رابطه محبي ومالكي الريجاتا

**Amr Khalid** · 26-02-2013 11:42 AM

السلام عليكم
انا عندى ريجاتا 85
محتاج اجيب ابواب
ممكن تساعدونى بعنوان او رقم تاجر
يكون مضمووون
و محتاج جزء الدراعات اللى هو بتاع المساحات و الاشارات و النور
و يا ريت لو تعرفوا اسعار الايام دى تعرفونى
سعر الباب بدون اى شى
سعر الباب كامل
سعر فرش الباب الداخلى
التابلوه كالعادة زى أغلب الريجاتا مكسر جامد
لو فى حل ليه او التابلوه الجديد بكاام

شكراااااااا
:)

**hk1960k** · 27-02-2013 12:22 PM

المشاركة الأصلية كتبت بواسطة Amr Khalid

السلام عليكم
انا عندى ريجاتا 85
محتاج اجيب ابواب
ممكن تساعدونى بعنوان او رقم تاجر
يكون مضمووون
و محتاج جزء الدراعات اللى هو بتاع المساحات و الاشارات و النور
و يا ريت لو تعرفوا اسعار الايام دى تعرفونى
سعر الباب بدون اى شى
سعر الباب كامل
سعر فرش الباب الداخلى
التابلوه كالعادة زى أغلب الريجاتا مكسر جامد
لو فى حل ليه او التابلوه الجديد بكاام

شكراااااااا
:)

اخى الكريم السلام عليكم ورحمة الله وبركاته
اخر اسعار توصلت ليها هى
4 ابواب كاملة 1000 جنيه
دراع النور والمساحات 100 جنيه
التابلوه 2000 جنيه
اما فرش الباب الداخلى فاى سروجى ممكن يعملهولك فى حدود 150 جنيه للاربع ابواب
ولكنى انصحك فى حالة تغيير التابلوه بلاش تجيب تابلوه ريجاتا
تابلوه الريتمو 85 بيركب وسعره كامل بقطمة الدركسيون 1000 جنيه وفيه زملاء فى المنتدى ركبوا تابلوه سيينا واتكلف 1200 جنيه على ما أظن وانت بافضل تابلوه الريتمو لانه قريب الشبه من التابلوه الاصلى كمان مناسب لموديل السيارة وخامته قوية
وفيه تاجر اسعاره كويسة وبيجيب من الاخر اسمه الشيخ طارق ورقمه 01281349010 بس ياريت يرد هو عموما عنوان فى ترسا عند بتوع السيراميك فى الشارع اللى قدام مطعم الشبراوى
ولك تحياتى
هشام كامل

**hk1960k** · 27-02-2013 01:01 PM

hk1960k

الميكانيكى بتاعى وهو عضو معنا ايضا فى المنتدى اقترح على تعديل مكلف ونفذناه فعلا امس وحولنا الدبرياج الى زيت بدلا من السلك وجارى تجربة السيارة فعلا هى النهاردة ماشية معايا كويس وفى حالة استمراره وتجربتها بعد اسبوع لو ماحصلش اى مشاكل حارفع صور التعديل والتكلفة واسم الميكانيكى فى منتدى التعديلات حتى يستفيد منه كل الاعضاء وملاك الريجاتا خصوصا
اخوانى الكرام السلام عليكم ورحمة الله وبركاته
استكمالا لموضوعنا وحافكركم بيه انى عدلت دبراياج الريجاتا من سلك الى زيت باكم لانى اتعرضت لانقطاع السلك 5 مرات خلال 10 ايام تقريبا لسوء قطع الغيار الموجودة بالسوق

