الموضوع: الداخلية تدافع عن حملات المجاهرين بالإفطار

المشاركة الأصلية كتبت بواسطة maka

انا مقرتش الموضوع بس واضح من العنوان انه افساد فى الارض

لكن هنا الوضع فى مصر كان مختلف . انا قريت فى الجرنال ان مابين اللى اتقبض عليهم واحد رايح يشترى علبة عصير

لابنه وهو صائم ومع ذلك قبضوا عليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يعنى افرض واحد مسافر من القاهرة لاسوان وعنده السكر وجاله هبوط ميجريش الراجل على اقرب محل يشترى باكو

بسكويت ويشرب عصير ولا يموت احسن

وموقف مختلف حدث قدامى من سنتين كنت ركاب ميكروباص الجيزة من الوارق والسواق بيشرب شاى وسجاير

والناس تقوله حرام يقولهم انا على سفر و عند منطقة الجزارين وقفه امين وركب معه وعادى جدا ولا كانه شايف حاجة

غريبة ولا كان الدنيا صيام

وكمان انا من وجهة نظرى المتواضعة ( بعيدا عن الافتاء وليس راى لاحد العلماء ) ان الدين الاسلامى لم يضع حد

للمفطر حتى لا يستخدم ه ضعاف النفوس ضد من لديهم رخص والله اعلم

حضرتك قلت كلمة حلوة اوي , ان ده افساد في الآرض

بخصوص الحالات اللي حضرتك قلتها
كلها بتندرج تحت بند تطبيق خاطيء للقانون - سواء مقصود او غير مقصود - و ده بنشوفه في قوانين كتير , اقربها يافطة ممنوع الانتظار اللي بتتقلب لحد ما الفريسة تركن , و بعدين اليافطة تتعدل و العربية تتكلبش

و ماحدش قال تتلغي يفط ممنوع الانتظار , و لكن يتحاسب المخطيء , و ده المنطقي و الصحيح

اما بخصوص مسألة ان مافيش حد
فمافيش حد فعلا
لكن مش كل حاجة ليها عقوبة يبقى لازم يكون ليها حد
حتى في عبادة
ممكن تبقى العقوبة دي للحفاظ على المجتمع نفسه من الانفلات

زمان كان فيه عندنا العيب , و دي كانت اقوى حتى من القانون
كان المفطر بيتكسف يفطر قدام الناس
من مجرد غنوة يا فاطر رمضان يا خاسر دينك :)
و كانت صور انحلال كتير اوي , محجمها مجرد نظرة الناس
لكن للأسف
الاعلام الرائع النهارده دمر مفهوم نظرة الناس , و طلع حجة التخلف , اللي كرست مفهوم البجاحة
و شفنا الانحلال بناء على كده صور و الوان

و دلوقت مش فاضل يحمينا من الانحلال الكامل غير القانون , اللي برده
فيه شغل بيتعمل عليه عشان ما يمنعش ده

المشاركة الأصلية كتبت بواسطة maka

انا مقرتش الموضوع بس واضح من العنوان انه افساد فى الارض

لكن هنا الوضع فى مصر كان مختلف . انا قريت فى الجرنال ان مابين اللى اتقبض عليهم واحد رايح يشترى علبة عصير

لابنه وهو صائم ومع ذلك قبضوا عليه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يعنى افرض واحد مسافر من القاهرة لاسوان وعنده السكر وجاله هبوط ميجريش الراجل على اقرب محل يشترى باكو

بسكويت ويشرب عصير ولا يموت احسن

وموقف مختلف حدث قدامى من سنتين كنت ركاب ميكروباص الجيزة من الوارق والسواق بيشرب شاى وسجاير

والناس تقوله حرام يقولهم انا على سفر و عند منطقة الجزارين وقفه امين وركب معه وعادى جدا ولا كانه شايف حاجة

غريبة ولا كان الدنيا صيام

وكمان انا من وجهة نظرى المتواضعة ( بعيدا عن الافتاء وليس راى لاحد العلماء ) ان الدين الاسلامى لم يضع حد

للمفطر حتى لا يستخدم ه ضعاف النفوس ضد من لديهم رخص والله اعلم

على سفر من الجيزة للوراق؟ الراجل ده بيشتغل نفسه و لا بيشتغلنا؟


بص موضوع واحد عنده السكر ده مختلف .......

بس اكيد هيتدارى مش هيقف على قارعة الطريق يشرب عصير و ياكل بسكوت

انا مريض و فاطر امبارح و النهاردة على فكرة

عندي نزلة شعبية و التهاب حاد جدا في الحلق و الجيوب الانفية

و هاموووووووووووت و اشرب حاجة دافية

خرجت من العيادة بتاعة المستشفى امبارح و الدكتورة قايلة لي افطر

كان فيه كوستا جوة المستشفى و ناس بتاكل و تشرب

فكرت اخد شاي اخضر او اي حاجة دافية لاني فعلا كنت باتألم بس قلت لأ اما هارجع البيت

المشاركة الأصلية كتبت بواسطة ash_rsi

ههههههههههههههههههههههههه هههههههه

بينما قال مصدر أمنى بمديرية أمن القاهرة إنه لم تصدر لهم تعليمات خاصة بالقبض على من يجاهر بفطره فى نهار رمضان، ولكن من سلطة ضباط الشرطة توقيف من يفعل ذلك وتحرير محضر له، لأن فعله يؤذى شعور الآخرين، ويكون العقاب فى تلك الحالة فرض غرامة مباشرة 50 جنيها على من يجهر بفطره.

يعنى اللى بيحششه وبيضربوا بانجو ى كل مكان وعلى النواصى دول مش اولى ان البوليس يتعقبهم
وفى الخناقات تتصل بالبوليس مايجيش ولا فى الحوادث اللى من غير اصابات تتصل استحاله البوليس يجى مش كل ده اولى بتتدخل البوليس
ولا دايما فى بلدنا نجد مليون مبرر لشئ اتعمل ومانلاقيش مبرر واحد عن شئ المفروض يتعمل

اخي الفاضل


تلك تقرة و تلك نقرة اخرى

يعني مثلا لو ابن اي حد فينا بيشرب سجاير (في غير رمضان) ..... ينفع يشرب قدامك؟ و يقول جت عليا انا يا بابا ما كل العيال بتشرب في الشارع


ما لا يطرق كله لا يترك كله

و مش مهم نبتدي بايه

الحكومة بتحاول تعمل حاجة كويسة حتى لو بعضنا شايفها هايفه ........ بلاش الفكر السلبي بتاع "و جت على دي ما نصلح الاهم الاول"


مثال اخر

حضرتك لو عربيتك مخبوطة في الباب مثلا

مش هتغسلها؟ هتسيبها قذرة و مليانة تراب و طين؟ و هتقول و جت على دي ما شكلها وحش اصلا ؟ اما نبقى نسمكر نبقى نغسل؟

اكيد لأ