الموضوع: ثاني حادثة بالنيو اكسنت (قدر الله وماشاء فعل) برده

الف سلامه يا رنا وياريتك تدبحى لانى موضوع الصدقه شئ انما نية الدبح او مش عارف اسمها بالظبط شئ اخر يعنى مش تدخلى ديه فى ديه صدقة المال شئ وشنط رمضان شئ وتوالدبح شئ ادى اخرة اللى يوفر

المشاركة الأصلية كتبت بواسطة ma7oo

ان شاء الله بسيطة وهتصلح وترجع احسن من الاول عادى كلنا ياما اتخبطنا عادى بس ابقى شغلى قران فيها شوية

والله كنت بشغل فيها قرآن وادعية الشيخ الشعرواي كل يوم الصبح بس نعمل ايه بقي النصيب

المشاركة الأصلية كتبت بواسطة amrdat

فداكي العربية مادام انتي بخير ونصيحة ليكى ماتقوليش وانتي بتسوقي حايخد بالة حايبص شايفنى اعتبري ان كل الي بيسوقوا (مع احترامي للجميع) مش وخدين بالهم مش شيفينك واهم حاجة اكلاكس.
اسف للاطالة وربنا يجعالها اخر خبطة

متشكرة اوي والله لمشاعركوا دي ياجماعة
الحمد لله العربية اتصلحت واستلمتها من التوكيل على خير وفي انتظار شيك التأمين حالياً (ادعولي استلمه قريب بقي)
وعلى فكرة انا فعلا بقيت اسوق كده زي ماحضرتك بتقول ودايما متوقعة خطأ الغير حتى لو الغير ده يبان انه سواق بريمو بس برده تحسباً لأي خطأ بقيت احط في دماغي ان الناس كلها مبتعرفش تسوق واحاول اسوق على الأساس ده.
وبقيت كل شوية ادي كلاكس في اي تقاطع او وانا داخلة شارع جانبي او وانا بعدي حد او حتى لو شارع مستقيم واتجاه واحد فقط برده بدي كلاكس تحسباً لأي حد بيطلع من ركنة فجأة مثلا ومش داريان ان فيه حد جاي (وحصلت كتير على فكرة ) او حد جاي من اي شارع جانبي برده.
وايدي بقت على طول على الكلاكس لدرجة اني بقيت عاملة زي سواقين الميكروباصات اللي دايما يدوا كلاكسات بداعي وبدون داعي برده.
بس مش مشكلة اينعم الكلاكس ده شئ مستفز بس احسن من الحوادث والتكسير والعطلة اللي حصلتلي دي.

المشاركة الأصلية كتبت بواسطة ahmed643

ربنا معاكى ويحميكى من شر الطريق

قدر الله وماشاء فعل

شكرا ياجماعة والله على كل المشاعر الطيبة دي وربنا يخليكوا ليا دايما وبجد مواساتكم ليا دي عندي كبيرة اوي وفرقت معايا كتير وبجد حسيت اني هنا في وسط اخواتي بأمانة .