رابطه محبي ومالكي الريجاتا

**omarcom** · 12-09-2013 11:43 AM

المشاركة الأصلية كتبت بواسطة alomda1974

الأخ العزيز omarcom راجع هذا الموضوع للمهندس المحترم nicegypt لعل فيه الفائدة لك
http://www.nilemotors.net/nile/329475-a.html

الاخوة الافاضل الحمد لله تم حل مشكلة امبير البنزين اللي ما بينزلشي مع الاستهلاك .. روحت لميكانيكي عشان يبصلي على تنك البنزين .. قالي قبل ما افك التنك روح لكهربائي معين (وصفلي مكانه) روحت للكهربائي اول ما فك العوامة مده ايده جوه التنك من داخل السيارة .. قالي بص فيه صاجة جوه التنك مع المطبات او مع اي خطبة اتحركت طلعت من مكانها .. اول ما تركب العوامة الصاجة دي بتصدر في الدراع بتخليه لا بيتحرك لا فوق ولا تحت .. على اول ما تركب العوامة يفضل ثابت على نفس المقاس .. وراح بالمنفلة ضاغط على الصاجة عشان يدخلها مكانها .. وقالي امشي بيها دلوقتي كده .. ولو اتحركت وطلعت تاني لازم الميكانيكي يفك التنك كله وينزله على الارض ويحاول يثبت الصاجة دي كويس عشان ما تتحركشي تاني .. طبعا كنت عاوز ارجع للكهربائي الاولاني اللي بتعامل معاه عشان اديله شبشبين على دماغه .. لأنه فعلا كل مره بيثبتلي انه حمار وما بيفهمشي .. بصراحة فيه صنايعي ممكن يريحك في شغله قوي ويوفر عليك الكثير والكثير .. وفيه حمار تاني ممكن يخليك تعمل الشغلانة بدل مره تعملها عشرة ..
من باب الإفادة انا اشتريت في الاول عوامة يوغوسلافي من عند محمد يوسف في العشرين بفيصل .. بـ ٧٠ جنيه .. ولما رجعتها واخدت الاصلية اعلى حاجة ادهالي بـ ١٠٠ جنيه واظن انها كانت اخر واحدة عنده مش عارف اذا كان جاب تاني ولا لأ ..

**omarcom** · 12-09-2013 11:50 AM

استفسار يا ريت حد يفيدنا ..
عندي القربة في العربية اتخرمت خرم صغير خالص من الجانب اللي فوق القربة ..
انا لحمته بلحام مادتين (بس كانوا صيني) وبعد كام يوم اللحام طار .. بفكر الحمه بلحام مادتين (بس نوع ماليزي كويس) وكنت شفت فيديو للحام بلاستيك بس بيسخنوا مكان اللحام الاول بكاوية وبعدين بينزلوا اللحام عليها .. هل ده ممكن مع القربة ولا لأ ..
طبعا انا عارف ان الافضل اني اجيب قربة جديدة وده هيحصل ان شاء الله بس بصراحة عندي حاجات ضرورية دلوقتي في العربية لازم اعملها هيا الاول .. يعني مؤقتا اللحام

**بدر الجندى** · 16-09-2013 10:51 AM

انا عندى ريجاتا فيات موديل 86 وطبعا مكتوب فى الرخصة انها 1500 سى سى اذاى اعرف المتور اللى راكب عندى 1500 او 1300 سى سى او اه العلامات التى تميز هذا عن ذاك ملحوظة يمكن تكون فيها فائدة انا عندى وش السلندر موجود به 4 مسمار عشرة عند البوجهات ياريت حد يدلنى ولكم الشكر

**وليد الشامى** · 16-09-2013 03:50 PM

السلام عليكم ورحمه الله وبركاته
مشكلة كبيرة
يا جماعة العربية عندى بتسخن قوى
كانت المشكلة انها وصلت 130 ومحسناش بيها الا لما بطلت وبعد ما بردت دورنها دارت وادنها مياه
وغيرنالها طبة الترموستات اشتغلت بس لما بتقف بعد مشوار حتى ولو فى زحمه المياه بتخرج من خرطوم الفايظ والمياه بتختفى اطرد الهواء مفيش فايدة
لحد ما ودتها لميكانيكى قالى انا شيكت على كل حاجة طرمبة المياه والخراطيم والقربة وغطى القربة كله سليم
فقالى الريداتير عايز يتغير
ما الرأى ارجوكم بسرعة
علشان اخد قرار
ولكم جزيل الشكر والعرفان

