رابطه محبي ومالكي الريجاتا

**elbasosy** · 04-07-2013 02:23 PM

إ[marq="3;right;1;scroll"]خوانى حبايب الريجاتا .. منذ 28 يونيه ولم تكن هناك أى مشاركه فى الرابطه الحبيبه .. أين أنتم ؟؟ ول كله ركن عربياته بسبب أزمة البنزين ؟؟ تحياتى للجميع وتمنياتى بأن تكونوا فى أحسن حال .. تحيا مصر ..[/marq]

**elbasosy** · 04-07-2013 02:24 PM

المشاركة الأصلية كتبت بواسطة karmoty

أنا معاكم بس انا دخلت النادي من زماااااااااااااااان من سنة 48
ومتابع معاكم في الرابطة

أهلا بيك ربنا يوفقك .:b4_095:

**nicegypt** · 04-07-2013 03:01 PM

المشاركة الأصلية كتبت بواسطة ahmed_moeaz

شكرا على الرد انا آخر لما غلبت رحت لواحد فى صلاح الدين عندنا فى اسكندرية متخصص ريجاتا وبيقطع عربيات
قالى لازم طقم البدالات يتغير لانه دايب من تحت والدواسة فعلا بتتحرك تحت رجلى فالسلك ( التيش) بيهرب من الكواتشة وبينزل على الصاج فبيقطع ، ربنا يسهل بعد الايام دى متعدى هشترى الطقم ده واركبه لان تركيبة مقرف اوى

كدة يبقى فعلا المشكلة عندك ف الدواسات بس غريبة اية اللى يدوبها بالطريقة دي !!
اول مرة اشوف ريجاتا فيها دواسات دايبة .. تبقى تطمنا وصلت لاية ؟

المشاركة الأصلية كتبت بواسطة elbasosy

العربيه لما بخلص مشاويرى وببطلها بتهبد هبده جامده .. أو بمعنى أدق بتترج !! ممكن حد يفسرلى ده ؟؟ وهل هناك ما يقلق لو سبتها ؟؟

المشكلة عندك في الكهربة اللى واصلة للاسبراتير بشكل عام

**nicegypt** · 04-07-2013 03:06 PM

ان شاء الله ناوي اعمل موضوع عن كيفية تركيب او تغيير سلك الدبرياج بنفسك للريجاتا العادة
وكيفية تزييت السلك وتخفيف حركتة عشان يبقى خفيف تحت رجلك زي المية .. وازاي ترفع الدبرياج وتوطية الخ
انا منتظر بس اصور بالنهار لان اغلب شغلي بالنهار وبالليل التصوير بيكون مش كويس ان شاء الله اصور بالنهار بس يارب الاقي حد مهتم بالموضوع بدل ما ابدء ع الفاضي :)

**ahmed_moeaz** · 04-07-2013 04:06 PM

المشاركة الأصلية كتبت بواسطة nicegypt

ان شاء الله ناوي اعمل موضوع عن كيفية تركيب او تغيير سلك الدبرياج بنفسك للريجاتا العادة
وكيفية تزييت السلك وتخفيف حركتة عشان يبقى خفيف تحت رجلك زي المية .. وازاي ترفع الدبرياج وتوطية الخ
انا منتظر بس اصور بالنهار لان اغلب شغلي بالنهار وبالليل التصوير بيكون مش كويس ان شاء الله اصور بالنهار بس يارب الاقي حد مهتم بالموضوع بدل ما ابدء ع الفاضي :)

يا ريت يا باشا بجد انا حاطت اساساً تيش احتياطى معايا فى العربية لقدر الله لو حصل حاجة اركبه عند اى ميكانيكى يقابلنى بس كده ربنا يجازيك خير بينا ، ونفسى بجد نلاقى حل للمشكلة دى مكنتش بشغل بالى ابداً بالتيش ولا اى حاجة وفين وفين لما اغيره ومن نفسى قبل ميحصل حاجة دلوقت قلبى بيقع مع كل دوسة دبرياج وربنا يستر

**elbasosy** · 06-07-2013 12:24 PM

المشاركة الأصلية كتبت بواسطة nicegypt

ان شاء الله ناوي اعمل موضوع عن كيفية تركيب او تغيير سلك الدبرياج بنفسك للريجاتا العادة
وكيفية تزييت السلك وتخفيف حركتة عشان يبقى خفيف تحت رجلك زي المية .. وازاي ترفع الدبرياج وتوطية الخ
انا منتظر بس اصور بالنهار لان اغلب شغلي بالنهار وبالليل التصوير بيكون مش كويس ان شاء الله اصور بالنهار بس يارب الاقي حد مهتم بالموضوع بدل ما ابدء ع الفاضي :)

ياباشا الموضوع طبعا مهم .. وفى إنتظار مجهودك المشكور ..

**YMAA_NANA** · 07-07-2013 03:03 AM

السلام عليكم

**ahmed_moeaz** · 07-07-2013 11:01 AM

وعليكم السلام ورحمه الله وبركاته

**YMAA_NANA** · 07-07-2013 12:45 PM

السلام عليكم
انا لسة جايب عربية ريجاتا موديل 89 مكيفة
بس المشكلة لما بشغل التكييف عزم الماتور بيقل
ياترى فيه حل للموضوع ده

**ahmed_moeaz** · 07-07-2013 01:11 PM

بتحطلها بنزين ايه ( لازم 90 مع التكييف) والبيجوهات وكهربة العربية والكاربتير ظبت الحاجات دى كلها وبعد كده احكم على عزم العربية وعامة قيم العزم واداء العربية على اساس عمر العربية 24 سنة