اقراء قران عليها انت واخد عين اصلى مش معقول كل يوم حدثة كدا
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
بعد ماحكيتلكوا علي حادثتي الاولانية بتاعة النيو اكسنت اللي كانت في الموضوع ده
أول حادثة بالنيو اكسنت (قدر الله ماشاء فعل)
واللي انتهت بإني اشتريت جنط جديد وفردة كاوتش جديد من التوكيل بمبلغ 1026 جنيه مصري ده غير المشورة من مركز كارفان الرحاب لشركة التامين لكارفان الرحاب تاني لكرافان مدينة نصر وبعدين لشركة التأمين وبعت الفاتورة لشركة التأمين وفي انتظار الشيك اللي لسة قدامه شوية حلوين علي ماييجي
وبعد عدة خبطات بسيطة
أولها بنت بتتعلم سواقة على عربية فيرنا محطوط عليها تعليم قيادة وماشية وماسكة يمين اوي وعلى مدخل شارعين ومش محددة هي رايحة وانا مدية اشارة يمين من بدري (فتوقعت انها داخلة يمين برده لإنها كانت مهدية اوي) فروحت عديتها من الشمال ودخلت الشارع وافتكرت غنها هاتلف معايا وإني خلاص عديت منها لكنها لحقتني وخبطتني في الرفرف الخلفي فوق العجل كدة واسفل الباب الخلفي يمين اينعم الخبطة بسيطة لكنها جرحت جزء من الدهان في الباب والرفرف ونزل الولد اللي بيعلمها وقعد يزعقلي وانا اقوله مانا مدية اشارة ومعدياها من الشمال وهي ماسكة يمين وده مخدل شارع فضل يزعق وكان عايز الشرطة تيجي (اتاريه كان بيحاول يهددني بالشرطة عشان يطلب فلوس تصليح لعربيته) هو خسايره عنده فانوس امامي شمال اتنطر لبره بس متكسرش وتطبيقة في الاكصدام الأمامي شمال. المهم لما لاقيته مستفز كدة قولتله انت اللي المفروض تدفعلي تصليح فضل يزعق ويتخانق والناس طبعا المطيباتية معلش دي بسيطة اصله هايدفعها من مرتبه قولتلهم يعني انا اللي هلاقي الفلوس في الشارع يعني واصلح؟ ماهي برده من مرتبي قولتله عايز تعمل محضر تعالي نعمل محضر فجاب ورا لما قولتله كدة وقعد يتحسبن ومن حظة كان في امين شرطة معدي بالصدفة قلتله مش كنت عايز الشرطة اهي الشرطة جت حاول يخلع لكني صممت نروح القسم وفعلا اخد رخصي ورخصه ورخصة البنت اللي سايقة وطلع معايا الامين في عربيتي علي القسم.
وهناك بقي الضابط سألنا حصل ايه حكيتله اللي حصل لكن الولد مسكتش وفضل برده يتكلم بنفس الاسلوب الظابط خلاه يحكي وبعدين سال البنت دي الحصة الكام ليكي قالتله التانية او التالتة قالّه يامفتري الحصة التانية وتطلعها علي جسر السويس وعبد العزيز فهمي البنت قالته انا بسوق وكان عندي عربية بس قلت اجرب الفيرنا واخد عليها كام حصة .
انا قلت للضابط انا كنت ناوية امشي واستعوض ربنا وخلاص لكنه فضل يزعق وصمم نعمل محضر الضابط بعد مابص في رخصه راح قايلله يابني انت متخلف انت عارف انك كدة كدة هاتطلع غلطان ومع ذلك عايز تعمل محضر (اتاري العربية تقريبا مكنتش مترخصة تعليم وكمان مش بإسم صاحب المكتب ومكتوب عليها ملاكي دقهلية) وغالبا كمان الولد مش معاه رخصة تععليم قيادة المهم موقفه القانوني كان منيل بنيلة الضابط قالله ماتدفعها اللي هي عايزاه وتعمل تصالح قاله ياباشا ادفع مين انا اللي مضرور قالله طيب مش انت اللي مضرور خلاص خد يابني اتحفظلنا علي العربية دي ودخلها جراجد القسم وراح معاه فعلا وبعدين خد مفتاح العربية حطها في الدرج عنده.