**elbasosy** · 16-09-2013 04:35 PM

المشاركة الأصلية كتبت بواسطة وليد الشامى

السلام عليكم ورحمه الله وبركاته
مشكلة كبيرة
يا جماعة العربية عندى بتسخن قوى
كانت المشكلة انها وصلت 130 ومحسناش بيها الا لما بطلت وبعد ما بردت دورنها دارت وادنها مياه
وغيرنالها طبة الترموستات اشتغلت بس لما بتقف بعد مشوار حتى ولو فى زحمه المياه بتخرج من خرطوم الفايظ والمياه بتختفى اطرد الهواء مفيش فايدة
لحد ما ودتها لميكانيكى قالى انا شيكت على كل حاجة طرمبة المياه والخراطيم والقربة وغطى القربة كله سليم
فقالى الريداتير عايز يتغير
ما الرأى ارجوكم بسرعة
علشان اخد قرار
ولكم جزيل الشكر والعرفان

ياباشا أنتا روحت للميكانيكى غلط .. الموضوع ده بتاع تخصص ريداتير وماأكترهم .. هايجيبلك من الأخر ولو الريداتير محتاج يتلحم هايقوم معاك بالواجب .. إذا مش عارف حد كويس عندى واحد فى أحمد ذكى أنا بثق فيه .. وربنا يوفقك ..

**وليد الشامى** · 17-09-2013 01:22 PM

المشاركة الأصلية كتبت بواسطة elbasosy

ياباشا أنتا روحت للميكانيكى غلط .. الموضوع ده بتاع تخصص ريداتير وماأكترهم .. هايجيبلك من الأخر ولو الريداتير محتاج يتلحم هايقوم معاك بالواجب .. إذا مش عارف حد كويس عندى واحد فى أحمد ذكى أنا بثق فيه .. وربنا يوفقك ..

متشكرين يا باشا
بس الموضوع طلع حاجة تانيه خالص
انا قبل ما سافر غيرت علبة الشكمان بواحدة استيراد
وطلعت هى السبب.................
رحت امبارح مغيرها بواحدة جديدة
الحرارة رجعت طبيعيا
والحمد لله:018a1d~146:

**nicegypt** · 17-09-2013 04:53 PM

المشاركة الأصلية كتبت بواسطة medo2181981

يا جماعة لو حد عارف تكلفة بوهية العربية تكلف كام كلها
ياريت يفدنى

التكلفة حسب الصنايعي والخامات .. لكن متوسط سعر 1500 ج للعربية كلها فلة وحلو جداّ كمان

**nicegypt** · 17-09-2013 05:01 PM

المشاركة الأصلية كتبت بواسطة ahwanoso

السلام عليكم
النهارده غيرت الخزن الخلفية والتيل الامامى والخلفى
ومع ذلك الفرامل ضعيفه جدا
معدش حاجه باقيه تتغير غير الماستر والسيرفو
الدواسة بتاعة الفرامل عاليه وناشفه "مش محجره"
الفرامل يدوب بتهدى
اعمل ايه

انا مش فهم جزئية " ناشفة ومش محجرة " ؟؟ لو محجرة معاك يبقى سيرفو ولازم تبقى ضعيفة
موضوع الفرامل دة قصة طويلة ابحث ف المنتدي هتلاقينى شرحها بالتفصيل
هقولك حل المشكلة بأختصار :
اولا . لازم تشيل الضفدعة اللى بتغذي للمساتر الخلفية
ثانيا : لازم تتأكد من حالة التيل + الطنابير والديسكات حالتهم اية ؟
ثالثا : اخبار المستر العمومي اية ؟ فية نقص زيت ؟ هل لما بتضغط فرامل مرة واحدة الكاوتش بيمسك بس العربية بتتزحلق معاك ؟ شد فرامل يد واطلع بالعربية هل الطلعة ضعيفة ولا عادية ؟؟

رابعا : دور على متخصص فرامل " مش ميكانيكي " بتاع فرامل وسيرفو وخلية يشيك لك على دورة الفرامل كلها وعلى كاوتش الماستر لكل عجلة " مهم جداّ جداّ " لان الكاوتش دة بينشف مع الوقت ومحدش بيهتم بية
خامسا : عمرة الفرامل كلها بتاعة العربية بتتكلف كمتوسط سعر 300 ج حاول تعمل عمرة فرامل وريح دماغك
وشوف اية الاجزاء السليمة عندك ..

