استفتاء كل الفولكسويه عن زيت الموتور

**newcastle** · 26-10-2009 07:16 PM

المشاركة الأصلية كتبت بواسطة umoussa

طيب طالما عندك استعداد حط زيت تخليقي وجرب مش حتخسر حاجة والعربية مش حتزعل منه

بالنسبه للجيتا اول تغيير للزيت بيبقى امتى(معانا من الزيرو) وايه احسن نوع زيت تخليقي ليها؟

**adel_2346** · 26-10-2009 10:07 PM

طب يا جماعة موبيل xhbايه ظروفه عندى كويس ومفيش نقص اغير ولا لا وانا استعمالى متوسط

**elshrpeny** · 27-10-2009 06:56 PM

السلام عليكم ورحمة الله وبركاته

ازيكم يا شباب المنتدى وبالأخص شباب الفولكس واجن وبلأخص بقى البولو هههههههههههههههه

بجد وحشتنى معلوماتكوا المميزه والمفيده والجميله

وبسلم على الأستاذ أسامه والأستاذ اوريجنال وبقية اعضاء المنتدى المحترمين

وبالمناسبه بقى انا بولو 2001 وعامله 85000 حاليا وحالة الموتور جميله ومغيرلها من حوالى 1850 كم زيت موبل 3000 من أبو 100 جنيه دا ولسه مغيرتش بقى من ساعتها .

حضراتكم بقى شايفين انى أغير لزيت تخليقى ولا اغير لزيت معدنى بس نوع افضل زى كالتكس دا الى معرفش سعره للأن او اقل شىء شيل ؟

أرجو الأفاده لشروعى فى تغيير الزيت قريبا.

والسلام عليكم ورحمة الله وبركاته

**elshrpeny** · 03-04-2010 08:58 AM

محدش رد عليه يعنى من 5 شهور وأكتر إيه هو سؤالى صعب اوى للدرجه أدى

**ahmedamr** · 03-04-2010 04:19 PM

انا عندى بيتل
بحطلها زيت التعاون الجركن الاحمر بغيرة على حسب استخدام العربية انا راكنها اساسا بسخنها كل فترة بس

**ابوهاشم** · 03-04-2010 04:21 PM

ممكن تجرب التعاون sl لون الجركن اصفر وبيعمل 5000
سعره 70جنيه بصراحه انا مش معايا بولو
لكن جربته فى عربيتى الدوجان وهو ممتاز
وفى كمان التعاون سوبر 7000ك ولونه اصفر برضه
وسعره 85جنيه

**elshrpeny** · 03-04-2010 05:48 PM

وهل دول يا أستاذ هاشم أفضل من الموبل 1 ال 3000 كيلوه لان انا كنت مغيره ب 105 جنيه وانت حضرتك بتقول ان ال 7000 كيلو ب 85 جنيه يعنى معنى كدا انه أقل فى الجوده ولا إيه ؟

**M.Mostafa80** · 03-04-2010 08:31 PM

جرب شل الأزرق 7000ك سعره 160 جنيه ودا زيت نصف تخليقى وبيخلى صوت الموتور هادى وبيستخد للمواتير ذات الأعمار المتوسطه

**ابوهاشم** · 04-04-2010 01:32 AM

المشاركة الأصلية كتبت بواسطة elshrpeny

وهل دول يا أستاذ هاشم أفضل من الموبل 1 ال 3000 كيلوه لان انا كنت مغيره ب 105 جنيه وانت حضرتك بتقول ان ال 7000 كيلو ب 85 جنيه يعنى معنى كدا انه أقل فى الجوده ولا إيه ؟

جربه ياباشا ومش هتندم
انا كنت شغال بشيل 5000 وغيرت للتعاون الا صفر 5000 ومافيش فرق
وللعلم اصحابى كانو بيستخدمو موبيل ولما قولتلهم عليه جربوه وهو ممتاز معاهم
جربه مره ولك حرية الاختيار

**archi_bibo** · 06-04-2010 12:05 AM

والله يا جماعه موضوع الزيت ده محير فعلا انا اعرف مهندس في احدى شركات البترول قالي ان انواع الزيوت المختلفه مبتفرقش تماما عن بعض الا في العلامه التجاريه فقط لانها مرتبطه بمواصفات دوليه محدده بتلتزم بها كل الشركات المصنعه للزيوت حاجه كده زي البنزين ال 90 في شل زي موبيل ....الخ . والله
سؤال بقه با استاذ هاشم بحكم خبرتك السابقه في البيتلز انا عربيتي مو1981 ولسه عامل عمره ايه احسن زيت ممكن احطه انا الاول كنت بغيرلها زيت شل اكس 100 الجيركن الابيض علشان زيت تقيل ده اتقل من الزيت العاده ال 3000كم على اساس ان العربيه تبريد هوا وبتسخن والزيت بيحل والكلام ده ولا ايه رايك ؟؟؟؟؟؟....

الموضوع: استفتاء كل الفولكسويه عن زيت الموتور

LinkBack

أدوات الموضوع

عرض

-

-

-

-

المواضيع المتشابهه

استفتاء في معدل استهلاك زيت الموتور

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

الكلمات الدلالية لهذا الموضوع

المفضلات

المفضلات

ضوابط المشاركة