الموضوع: ثاني حادثة بالنيو اكسنت (قدر الله وماشاء فعل) برده

لا حول ولا قوة الا بالله انا لله وانا اليه راجعون بسم الله الرحمن الرحيم (والذين اذا اصابتهم مصيبة قالوا انا لله وانا اليه راجعون )صدق الله العظيم ربنا يعوض عليكى ويديكى احسن منها الف مرة الحمد لله انها جت على قد كده ومحصلكيش حاجة ده ابتلاء من عند ربنا اذا صبرتى واعتمتدى على الله حيديكى احسن منها متخرجيش اسطوانه القرأن من الكاسيت طوال شهر رمضان وبعد كده عايزة تسمعى اغانى وانتى نازله رايحة الشغل تشغلى القرأن وبليل مثلا تسمعى الانتى عايزاه وحاولى تقرأى مبتلات الحسد وبالنسبة للمحضر لا تتنازلى عن المحضر وعن حقك

المشاركة الأصلية كتبت بواسطة eslam_wega

انا زعلان جدا والله عشان الحداثة بتاعتك التانية دى خصوصا ان العربية لسة جديدة
بس انتى بردوا محتاجة شوية تظبيط فى السواقة
يعنى لو كنتى استنى لما العميد دة يعدى او كانتى خطفتى الحتة دى بسرعة مكنش حصل كدا
بس عموما قدر الله وما شاء فعل وربنا يجعلها اخر الحوداث ان شاء الله

انا لو كنت استنيته كانت ممكن عربية تيجي تخبطني في ظهر عربيتي وده حصل قبل كدة بعربيتي القديمة لما كنت باخد يوتيرن ومستينة السكة تفضي عشان اعدي وهاقطع الشارع وادخل شمال والمسافة الفاصلة يدوب رصيف رفيع جدا ده اولاً، ثانيا لو كنت خدتها خطف كان هايطولني في الباب اللي ورا برده او ياخدلي جنب العربية كله اصلا ويمكن كان لبسني في عربيات تانية راكنة جنب الرصيف وساعتها هابقي بدفعلهم تعويضات طبعا لان مالهمش ذنب .
يعني في الحالتين كنت هاخسر برده .
انا لما كنت بتعلم سواقة جديد ومكنتش بعرف اسوق كويس مكنتش بتخبط كدة لكن بعد ماتعلمت واتمكنت من السواقة بقيت اتخبط خبطات تقطم الوسط زي اللي حكيت عنها دي من ايه معرفش .
وعلى فكرة الشارع ده بالذات انا لا اتهورت فيه ولا كنت ماشية ببلطجة بالعكس كنت ماشية كويس وباحترام وبهدوء ومركزة في طريقي اللي قدامي كويس لكني توقعت ان اللي على يميني هاينتبه انه بيعدي تقاطع وهايتنيل علي عينه يبص قدامه مش يكون ماشي مسطول بالشكل ده وينزل من المطب وياخد سرعته بسرعة كدة وكمان باصص في اتجاه تاني خالص معرفش كان باصص علي ايه .

عموما قدر الله وماشاء فعل والحمد لله على كل شئ.

المشاركة الأصلية كتبت بواسطة eslam_wega

بالنسبة للمحضر اية الى حصل فى الاخر ؟

لسة معرفش اخبار عن المحضر
ومش عارفة اتابعه ازاي اصلا ولا ايه الخطوة الجاية ولا هاروح انا ولا هما هايستدعوني بقي ولا ايه مش عارفة .
بس اللي عرفته انه طلع عقيد على المعاش يعني لسة مش في الخدمة.
وانا مديري هايكلملي عقيد شرطة بحيث يتابعلنا الاخبار ونشوف هانعمل ايه.

المشاركة الأصلية كتبت بواسطة elwad_crazy

لا حول الله يارب

فكرتينى زمان من حوالى سنتين كده باخد يوتيرن والاقى عربيه شرطه بترجع بضهرها
يعنى عكسى فكعسى ووجنب العربيه اتبهدل


وااحمدى ربنا على كل حاجه

______________________

انتى ممكن تروحي لسمكري يرد الرفرف الخلفي
ولو ينفع تردي الرفرف الامامى يبقي خير وبركه او تغيره بواحد جديد او استيراد

وده اللى انا اقدر افيدك

المشاركة الأصلية كتبت بواسطة musiccairo

الحمد لله على سلامتك اولا
وقدر الله وماشاء فعل
وبخصوص التلفيات دي
اظن ان كدا في فانوس هيتغير والرفرف الامامي يتغير وبكدا يكون اسهلك بدل السمكره في الرفرف ووجع القلب وطول الوقت
بدل انا يبقى في سمكره في الرفرف الامامي
والتلفيات الخلفيه اظن انها هتروح لسمكري سمكرة رفرف خلفي وباب طبعا وهيترش
معلش تحسي من كلامي ان الخبطات كتيره
بس بسيطه ان شاء الله
واحمدي ربنا وخدي بالك بعد كدا من الطريق وخلي اديكي على الكلاكس
حمد لله على السلامه مره تانيه

الحمد لله على كل شئ

المشكلة ان العربية زير و وخايفة اعك فيها في موضوع سمكرة الباب الخلفي والرفرف الخلفي ده مترجعش زي الاول تاني.
عموما انا هاشوف هاعمل ايه.

المشاركة الأصلية كتبت بواسطة bmw323

قدر الله وماشاء فعل معلش يا أنسة رنا بســــــــــــــــيطة أن شاء الله
الحاجات دى كلها بسيطة وتتعمل على طول أن شاء الله
ونصحية صغيرة لو حاسة أن أعصابك بايظة ريحى نفسك شوية من السواقة أسبوع كدة ولا حاجة على ما العربية تخلص أهم حاجة أنتى دبحتى للعربية ولا لان الموضوع دا مهم جدا وربنا يحفظك أن شاء الله

الحمد لله على كل شئ
انا بفكر اعمل كدة بس مينفعش اعمل الحركة دي في رمضان لإني اه هاريح اعصابي من السواقة لكن اعصابي هاتتعب اكتر من انتظاري للمواصلات وحرقة الدم بتاعة كل يوم على مالاقي مواصلة اروح بيها شغلي وحماقة سواقين الميكروباص والتاكسي وسلوكاتهم المشينة مع الركاب .
فيمكن اصلح العربية بعد العيد بإذن الله.