الموضوع: رابطه محبي ومالكي الريجاتا

المشاركة الأصلية كتبت بواسطة wsmmdr

سلامي للأعضاء عندي العربية في الزحمة اوفي اشارة طويله ممكن تبطل في الطلعة وادور مرتين ثلاثه علي ما تدور او استني شويه دقيقه او اثنين وابدا ادور تدور ولو ماشي في الطوالي مات بتبطلشي ارجو اعرف ده عيب في ايه بالضبط

سبحان الله انا عندى نفس العيب وهذا العيب حيرنى عند الصنايعية واحد قال عيب مرش اشتريت مرش استراد واحد تانى قال غير لها كل حاجات الكهرباء من كندنسر وابلاتين واسبراتير وبيوهات وموبينة التكرير وكل هذا غيرتو والعيب مازال قائم لما تعبت رضيت بالامر الواقع بس بصراحة بتكثف الواحد والمهم بتيجى فى الاشارة او المناطق الزحمة وتبطل وكل الناس يعطو لى كلاسك ويصرخو انزل ازق العربية واركن لما تبرد وبعدها تدور وللان لم اعرف السبب اظاهر فيرس فى الريجاتا ههههههههه
يارت حد يدلنا على هذا العيب المحرج هذا

عندى ريجاتا فيات 1500 سى سى موديل 86 لها ثلاث مفاتيح خاصين بالتكيف فوق موضع الكاست ياريت حد يشرح لى عمل هذة المفاتيح كما يوجد عداد على يسارى وللاسف عطلان ياريت حد يعرفنى مااختصاص هذا العداد
وياريت حد يقولى ماهو نوع الفريون المستخدم فى شحن التكيف بتعها
وشكرا لكم

المشاركة الأصلية كتبت بواسطة بدر الجندى

عندى ريجاتا فيات 1500 سى سى موديل 86 لها ثلاث مفاتيح خاصين بالتكيف فوق موضع الكاست ياريت حد يشرح لى عمل هذة المفاتيح كما يوجد عداد على يسارى وللاسف عطلان ياريت حد يعرفنى مااختصاص هذا العداد
وياريت حد يقولى ماهو نوع الفريون المستخدم فى شحن التكيف بتعها
وشكرا لكم

صورهم بالموبايل علشان نقدر نفيدك

المشاركة الأصلية كتبت بواسطة nicegypt

لو مهتم بنضافة مكان البطارية من الاملاح ومية النار يبقى جافة
لو مش عايز صيانة كتير ولا تزويد " لا تحتاج لصيانة " تبقى جافة
السائلة عكس الكلام دة لو غاوي صيانة .. عن نفسي بفضل الجافة وركبت 2 جافة من ساعة مجبت العربية لوقتنا هذا . افضل الانواع فارتا - اي سي ديلكو .. لو عايز ارخص شوية يبقى هات الكوري

لو بتركن عربيتك كتير هيبقى ف الحالتين هتبوظ مع الوقت وهتفقد شحنتها سواء جافة او سائلة
لو هتسافر وتركن العربية ركب البطارية عند حد تعرفة ف عربيتة يمشى بيها .. يأما اركنها ف البيت وخلي
حد يشحنها كل شهر مرة .. او يشحنها مرة ويفرغ شحنتها على اي حاجة ويشحنها تاني مرة ف الشهر
ممكن تستخدم الشواحن المنزلية او تركبها ف عربية حد ودة اسلم حل وارخص وتفيد الغير
اهم حاجة خلي كهربائى يبص لك على الدينمو ويقولك الشحن بتاعة كام .. والامبير بتاعة كام
لو الدينمو عندك 45 امبير يبقى هات بطارية 50 مش 70 عشان تشحن معاك بسرعة وتقوم لك المارش
خصوصا انك بتركن العربية كتير بدون استخدام

الف مليون شكر ليك أ/حسين بس ده اللى متعودين عليه منك الاهتمام بالاصدقاء ومبادرة النصيحة
حقيقي ربنا يبارك ليك

السلام عليكم ورحمة الله وبركاته على اعضاء الجـــــــــروب
انا عندى مشكلة ومش عارف اعمل فيها اية ياريت حد يلاقى ليها حل المشكلة فى الفرامل الامامية كل فترة الاقى العربيه بتتقل فى السحب جــــــدأولما سقلت على السبب عرفت ان مستر الفرامل مسك ولم يتم رجعوة لحركتة الطبيعية رحت للميكانيكى حل العجله اليمين امام اللى فيها المشكلة وفتح المستر ونضفه وحط عليه زيت وبعد كده خد منه الهواء المهم العربية رجت تمام من اسبوع العجله الشمال امام عملت نفس المشكله ورحت للميكانيكى وعمل نفس اللى عمله قبل كده النهارده رجعت وعملت تانى
طيب ده معناه اية الحل ممكن الماساتر دى عايزته تتغير ولو عايز اغير فرامل العربية كلها تتكلف حوالى كام ياريت اللى عنده اجابه تنقزنى من فتى الصنيعيه يعرفنى ولكــــــــــــــــم جـــــــــــــــــزيل الشكـــــــــر

المشاركة الأصلية كتبت بواسطة Ahmed_Ramadan

صورهم بالموبايل علشان نقدر نفيدك

اخى الفاضل قمت بتصوير الثلاث مفاتيح الموجودين بالتابلوة ياريت تقول لى على اختصاصهم
ورفعت صورة ثانية لقطعة موجودة عند مواسير التكيف عند الماتور ياريت حد يقول لى اه عملها
ولكم الشكر واليكم الصور