انا بصراحة لما لاقيت الموقف تفاقم كدة حسيت اني لو كملت وعملت محضر هاحط الولد في موقف صعب وهايتورط جامد فخفت اني اكون افتريت عليه ولا حاجة وقلت بلاش اصلي مش هاستفيد اي شئ لو اتحبس ولا اتحفظوا علي عربيته وهايتأذي في شغله جامد فقولت للظابط انا متنازلة وعملنا محضر محضر مشادة كلامية وصلح ومشينا واستعوضت ربنا في الخبطة وخلاص.
تاني خبطة بقي واحد راكب BMW جمرك السويس كان بيرجع بظهره عشان يخرج من ركنته رغم اني كنت بعيد عنه وكان المفروض يكسر عجله يمين او شمال عشان يطلع في طريقه لكنه فضل يرجع لروا يرجع لورا (مش عارفة كان رايح فين بصراحة) لحد ماخبطني فنزلت زعقتله ونزل مخضوض وبقوله انت عملت كدة ازاي انت معندكش مرايات رد عليا قاللي لأ عندي بس اهدي بصيت علي عربيتي لاقيته طبقلي جزء في الرفرف الامامي شمال قلتله طب اعمل ايه انا دلوقتي قاللي معلش انا اسف عموما لو عايزاني اصلحهالك اصلحهالك قلتله تصلح ايه بس هو انا كل حد يخبطلي العربية وسيبته مشيت.
كل اللي فات ده كووووم ومش مشكلة وانا قلت بسيطة والموضوع عدة ومش مشكلة وحصل خير لكني الحادثة بتاعة امبارح دي كووم تاني خالص.
وهاعملها في المشاركة الجاية عشان مش مكفية مشاركة واحدة.
يتبع
رقم العضوية : 33115
تاريخ التسجيل : 16Feb2009
المشاركات : 2,225
النوع : ذكر
الاقامة : Obour City
السيارة: Gen2 /2017
السيارة[2]: Gen2 /2010
الحالة :
اقراء قران عليها انت واخد عين اصلى مش معقول كل يوم حدثة كدا
http://img844.imageshack.us/i/dscf0140c.jpg/
رقم العضوية : 20472
تاريخ التسجيل : 28Sep2008
المشاركات : 7,471
النوع : ذكر
الاقامة : Cairo - Alrehab
السيارة: Hyundai - Getz 2007
السيارة[2]: Elantra AD - 2017
دراجة بخارية: -----
الحالة :
معلش قدر الله و ماشاء فعل و أحسن حاجة الواحد يتوقع خطأ الغير دايما و يفترض أنه مابيعرفش يسوق
حضرتك بس غلطانة في حتة صغيرة ... لما شوفتي عربية تعليم القيادة المفروض تبعدي عنها لأنها ممكن تتلبخ و تضرب لخمة و تروح ضاربه عربيتك و ده اللي حصل
عموما معلش و أحتسبي كل ده عند ربنا و قضي أخف من قضي
و كل عام و أنتي و كل اخواننا بالمنتدي بخير و رمضان كريم
رقم العضوية : 11997
تاريخ التسجيل : 01Jun2008
المشاركات : 1,019
النوع : انثى
الاقامة : Cairo
السيارة: مفيش ... هي سيارة واحدة والحمد لله
السيارة[2]: New Accent 2010 - Maroon
الحالة :
اليوم انقل لكم اليوم احداث الحادثة الثانية للعربية النيو اكسنت اللي حيلتي
امبارح روحت شغلي في امان الله وبعدين استأذنت حوالي الساعة 11:30 عشان اروح البنك ادفع قسط العربية في روكسي يادوب طلعت شارعين بعد الشغل وبعدي تقاطع زي ماهو موضح في الرسمة المرفقة
عشان التوضيح بس عربيتي المربع اللي لونه نبيتي عربية الراجل اللي خطبني لونها اخضر والعربية اللي لونها ازرق ده لوري راكن جنب الرصيف والفاصل الملون اللي بين الشوارع ده جزيرة وسطي
المهم بعد ماعديت الصينية الصغيرة (اللي لونها اسود) وكنت مهدية جدا لإن كان في عربية قاطعة الطريق من شمالي واستنيتها تعدي وبعدين اتحركت ولمحت الراجل اللي في الشارع اللي جاي علي يميني مهدي وبيعدي المطب بس مش باصص قدامه خالص وكان باصص علي الشمال فتوقعت انها هايشوفني ويهدي ويستناني اعدي خصوصا اني اتحركت ببطء وكنت خلاص عديت نص الطريق وخلاص داخلة الشارع اللي في وشي وإذ فجأة اسمع صوت خبطة تقيل وتكسير ولاقيت عربيتي اتنطرت وراحت خابطة في اكصدام حديد بتاع عربية لوري بتبيع خضار كانت راكنة جنب الرصيف عموما الشكل كله واضح في الرسمة.
