الموضوع: رابطه محبي ومالكي الريجاتا

المشاركة الأصلية كتبت بواسطة mig44n

فى سؤال كده جه فى دماغى ...

ايه الفرق بين موتور التمبرا وموتور الريجاتا ؟؟؟؟؟
ليه موتور التمبرا ناعم قوى ؟؟؟؟ ولا ده عزل العربيه ؟؟؟؟
اعتقد عزل العربيه فى الريجاتا ميقلش عن التمبرا !!!!!

يعنى لو سقطت موتور تمبرا فى الريجاتا هيبقى ناعم برده وملوش صوت ؟؟؟؟؟

إسأل أ.هشام زكي في رابطة التمبرا
بيتهيألي هو اللي ممكن يفيدك .

ناوي اعمل موضوعين بمشيئة الله عن تعديلات فى الريجاتا ..
الموضوع الاول عن : عمل مساحة واحدة كالسيارات الحديثة للريجاتا معدن وليست فيبر .
الموضوع الثانى عن : تعديلات واضافات لكهرباء وتقوية اضواء الريجاتا .

مش عارف هل اعمل موضوع منفصل ولا اكتب هنا .. كل مرة بعمل موضوع منفصل
عموما هبدء برفع الصور وربنا يسهل طالما سهران النهاردة وطلبت سهر

عملت الموضوع بحمد وتوفيق من الله .
رابط الموضوع :
http://www.nilemotors.net/Nile/191340-a.html
صور :

-*-*-*-

هكمل باقى الموضوعات بمشيئة الله بأقرب فرصة ممكنة .

المشاركة الأصلية كتبت بواسطة nicegypt

انا مشفتش حوض تمبرا عن قرب بصراحة فمقدرش افتي .
لكن عموما من المعروف ان الريجاتا بتحتاج لعوازل وخصوصا عوازل الحوض
لو حالة الموتور سليمة وعملت عوازل للحوض والمقصورة مش هتسمع صوت نهائى
انا ركبت ريجاتا مع اكتر من واحد .. الماتور مسمعتش صوتة نهائى

علماَ ان الماتور صوتة بيعلي بعد ال 80 ودة العادى بتاعة بس باردو هيوصلك صوتة
طالما مفيش عوازل . ومفيش اي حاجة بتمنع الصوت بشكل 100 %
حتى اللانسر كانت معايا زيرووو وكنت بسمع صوتها ف الجري وزيرو يعنى لسة بخيرها بعوازلها

1- موضوع العوازل ده اكيد ليه دور كبير فى منع الصوت والحرارة طبعا وانا موافق معاك على الكلام ده خصوصا لو عملت عازل للكبوت من جوه وعازل للحوض وعازل جوه العربيه (العربيه فى عازل جوه الى هو لونه فضى وفيها عازل فى الحوض من ناحيه الموتور عامل زى القماش اعتقد ده الفبريكه بتاعها )

2- وفعلا لو الموتور مظبوط تاكيهات ومفهوش مشاكل او اصوات غريبه فعلا مش هتسمعله صوت انا شوفت كذا ريجاتا وهى ماشيه ملهاش صوت خاالص واعتقد برضه الفتيس بيطلع صوت وونه لو مش مظبوط ولا ده الطبيعى بتاعه ؟؟؟؟؟؟؟

3- انا عندى العكس الموتور مبسمعلوش صوت بعد ال 80 بكون على الخامس مثلا مبمعش صوت خالص

4- طبعا مفيش حاجه بتمنع الصوت 100 %

المشاركة الأصلية كتبت بواسطة mahmoodallam

إسأل أ.هشام زكي في رابطة التمبرا
بيتهيألي هو اللي ممكن يفيدك .

شكرا لحضرتك هشوف كده واسأله بس انا شكلى اقتنعت بموضوع العزل وحاله الموتور

المشاركة الأصلية كتبت بواسطة nicegypt

ناوي اعمل موضوعين بمشيئة الله عن تعديلات فى الريجاتا ..
الموضوع الاول عن : عمل مساحة واحدة كالسيارات الحديثة للريجاتا معدن وليست فيبر .
الموضوع الثانى عن : تعديلات واضافات لكهرباء وتقوية اضواء الريجاتا .

مش عارف هل اعمل موضوع منفصل ولا اكتب هنا .. كل مرة بعمل موضوع منفصل
عموما هبدء برفع الصور وربنا يسهل طالما سهران النهاردة وطلبت سهر

ربنا يعينك كده ياباشا وتملى الرابطه كلها تعديلات انا بحب التعديلات قوى ومن مناصرى التعديل ....

