رابطه محبي ومالكي الريجاتا

**nicegypt** · 29-09-2013 02:35 AM

المشاركة الأصلية كتبت بواسطة سيف عماره

أخى الفاضل أ/ حسين ارجــومن الـلـه ان يــكــون عــدم وجــودكــ بالــسؤال او بالمشاراكــات فــى الــجروب كــمـا تــعــودنـا مـنـك دائـمـاّ يــكــون سـبـب الـغـيـاب خــيـراّ يـارب الــعــالــمين ويــاريــت تـطـمـنـا علـيـك فـى أقـرب وقـت مـمـكـن مـنتظرينك:u_thin1[1]:

سؤالك استاذ سيف هو وسام على صدري اعتز بة ..تعجز كلمات الشكر عن وصفي عند مشاهدتى مشاركتك فجزاك الله كل خير واشكرك على سؤالك.. متواجد مع حضراتكم بأذن الله وبقوم بمراجعة ما فاتنى من اسئلة

**nicegypt** · 29-09-2013 03:25 AM

المشاركة الأصلية كتبت بواسطة elbasosy

أ حسين .. الساده أصحاب الخبرات فى الرابطه العزيزه : دلوقتى لو حبيت أجدد صالون العربيه أرضيه وسقف وجوانب الباب مع وضع كسوه على كسوة الفابريقه ..ممكن تتكلف كام ؟؟ خايف بصراحه يضحك عليا لأنى سألت واحد سروجى طلب 500 جنيه ( بدون الكسوه ) فهل الرقم ده معقول .. ولو فيه حد متخصص أو مُجرب ياريت أعرفه يكون أحسن ..

لو كسوة فقط يبقى التكلفة هتبدء من 400 ج ل 800 حد اقصي
حسب الخامات اللى هتخترها والشغل اللى هتعملة
بالنسبة لسروجي كويس فية واحد اعرفة بس للاسف راجل كبير ف السن وبطيئ ف شغلة
جربت كذا واحد مرتحتش مع حد بصراحة .. لو انت صبور ومش مهم معاك الوقت قولي ابعت لك
بياناتة .. غير كدة يبقى بلاش منة

**nicegypt** · 29-09-2013 04:00 AM

المشاركة الأصلية كتبت بواسطة سيف عماره

أخواتى فى الله الحمد لله تم اليوم تغير طقم الدبرياج بالكامل والاسعار هى
ديسك 165
اسطوانه 115
بلية 40
سلك دبرياج 30
مصنعيه 120
زيت فتيس 52 الطقم كله ايطالى تمام بنصيحة الاخ أ/ حسين والحمد لله فرق كبــــيــــر جـــــداّ

مليون مبروك استاذ سيف والحمد لله على حل المشكلة
زيت بقى بالمرة السوستة بتاعة دواسة الدبرياج .. هتلاقيها اعلي دواسة الدبرياج من فوق
هات WD40 ورشها وحط حاجة تحتها عشان هتنقط زيت .. ربنا يرزقك خيرها ويكفيك شرها

**nicegypt** · 29-09-2013 04:02 AM

المشاركة الأصلية كتبت بواسطة yoyokamal

بمساعدة الاستاذ نايس ايجبت تم اصلاح العطل بتغيير الاتى
ابلاتين وكوندسر +طقم بوجيهات يابانى
بالاضافه تغيير مسامير الهواء والبنزين فى الكاربراتير
بس المشكله العربيه لسه بتقطع على خفيف خالص ولما سألت الميكانيكى قاللى ده عيب بنزين والمشكله دى حتروح مع تغيير البنزين

مبروك استاذ بدر على اصلاح المشكلة ..