**nicegypt** · 17-09-2013 05:09 PM

المشاركة الأصلية كتبت بواسطة abu zizo

م/ حسين
بخصوص تسقيط ماتور ينفع اسقط ماتور احدث من غير اى تعديلات؟

موتور التيمبرا الكربراتير فقط لا يحتاج تعديل " حسب معلوماتي بدون تجربة "
اي حاجة تانية لاء لازم تعديل
يفضل تخليك ف موتورها 1500 لو هتسقط دة افضل موتور قطع غيار موجودة ورخيصة
بتعطيك باور هورس 80 على ار بي ام 5500 rpm

**nicegypt** · 17-09-2013 05:59 PM

المشاركة الأصلية كتبت بواسطة بدر الجندى

انا عندى ريجاتا فيات موديل 86 وطبعا مكتوب فى الرخصة انها 1500 سى سى اذاى اعرف المتور اللى راكب عندى 1500 او 1300 سى سى او اه العلامات التى تميز هذا عن ذاك ملحوظة يمكن تكون فيها فائدة انا عندى وش السلندر موجود به 4 مسمار عشرة عند البوجهات ياريت حد يدلنى ولكم الشكر

بالنسبة لمعرفة المكنة ال 1300 من ال 1500 الاتنين تقريبا نفس الشكل ماعدا غطا الزيت

واللى بعض الناس بيغيرو مع الوقت بنفس غطا الـ 1500 .. عشان تعرف الفرق بين كل مكنة بص على الكود ف جانب المكنة . هتلاقي الكود التالى : 138B2.xxx
الـ x دة ارقام اخري بتتغير مع اي عربية .. اسمح لي اكتب لحضرتك بيانات شبة كاملة للعربية والموتور للافادة " بيانات اضافية " علما ان البيانات دي حسب علمى انها مش موجودة على النت لذا احتفظ بيها على جهازك لو مهتم بتسقيط او تغيير المكنة

الريجاتا الـ 70 سي :
موديلات بتبدء من 1983- 90 .. موتور 1300 سي سي SOHC كامة واحدة - كود الموتور : 138B2.xxx
التسارع من صفر لـ 100 فى : 14 ثانية " حسب الكتالوج "
اقصى سرعة للمكنة : 150 ك
قورة المحرك : 48 KW على @ 5600 RPM
البطارية حسب الكتالوج : 12/44 V يعنى 44 امبير

ريجاتا 85 اس :
موتور 1498 سي سيSOHC كامة واحدة - كود الموتور : 138 B3.xxx و 138B4. ف النوفا
التسارع من صفر لـ 100 فى : 10 ثوان " حسب الكتالوج "
اقصى سرعة للمكنة : 170 ك
قورة المحرك : 58 KW على @ 5600 RPM
58 kW (79 PS) @ 5500 rpm
البطارية حسب الكتالوج : 12/44 V يعنى 44 امبير
الدينمو حسب الكتالوج : 55 امبير على 5300 ار بي ام
خرج الدينمو بالفولت على السلانسية بدون تشغيل اي حاجة سوا الموتور : 14 فولت
ضغط الزيت داخل المكنة : من 3.4 بار لـ 4.9 بار
ضغط المية داخل الريداتير : 0.99 بار وغطا الريداتير لازم ميزدتش عن 1.2 بار
رقم البارت نمبر لسير الكاتينة : 4242396
ضغط الكاوتش الموصي بة : 30 قدام - 28 ورا " حسب الكتالوج "

ريجاتا 100 اس :
موتور 1,995 سي سيDOHC انجيكشن توين كام - كود الموتور : 149A
فية منها بينزل بموتور 1600 النسخ القديمة ف اوروبا
التسارع من صفر لـ 100 : مش عارف :)
اقصى سرعة للمكنة : 195 ك
قورة المحرك : 82 KW على @ 5000 ار بي ام - 163 N