معلش يا جماعة لازم ارد
اولا سيراتو ايه اللى سعرها مبالغ فى دا؟؟؟
ازاى حد اساسا يقول دا سعرها عالى؟ اللى بيقول ان سعرها غالى دا مبيفهمش فى العربيات اساسا , لانها معادلة , يعنى كيا مش عارفين يحطوا فيها خامات زى ال s-class ؟؟ اكيد عارفين بس الفكرة هيبيعوها بكام لما يحطوا فيها الخامات دى فى التابلوه كله بتمنه فى المقابل حطوا فيها Smart key - sun roof - parking sensors - ac touch و مليون حاجة تانية كلنا عارفينهم , يا ترى الكلام دا ببلاش؟؟
لأ طبعا علشان كدا قلل من جودة حاجات داخلية مش مهمة علشان يعوض فرق تمن
بعدين السيراتو واخدة 4 نجوم فى اختبار امان الكامرى واخدة فيه 4 نجوم مش هقول المازدا 3 و السيفيك و كدا , بقول الكامرى , يعنى اسف اللى بيقول الصاج ورق , طيب ازاى بتحمى الراكب فى الصدمة الجانبية؟؟ بتلفه بالورق دا؟؟ اكيد الصاج هو اللى بيحمى الراكب و طالما محدش فينا خبير حديد يبقى محدش فينا يتكلم فى حاجة منفهمش فيها و نروح نضغط على الصاج و الكلام دا , لو مكنش اتعملها اختبار امان مكنش مفروض نتكلم انما دى اتعملها اختبار و الصاج طلع كويس اوى (من الاختبار ) مش من كلام من عندنا , سيبك ان مفيهاش airbags فى الجنب , صحيح كدا معدلات الامان دى متنطبقش على مصر انما الصاج هو هو.
بعدين التوكيل بيديك 5 سنين ضمان , يعنى مفروض المدة اللى متوسط عمر اى عربية طبيعية التوكيل بيضمنها طول الفترة دى , الواحد عايز اكتر من كدا ايه؟؟ 5 سنين بحالهم ضمان و طبعا العربية معمرة اكتر من كدا بكتير , ازا كانت اللانسو معمرة جدا عربية زى دى مش هتبقى معمرة؟؟.
على فكرة انا لا عندى العربية و لا عايز اشتريها و لا عمرى هشتريها , بس لو كنت نازل اشترى عربية ب 126 الف هشتريها منغير تفكير اساسا لانها مناسبة فى كل حاجة , شكل التابلوه جميل جدا حتى لو خاماته مش قد كدا, فيها Abs و دا من اهم الحاجات عندى , 2 airbags , مركة مضمونة (رابع اكبر مصنع فى العالم) و توكيل ممتاز و ضمان 5 سنين , موتور قوى و فيها options مش موجودة فى عربيات ب 200 الف و اكتر.
بعدين يعنى شركة كيا عبيطة منزلة عربية سنتين تلاتة و تبوظ مثلا؟؟
معندهاش مهندسين و خبراء جربوا العربية و قيموها و قارنوا مميزاتها بعيوبها و الكلام دا و عملوا معادلة ناجحة خلت عليها حجوزات لمدة على الاقل 4 شهور و اكتر؟؟
طيب سؤال لو كانوا نزلوا خامات s-class فيها ( من حيث الجودة ) و نزلوها ب 150 الف نفس العربية اللى ب 126 بنفس الoptions بنفس كل حاجة فرق الخامات دى كنت اشتريتها؟؟ كنت هتقول توكيل كيا اتجنن و عمرك ما كنت هتفكر تشتريها
ناس كتير هنا فى مصر عندها عقدة من الكورى , حد يا جماعة اتكلم على صاج اللانسر الشارك و لا اللانسر العادية؟؟ انا شايف باللمس (لو كان اللمس هو المقياس ) انه اسوأ 1000 مرة من السيراتو , والدتى و هى بتركن ريحت بجد و الله على عربية لانسر شارك (مش ريحت يعنى خبطت ) لأ و الله ترييح يعنى العربية لمست اكصدام الشارك , الاكصدام اتطبق طبعا نادت البواب و جابت رقم صاحب العربية قالها العربية انا لسه مصلحها فى التوكيل نفس الموضوع و اتكلفت كذا, و بعدين اساسا اللانسر معروفة بالنقرة اللى فى جنب الاكصدام الخلفى , اى لمسة تلقيه دخل جوه؟ حد فتح بقه مع انها ب 155 الف؟؟ لأ طبعا علشان اللانسر دى زى العسل يابانى مش هيرجع تانى!!!!!!!
سوء سمعة الكورى فى مصر و بكرر تانى سببها غبور و اللى زيه اللى بيجمعوا العربيات فى مصر و بيغشوا فى حاجات , حتى العربيات المستوردة زى الالنترا بيركبولها حاجات فى مصر زى الانذار و الكاسيت اللى تاعبين الناس , طيب اساسا الانترا اغلى
من اللانسر الشارك فى امريكا , لأ و ايه الالنترا بتبيع فى امريكا اكتر من 3 اضعاف مبيعات مركة ميتسوبيشى كلها فى امريكا!!!!!!
هيونداى بايعة 21673 النترا فى اغسطس 2009 فى امريكا و ميتسوبيى كلها بكل الموديلات بايعة 6,813 عربية بسسسس!!!