**omarcom** · 29-09-2013 10:47 AM

المشاركة الأصلية كتبت بواسطة بدر الجندى

اخى الفاضل انا رفعت الصور وهذة الصورة اللى انا اقصدها غلاف المرايا الخارجى الشمس اكلتها وشوف حضرتك سيحت عليها شمع لكى ارممها مؤقت ودا واضح فى الصورة واليك الصورة اللى فيها المشكلة

واليك صورة المرايا من الامام ودى مافيها اى مشكلة

اخي الفاضل : انت هتشيل المراية القديمة دي خالص .. مش هنحتاج منها حاجة ..ا ول ما تشيلها من مكانها هيفضلك العمود وفي أخره بلية وعليها بلاستيكية صغيرة .. هيا اللي هتركب عليها المراية الجديدة بمسمارين .. في الصورة هتلاقي فيه حته بلاستيك صغيرة تحت المراية ..
شيل المراية خالص من العمود وشوف هيفضل ايه في العمود .. ولو ينفع تصورها تاني يبقى كويس

**بدر الجندى** · 29-09-2013 11:29 AM

المشاركة الأصلية كتبت بواسطة omarcom

اخي الفاضل : انت هتشيل المراية القديمة دي خالص .. مش هنحتاج منها حاجة ..ا ول ما تشيلها من مكانها هيفضلك العمود وفي أخره بلية وعليها بلاستيكية صغيرة .. هيا اللي هتركب عليها المراية الجديدة بمسمارين .. في الصورة هتلاقي فيه حته بلاستيك صغيرة تحت المراية ..
شيل المراية خالص من العمود وشوف هيفضل ايه في العمود .. ولو ينفع تصورها تاني يبقى كويس

شكرا لحضرتك على الرد وانا حشيل المرايا خالص واصور لك العامود باللى فيه وشكرا لك مرة تانية على فكرة امبارح رحت عند واح بتاع اكسسوار اسالو عن المرايا قال هذة المرايا متبرشمة (صب) بالعامود ولا يمكن تغيرها الا بالمبة الصالون يعنى الططقم كلة

**سيف عماره** · 29-09-2013 05:43 PM

المشاركة الأصلية كتبت بواسطة nicegypt

مليون مبروك استاذ سيف والحمد لله على حل المشكلة
زيت بقى بالمرة السوستة بتاعة دواسة الدبرياج .. هتلاقيها اعلي دواسة الدبرياج من فوق
هات wd40 ورشها وحط حاجة تحتها عشان هتنقط زيت .. ربنا يرزقك خيرها ويكفيك شرها :m_yes[1]:

اسف أ/ حسين بس معناها ايه
wd40
اصل بصراحه اول مره اسمع الكلمه دى

**nicegypt** · 29-09-2013 06:57 PM

المشاركة الأصلية كتبت بواسطة سيف عماره

اسف أ/ حسين بس معناها ايه
wd40
اصل بصراحه اول مره اسمع الكلمه دى

هتلاقيها عند اي موان

**بدر الجندى** · 29-09-2013 11:03 PM

[QUOTE=nicegypt;3875205495]حضرتك ممكن تغلفها من الخلف بأي استيكر اسود موجود ف التوفيقية او لدي اكسسوارات السيارات[/QUOTE
اوك اخى الفاضل دا احسن حل عندنا فى البلد محل بيغلف فامية اعكهالو يعملها شكرا لك على المعلومة
وجزاك الله خير الجزاء

**elbasosy** · 30-09-2013 11:24 AM

المشاركة الأصلية كتبت بواسطة nicegypt

لو كسوة فقط يبقى التكلفة هتبدء من 400 ج ل 800 حد اقصي
حسب الخامات اللى هتخترها والشغل اللى هتعملة
بالنسبة لسروجي كويس فية واحد اعرفة بس للاسف راجل كبير ف السن وبطيئ ف شغلة
جربت كذا واحد مرتحتش مع حد بصراحة .. لو انت صبور ومش مهم معاك الوقت قولي ابعت لك
بياناتة .. غير كدة يبقى بلاش منة

أ / حسين حبيب الملايين ومُنقذنا .. حمد الله ع السلامه وماتتأخرش علينا لأننا فعلا بنفتقدك .. يارب دايما تكون بخير .. بالنسبه للسروجى اللى إنتا عارفه مش مشكله يكون بطيئ المهم يعمل الشغل مظبوط .. أستأذنك فى بياناته ولك جزيل الشكر ..

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة