رابطه محبي ومالكي الريجاتا

**YMAA_NANA** · 07-07-2013 01:25 PM

شكرا يا استاذ احمد على الرد وجاري مراجعة هذه الاشياء وانا فعلا بحط بنزين 80 بس هاجرب واحط بنزين 90 واظبط باقي الحاجاة اللي قلتلي عليها وشوف اوافيك بالنتيجة ان شاء الله

**ahmed_moeaz** · 07-07-2013 01:32 PM

موفق ان شاء الله يا باشا وربنا يكفيك شرها ويرزقك خيرها بس لازم بنزين 90 او 92 مش فارقة مدام هتشغيل التكييف واغسل السربنتينة بتاعة التكييف غسلة محترمة واكشف على ضغط الفريون والله انا كان معايا التكييف شغال زى الفل وتلاجة بس السنة اللى اعدتها فى الجيش واهملت فيها السيارة بوظت حاجات كتير فى العربية وحاسس انها هتفتح منى مصاريف فبتأنى فى الاصلاح وبصلح الضرورى فقط

**ahmed_moeaz** · 09-07-2013 08:56 PM

المشاركة الأصلية كتبت بواسطة nicegypt

كدة يبقى فعلا المشكلة عندك ف الدواسات بس غريبة اية اللى يدوبها بالطريقة دي !!
اول مرة اشوف ريجاتا فيها دواسات دايبة .. تبقى تطمنا وصلت لاية ؟

روحت للميكانيكى عشان اغير سير وبلية كاتينة بغير كل 20000 كيلو وقولتله نعمل ايه فى مشكلة البدالات ، اقترح عليا نعمل جلب لبدالات ونثبتها ، ان شاء الله هنعملها بكره واوافيكم بالتطورات

**nicegypt** · 10-07-2013 03:26 AM

فك وتركيب وتزييت سلك دبرياج الريجاتا اس 85

http://www.nilemotors.net/Nile/367698-85.html

**mabdelwahab** · 10-07-2013 02:38 PM

لو سمحتم عايز اعرف سعر مكن الزجاج الكهرباء و احسن مكان اجبهم منه اية سواء استيراد او جديد عربية , أفضل نوع (الباب الشمال الامامى)

**ahmed_moeaz** · 10-07-2013 11:51 PM

تم انهاء صيانة البدالات وركبنا الجلب وثبتت البدالات ما شاء الله وزى الفل وعصاية الفتيس ك
انت بايشة ظبتها جلب بردو هى تقلت اوى وحجرت بس انا بحب عصاية الفتيس كده ، وغيرت سير الكاتينة والدينامو
وبلية الكاتينة وبوجيهات التكاليف الاجمالية السير والبلية 100 جنية سير الدينامو 15 جنية
بوجيهات 40 جنية جلب 20 جنية مصنعية 60 جنية

**elbasosy** · 11-07-2013 11:59 AM

المشاركة الأصلية كتبت بواسطة ahmed_moeaz

تم انهاء صيانة البدالات وركبنا الجلب وثبتت البدالات ما شاء الله وزى الفل وعصاية الفتيس ك
انت بايشة ظبتها جلب بردو هى تقلت اوى وحجرت بس انا بحب عصاية الفتيس كده ، وغيرت سير الكاتينة والدينامو
وبلية الكاتينة وبوجيهات التكاليف الاجمالية السير والبلية 100 جنية سير الدينامو 15 جنية
بوجيهات 40 جنية جلب 20 جنية مصنعية 60 جنية

الف مبروك .. وربنا يباركلك فيها وكويس إنك قولتلنا على التكاليف ده شيئ مهم جدا خصوصا الأيام دى فى ظل جشع الصنايعيه إلا من رحم الله ...

**ahmed_moeaz** · 11-07-2013 01:43 PM

المشاركة الأصلية كتبت بواسطة elbasosy

الف مبروك .. وربنا يباركلك فيها وكويس إنك قولتلنا على التكاليف ده شيئ مهم جدا خصوصا الأيام دى فى ظل جشع الصنايعيه إلا من رحم الله ...

الله يبارك فيك تصدق انا احيانا بقبل بالجشع ده لكن فى مقابل مصنعية ممتازة ، انا عملت بيها مشوار 15 كيلو النهاردة الصبح وفولت 90 العربية ادائها بيفرق خالص وبحس انها مرتاحة عكس ال80 بيخنقها جامد ، وظبيت ال4 فرد كاوتش نيتروجين ب20 جنية بس مش حاسس بفرق إلى الآن

**nicegypt** · 12-07-2013 02:22 PM

المشاركة الأصلية كتبت بواسطة mabdelwahab

لو سمحتم عايز اعرف سعر مكن الزجاج الكهرباء و احسن مكان اجبهم منه اية سواء استيراد او جديد عربية , أفضل نوع (الباب الشمال الامامى)

ماكنة زجاج ريجاتا بـ 130 ج" فى عزبة شلبي المطرية " .. وماكنة تويوتا كرولا يابانى = 130 ج وانت وشطرتك لانك هتسمع 150 ج عشان تبدء تفاصل معاة.. الفرق بين الاتنين ان مكنة الريجاتا مش بيتغير لها الجنزير والموتور لانة قطعة واحدة لو اتحرق لا قدر الله بيترمي كلة .. اما التويوتا بتغير الجنزير او الموتور بس مقرف ف تركيبة لانك هتعملة فتحات ف سدر الباب خاصة بية هو يستاهل بصراحة بس قعد اركب فية يومين .. والاسهل والنصيحة تجيب بتاع الريجاتا
واتأكد ان الحديدة عليها علامة L يعنى شمال .. مصنعية تركيب من 30 ل 35 ج اكتر من كدة
يبقى طماع .. مصنعية كهربائى = 30 ج + سلك وزرار وكلبسات = 15 ج

الموضوع كلة هيعملة = 180 ج بزيادة .. علما انى نزلت العزبة واشتريت المكنة وركبتها من الالف للياء بنفسي ودة الافضل بس لو عندك خبرة وصبر غير كدة ركبة عند صنايعي افضل

ممكن ترجع للتوبيك دة لاي تفاصيل اخري
http://www.nilemotors.net/Nile/3874734028-post1516.html