ازاى الالنترا ب 92 الف فى مصر و اللانسر تبدا من 115؟؟
علشان التوكيل بتاع اليابانى مش هيرجع تانى و علشان غبور منفض الالنترا من جوه خالص علشان الناس عايزة كدا
فى واحد هنا فى نايل موتورز شارى النترا ب 140 الف من كوريا , لو غبور نزل الالنترا ب140 الف كانت الناس حاكموه فى محاكمة علنية فى الشارع , يعنى هو ميقدرش ينزلها ؟؟ يقدر بس و الله الناس مش هترحمه!!!
طيب نبص على الالنترا و لا السيراتو فرق بينهم و بين الكورولا كام فى امريكا
بين سعر الinvoice بين الالنترا و الكورولا 600$ يعنى 3300 جنيه !!! دى اول فئة و دى اول فئة , و بين السيراتو و الكورولا 922 دولار
يعنى حوالى 5000 جنيه !!!
اعتقد مفيش بعد كدا كلام ا جماعة العربيتين نفس الفئة و تقريبا نفس السعر , فرق السعر الكبير هنا دا يسال عنه التوكيلات و خصوصا اللى هنا فى مصر جنوب افريقى مش يابانى يعنى مفروض ارخص.
بدليل بيعهم للكورولا المانيوال ب 135 الف الكاملة خالص 2009 ليه ؟؟ علشان يبيع و يخلص و ينزل 2010 !! فى توكيل فى مصر بينزل 15 الف مرة واحدة؟؟؟ محصلتش و مش هتحصل خصوصا ان العربية بتبيع معنى كدا انه مبالغ فى ربحه.
2009 ب 135 , نفس العربية 2010 ب 150 الف!!!!!!
علشان نخلص من المواضيع دى
السيراتو عربية ممتازة و سعرها قليل عليها , مفروض يغلوها كمان 10-15 الف علشان الناس متتكلمش , يظهر اى عربية سعرها يبقى معقول الايام دى مبتعجبش ناس , لو نزلوها ب 150 الناس هتتبسط و هتقول الصاج بيطبق علشان تكنولوجيا جديدة بيخليها مططاطة و هيقولوا الخامات ممتازة بس شكلها كدا علشان الحسد!!!
حاجة اخيرة المازدا 3 الجديدة سونستا نزلها ب 155 الف الفاضية اول فئة , كلمتهم سالتهم ليه يعنى مازدة ايه دى اللى ب 155 الف قالى انت مالك انت ,قولتله ابقى قابلنى لو بعت حاجة قالى انت هتعلمنا نبيع ازاى و قالى حاجة مش فاكرها و قفل السكة فى وشى !!
عربية كانت بتتباع ب 115 الف غيروا شكلها بسس و زودوها 40 الف علشان يابانى مش هيرجع تانى.
مش هى بس كل العربيات اليابانى اللى مش هترجع تانى سعرها (ماعدا الياريس) منزلش بعد ما الين نزل النزلة الجامدة اللى فاتت , توكيل ميتسوبيشى لحد انهردة عنده موديل 2008 شارك و 2007 كولت (مش عارف اتباعت و لا لسه لحد قريب كانت موجودة)
المازدا 3 الشكل القديم الaero كانت بتتباع ب 132 و وصلت 128 فى اعلان سمير ريان بدون ضمان يعنى تقريبا نفس سعر السيراتو دلوقتى معنى كدا انها عربية وحشة؟؟؟ و بعدين فجاة قاموا زودوها 10 الاف جنيه علشان يابانى مش هترجع تانى و الجديدة طبعا مش هتتباع اساسا بنفس سعر الجيتا (ماعدا اول دفعة دفعة التميز اللى هى ناس عايزة تبقى الوحيدة اللى معاها العربية و اول ناس تجيبها و كدا).
ارجوكو يا جماعة بلاش كلام مستفز زى خدعة كبيرة و الكلام دا
الشركات دى عارفة بتنزل العربية بكام و شايلة ايه مقابل ايه و على فكرة انا كنت كتبت قبل كدا ان العربيات الكورى فى الخامات اقل سنة من مثيلتها اليابانى علشان يبقى سعرها اقل سنة من العربيات اليابانى علشان يعرفوا يبيعوا للناس اللى بتقول يابانى مش هيرجع تانى .
و فى رايى السياسة دى ناجحة جدا و لما العربيات تطلع معمرة و يبقى الفرق خامات داخلية بس و كماليات اعلى هتكتسح , السوق العالمى فى مليون مركة ليها جودة عالية و كتييير يابانى زى النيسان و الهوندا و التيوتا و كل شركة ليها معادلة النجاح بتاعتها , يبقى دا ذكاء منها علشان تعرف تبيع اكتر من التانيين و بعدين كام واحد هنا شايفين ان المعادلة فاشلة و العربية سيئة ؟؟ مقابل كام الف واحد اشتروا و حجزوا العربية و خلوها ترطرط فى كل شارع , جرب تنزل تشترى حاجة من الsuper market اللى جنبك و لا روح امشى شوية لاخر الشارع بتاعك و بغض النظر انت ساكن فى اى منطقة عد عدد السيراتو اللى هتشوفها فى الشارع , بلاش عدى جنب اى معرض عربيات شوف كدا صغير كبير , لو فى عربية واحدة هتلاقيها السيراتو مش اللانسر و لا السيفيك و لا الكورولا و لا غبره
يبقى معدلتهم ناجحة و لا لأ؟؟
المفضلات