ابشركم بان التجربة ناجحة جدا والحمد لله وذلك بعد مضى 3 اسابيع تقريبا ما فيش اى مشاكل
المشكلة الكبيرة هى انى اتكلفت كتير نظرا لشروطى على الميكانيكى بعدم عمل اى تعديل بحوض السيارة مثل اللحامات وخلافه والراجل نفذ الشرط فعلا بس اضطرينا نشترى قطع غيار لسيارة ميتسوبيشى لانسر بحوالى 350 جنيه وهى اللى تنفع تركب بدون تعديل
كمان مصنعيات لحام وخراطة ببرميل الفتيس ب 70 جنيه ومصنعية الميكانيكى 150 جنيه
طبعا بخلاف قيمة الزيت علشان انا اتنتهزت الفرصة وغيرت زيت الفتيس بالكامل وطبعا كان عمره ماتغير قبل كده... بصراحة التعديل مكلف لكن يستاهل والنتيجة هايلة والحمد لله

**nicegypt** · 27-02-2013 09:42 PM

نصيحة لله بلاش الشيخ طارق .. سبق واتعاملت معة ولقيت اكتر من شكوي منة بالاضافة لشكوتي وطلع عينى عبال مرجعت المبلغ بتاعي منة هو دايماّ مش هناك وابنة الصغير هو اللى بيتعامل وعيش بقا معة

**Amr Khalid** · 28-02-2013 09:53 AM

شكرا جزيلا ليك على الرد

**hk1960k** · 28-02-2013 11:15 AM

المشاركة الأصلية كتبت بواسطة nicegypt

نصيحة لله بلاش الشيخ طارق .. سبق واتعاملت معة ولقيت اكتر من شكوي منة بالاضافة لشكوتي وطلع عينى عبال مرجعت المبلغ بتاعي منة هو دايماّ مش هناك وابنة الصغير هو اللى بيتعامل وعيش بقا معة

انا اتعاملت معاه مرة واحدة بس واشتريت منه كاربرتير اكسيل وماكانش فيه مشاكل والحمد لله لكن عموما احنا مفروض بننصح بعض ونفيد بعض بتجاربنا مع تجار قطع الغيار وبرضه الصنايعية زى ما أنا سبق وحذرت من التعامل مع محمد يوسف لقطع الغيار وشكلرا على نصيحتك ونرجو من الجميع المشاركة فى الموضوع بتجاربهم مع التجار

**Amr Khalid** · 28-02-2013 03:21 PM

عاوز أجيب غطاء تانك لريجاتا 85
الغطاء الفبر
الاقيه فين و بكام ؟؟؟

**Amr Khalid** · 28-02-2013 03:27 PM

ممكن لو حد معاه صوره لتابلوه ال ريتمو 85 بعد تركيبه فى الريجاتا يرفعها

شكرا

**amro1965** · 03-03-2013 09:53 AM

السلام عليكم ورحمه الله وبركاته
مشكلتى ان السيارة وانا ماشى وصولا للسرعه 70 عادى
لكن عن الدخول على سرعه 80 يبدا محرك السيارة فى صوت مكنه الرى أو بلغه الميكانيكية يصقف
ولكن عندما اخرج من سرعه 80 الى 90 وما فوق بيختفى التصقيف
طبعا انا بسأل قبل ان اذهب الى الميكانيكى للافاده من خبراتكم
مع خالص تحياتى

**nicegypt** · 03-03-2013 12:11 PM

المشاركة الأصلية كتبت بواسطة amro1965

السلام عليكم ورحمه الله وبركاته
مشكلتى ان السيارة وانا ماشى وصولا للسرعه 70 عادى
لكن عن الدخول على سرعه 80 يبدا محرك السيارة فى صوت مكنه الرى أو بلغه الميكانيكية يصقف
ولكن عندما اخرج من سرعه 80 الى 90 وما فوق بيختفى التصقيف
طبعا انا بسأل قبل ان اذهب الى الميكانيكى للافاده من خبراتكم
مع خالص تحياتى

صوت التسقيف يا استاذ عمرو مشكلتة البنزين وضبط كهربا الاسبراتير
حضرتك محتاج تظبط كهربة الاسبراتير لانة محتاج كل فترة طويلة يعاد على ضبطة فدة عادي
مش معناة انة فية عطل او عيب .. حضرتك محتاج ميكانيكي يكون معرفة يعرفك ازاي تأخر وتقدم الكهربا
انا ممكن اقولك بس افضل انك تروح تشوفها بالعين غير الشرح افضل كتير ..