نزلت لاقيت الفانوس الامامي يمين عندي متدغدغ والرفرف الأمامي متشلفط على الأخر وده من خبطة الراجل صاحب العربية ال BMW (مش عارفة ليه حظي كدة مع البي ام بالذات) ولاقيت في الجنب اللي ورا الرفرف (او الحتة اللي فوق العجل منه) معووجة ومتكحتة وجزء من الباب من تحت برده معووج ومتكحت ودول كانوا من اثر نطرة العربية وخبطتها في اللوري اللي راكن .
ده غير ان الباب اللي جنب السواق مش بيفتح عشان الرفرف قافل عليه .
هو بقي خسايره علي حسب ماسمعت لإنه ركن بعيد ونزل يتفاهم معايا النمر عنده اتكسرت وتقريبا في اعوجاج بسيط في الشبكة الامامية عنده .
البيه نزل وانا نزلت وببصله بذهول ومش مصدقة اللي عمله ده الاقيه يقوللي أولا انا العميد فلان وبصي انتي اللي غلطانة ده طريقي انا وانتي اللي خبطتيني وده شغلي وانا عارف بقول ايه واحمدي ربنا انتي خسايرك اقل من خسايري.
قلتله غلطانة ايه أولا ده تقاطع يعني لاطريقك ولا طريقي وثانيا انت مش باصص قدامك اصلا وخطبتني وبهدتلي عربيتي وتقولي خسايري اقل .
المهم كان في عسكري واقف قال نتصل بالشرطة قولتله اتصل (طبعا قبلها حاولت اقوله يصلح خبطته دي لكنه رفض وكان عايز يحملني حق خبطته كمان) اتصلت بناس عندي من الشركة عشان يكون معايا حد ومبقاش لوحدي.
المهم اتصلنا بالدورية وعلي ماجه امين الشرطة فضلنا بتاع نص ساعة واقفين واحد نزل من العمارة سلم على العقيد ده وقعد يقولي انتي اللي غلطانة (مع انه مشافش الموقف وبإعترافه انه نزل علي صوت الخبطة بس نازل يجامل جاره على حسابي انا) والاقيه يقوله هي ماشية بسرعة قلتله اتقي الله امشي بسرعة ايه دانا كنت مهدية عشان اعدي عربية من الحارة اللي قبليه امشي ازاي بسرعة في مكان زي ده اصلا حرام عليك هو اللي مكنش مركز ومش باصص قدامه والناس طبعا المطيباتية يقولولي بسيطة قلتلهم بقولكوا ايه محدش يقوللي بسيطة طالما مش هايدفع اللي بيقول بسيطة يتفضل يدفع حق تصليحها وجه امين الشرطة وطبعا عرفه بنفسه انه العميد فلان والامين عاين مكان الحادثة وعاين تلفياتي وتلفياته والراجل من بجاحته يقوللي انا هارجع عليكي وعلي شركة التأمين عشان تصلحولي عربيتي والمحضر هايطلعك انتي الغلطانة المهم خلصنا بعدين طلعنا على القسم عشان نكمل المحضر الضابط لما ادي رخصي ورخص الراجل اللي خبطني للعسكر عشان يعمل محضر العسكري اول مابص فيهم وشاف الوظيفة عقيد قاله ياباشا راح الضابط قاطعه وقالله واحنا مالنا ومال وظيفته اعمل محضر وخد اقوالهم هما الاتنين.
