركة الأصلية كتبت بواسطة elbadry99

استاذ حسين انا بعت لحضرتك 3 رسائل بس فى مشكلة فى صندوق الصادر عندى مش عارف وصلتلك ولا ولا

فية رسالة واصلتنى لكن موضوع المقصات او الجلب تقريبا لاء