المشاركة الأصلية كتبت بواسطة alsharkawy

شكرا للاستاذ حسين(nice) على افكاره الرائعة و انا للاسف مش بشغل المساحة خالص لان عند تشغيلها لا اجد مياه وبتخربش الزجاج ومش عارف يمكن ماتور المياه تالف ونتمنى منك فكرة كدة لتحويل الكاربرتير الى انجكشن

ربنا يكرم حضرتك .. بالنسبة للمساحات فية موتور صغير هتلاقية فى "قربة المية " الموتور دة تأكد ان واصل لة كهربا
خلي الكهربائى يجربة بسلكة من برة زى منا عملت ولو لقيتة بايظ غيرة .. القربة بتيجي بالموتور بتاعها .. انا غيرت القربة
بالموتور . وسعرة رخيص تقريبا 30 ج صيني .. بس قبل دة كلة : اتأكد ان الرشاشات مش مــسدودة لانها سهل تتسد
تعرف ازاي ان الموتور محروق او لاء ؟ شغل المساحات وخلي حد يضغط على دراع المساحات علشان يرش مية
وانت خليك برة وحط ايدك ع الموتور بتاع القربة لو حسيت بزن او سمعت صوتة .. صوتة بيكون عالى يعنى مسموع على فكرة يبقى كدة الموتور شغال ومحتاج تحط مية للقربة لو فاضية وتغير الرشاشات او تجيب ابرة تفتح بيها الرشاشات
انا جبت رشاشات جديدة بعشرين ج .. وقربة بموتور .. وخراطيم " خرطوم المستخدم فى حوض السمك الزينة "
ومشترك بنص جنية باردو موجود عند بتوع اسماك الزينة علشان يقسم خرطوم المية اللى خارج من القربة للاتنين
علشان توصلهم بأتنين رشاش

المشاركة الأصلية كتبت بواسطة alsharkawy

العربية وهى باردة لما اشغلها بتغيب فى الدوارة وبعد لما تدور وهى واقفة بتبطل تانى رغم انى بزود بنزين الى ان اكرر الموضوع عدة مرات وتبدأ تسخن ومطبطلش.. وطبعا الموضوع دا بيضايقنى لانه بيعطلنى وكمان اكيد ممكن يأثر على المارش ...... . فما السبب؟؟ولسة جايب بطارية جديدة

حضرتك محتاج ميكانيكى يبص ع الكربراتير .. لان ممكن الكربراتير يكون محتاج زبط وغالباَ مسمار الهوا
بجانب ان ف الجو الساقعة بيكون الفتيس تقيل معاك الصبح صح ؟ حضرتك لما تدور تضغط الاول دبرياج وتفضل ضاغط
علية لحد ما تدور .. لان الجو ساقعة بيخلي الزيت عامل زى السمنة كدة بيمسك ف بعضة فتلاقى تروس الفتيس حملت
على الموتور ودة كلة حمل ع المرش " جرب كدة الدوارة بالطريقة دى وقولي " .. كان عندى العيب دة وحاولت فية كتير ودفعت فلوس كتير علشان احلة
حليتة بتغيير طرمبة البنزين + كربراتير استيراد + ضبط الكربراتير + زيت فتيس 90 خفيف.. وطبعا البوجيهات لازم متكونش مرطبة وغالبا بيكون عليها رطوبة من الساقعة وخلى بالك المارش مبيستحملش ضغط ودوارة كتير فلازم تخلي المارش ياخد
نفسة بعد كل محاولة .. انا غيرت ولله الحمد 3 مرشات استيراد ! كل مرة اكع 150ج وعدد موبينة بعدد شعر راسى لما زهقت وحفظت المارش من جوة وعندى مارش ف البيت كان راكب ف العربية فكيتة وقلبت فية
كان بيطير عندى للاسباب تانية خالص .. منها الكربراتير والدوارة .. وواحد زوق زوق ادانى توصيلة ف الطريق وصل الكابلات عكس غلط فطار .. فنصيحة خلي بالك من المارش وبلاش تحمل علية خلية يـتنفس بعد كل محاولة .
لو عايز تريح دماغك من موضوع ضغط الدبرياج حط زيت فتيس خفيف 90 ... بس خلي بالك لازم يكون حالة الفتيس ممتازة . تبقى تطمنا عملت اية