وروحت معاه واخدوا اقوالي المهم في النص جه عسكري تاني نده للي بيكتب المحضر وقالله بخصوص المحضر بتاع العقيد فلان هات المحضر واطلع لرئيس المباحث ولا معرفش فلان بيه فوق عشان عايزك.
لما نزل لاقيته بيقوللي انتي كلمتي حد قلتله بإستغراب لأ ليه؟ قاللي ابدا اصل فلان بيه بيوصيني اخلصلك المحضر بتاعك وامشيكي على طول ومأخركيش يعني شكلك متوصي عليكي قلتله انا مكلمتش حد بس معايا ربنا هو احسن من اي حد.
المهم خلص اقوالي ومضاني عليها واداني رقم المحضر قلته طب عايزة صورة المحضر قاللي الطرف التاني لسة مجاش لما ناخد اقواله تعالي بعد ساعة يكون وصل وناخد اقواله وتاخد صورة من المحضر قلتله طب قدر مجاش قاللي لازم ييجي رخصه هنا قلتله ياسيدي ده عقيد يعني ممكن يمشي من غير رخص اصلا. قاللي بس تعالي بعد ساعة بس وهاخلصلك كل حاجة.
رجعت شغلي وطبعا مديري عرف وكلمني عشان يطمئن عليا وشاف العربية وقاللي متقلقيش ان شاء الله بسيطة والتأمين يصلحها بس رحس خدي صورة من المحضر ومش مهم اقوال الطرف التاني طالما تأمينك بيغطي اخطائك واخطاء الغير.
وفعلا روحت ولاقيت المحضر جاهز بأقوال الطرف التاني اخدته وروحت اصوره لاقيت الراجل كاتب كلام يلبسني في الحيط واني كنت ماشية بسرعة وبدون الالتفات لحركة الطريق ودليل سرعتي ان نور الفرامل لم يضئ (معرفش جابها منين دي) وان انا اللي خبطته وان تلفياته تقدر بحوالي 2500 جنيه وانه متمسك بجميع حقوقه القانونية تجاهي. طبعا اتجننت لما شوفت الكلام ده وروحت طلبت اضيف اقوال للمحضر ونفيت انيموضوع السرعة وقلت اني كنت لسة علي الغيار الأول وان هو مكنش باصص قد=امه ونزل من المطب واخد سرعته ودخل في عربيتي وان تلفياتي تقدر بأكتر من 5000 جنيه العسكري قاللي نخليهم 8 قلتله ماشي 8000 جنيه واني برده متمسكة بجميع حقوقي القانونية تجاهه.
واخدت صورة المحضر وكلمت شركة التأمين ويم السبت ان شاء الله رايحة اعمل صيانة الألف واشوف موضوع الحادثة بقي والمقايسة والحوارات دي.
وادي صور عربيتي بعد ماتشلفطت .
دي الخبطة الامامية
انا بجد تعبت وقرفت ومبقتش عارفة اعمل ايه من اسلوب الناس وكدبهم واذيتهم لعربيتي .
انا اتعقدت من العربية لدرجة اني قلت لو مكانتش تقسيط كنت بعتها وخلصت من وجع القلب ده .
عموما قولولي بقي توصياتكم بخصوص الحادثة دي وياتري هاتكلف في حدود كام وإيه اللي هايتغير وايه اللي هايتسمكر ويتصلح.
رقم العضوية : 3484
تاريخ التسجيل : 29Nov2007
المشاركات : 2,120
النوع : ذكر
الاقامة : مدينة بلا لانسر (بومة) في الشوارع
السيارة: Daihatsu Sirion 1.3L GLX 2009
السيارة[2]: BMW 525i 2007
دراجة بخارية: أحبوش
الحالة :
ربنا يعوض عليكي
الحسد مذكور عليكي بالقرآن
[aldl]http://nileup.com/up/uploads/nilemotors_13899410841.jpg[/aldl]
رقم العضوية : 33115
تاريخ التسجيل : 16Feb2009
المشاركات : 2,225
النوع : ذكر
الاقامة : Obour City
السيارة: Gen2 /2017
السيارة[2]: Gen2 /2010
الحالة :
انا زعلان جدا والله عشان الحداثة بتاعتك التانية دى خصوصا ان العربية لسة جديدة
بس انتى بردوا محتاجة شوية تظبيط فى السواقة
يعنى لو كنتى استنى لما العميد دة يعدى او كانتى خطفتى الحتة دى بسرعة مكنش حصل كدا
بس عموما قدر الله وما شاء فعل وربنا يجعلها اخر الحوداث ان شاء الله
http://img844.imageshack.us/i/dscf0140c.jpg/
رقم العضوية : 33115
تاريخ التسجيل : 16Feb2009
المشاركات : 2,225
النوع : ذكر
الاقامة : Obour City
السيارة: Gen2 /2017
السيارة[2]: Gen2 /2010
الحالة :
بالنسبة للمحضر اية الى حصل فى الاخر ؟
http://img844.imageshack.us/i/dscf0140c.jpg/
رقم العضوية : 31624
تاريخ التسجيل : 31Jan2009
المشاركات : 520
النوع : ذكر
الاقامة : S U E Z
السيارة: L a N o S 1
السيارة[2]: L a N O S 2
الحالة :
لا حول الله يارب
فكرتينى زمان من حوالى سنتين كده باخد يوتيرن والاقى عربيه شرطه بترجع بضهرها
يعنى عكسى فكعسى ووجنب العربيه اتبهدل
وااحمدى ربنا على كل حاجه
______________________
انتى ممكن تروحي لسمكري يرد الرفرف الخلفي
ولو ينفع تردي الرفرف الامامى يبقي خير وبركه او تغيره بواحد جديد او استيراد
وده اللى انا اقدر افيدك
[sor2]http://www.nilemotors.net/Nile/signaturepics/sigpic31624_3.gif[/sor2]
elwad_crazy@yahoo.com
رقم العضوية : 20232
تاريخ التسجيل : 26Sep2008
المشاركات : 2,000
النوع : ذكر
الاقامة : Ca!ro
السيارة: So0N
السيارة[2]: Gen.2
دراجة بخارية: ........
الحالة :
الحمد لله على سلامتك اولا
وقدر الله وماشاء فعل
وبخصوص التلفيات دي
اظن ان كدا في فانوس هيتغير والرفرف الامامي يتغير وبكدا يكون اسهلك بدل السمكره في الرفرف ووجع القلب وطول الوقت
بدل انا يبقى في سمكره في الرفرف الامامي
والتلفيات الخلفيه اظن انها هتروح لسمكري سمكرة رفرف خلفي وباب طبعا وهيترش
معلش تحسي من كلامي ان الخبطات كتيره
بس بسيطه ان شاء الله
واحمدي ربنا وخدي بالك بعد كدا من الطريق وخلي اديكي على الكلاكس
حمد لله على السلامه مره تانيه
إلى القمهmusiccairo سابقا
رقم العضوية : 8870
تاريخ التسجيل : 13Apr2008
المشاركات : 2,132
النوع : ذكر
الاقامة : cairo
السيارة: Suzuki ALTO
السيارة[2]: BMW 325
دراجة بخارية: Soon isa
الحالة :
قدر الله وماشاء فعل معلش يا أنسة رنا بســــــــــــــــيطة أن شاء الله
الحاجات دى كلها بسيطة وتتعمل على طول أن شاء الله
ونصحية صغيرة لو حاسة أن أعصابك بايظة ريحى نفسك شوية من السواقة أسبوع كدة ولا حاجة على ما العربية تخلص أهم حاجة أنتى دبحتى للعربية ولا لان الموضوع دا مهم جدا وربنا يحفظك أن شاء الله
BB code
المفضلات