استفتاء كل الفولكسويه عن زيت الموتور

**sakr84** · 29-04-2010 09:19 AM

المشاركة الأصلية كتبت بواسطة ahit

تامر باشا
للأسف زيت التعاون الإسود مش كويس و غير مناسب للبيتل عن تجربة و بيخلى صوت الماتور عالى و خشن.

يعنى يا احمد باشا تنصجنى بايه ؟؟ اغير الزيت ده على كام ؟؟؟ اغيره على 1000 كيلو ولما يخلص الجركن اجيب واحد تانى ؟؟؟ ولا مكملش بيه ؟؟؟ وانت من واقع تجربتك اجيب انهى زيت ؟؟؟ تعاون الاحمر ولا كالتكس ؟؟؟ ولا حاجه تانيه بس المهم تكون جربتها

**tornado732000** · 30-04-2010 07:35 PM

هو يعنى ايه زيت تخليقى وزيت معدنى وزى ايه أنواع وأعرفهم من بعض ازاى

**sakr84** · 12-05-2010 10:39 AM

انا غيرت لزيت التعاون البرتقالى والحمد لله الصوت اختلف 180 درجه وحاسس ان الموتور انعم بكتير عن ما كنت بحط التعاون الاسود والف شكر لجميع المشاركات اللى افدتنى
وعايز اعرفكم ان سعر الجركن التعاون البرتقالى سوبريكس 10000 غلى 3 جنيه من 5/5/2010 يعنى هو كان ب 36 جنيه ودلوقتى ب 39 جنيه

**ahit** · 12-05-2010 07:32 PM

فعلا يا تامر سعره غلى من فترة
بس بصراحة ممتاز و يستاهل

و قريب بأمر الله هاجرب فيسكو ngv و هاقولكم النتيجة

**sakr84** · 13-05-2010 08:55 AM

بالظبط غلى يوم 5/5/2010 هو وكل زيوت التعاون بكل أنوعها والبنزينات المحترمه علقوا بالكلام ده قايمه بالتسعيره الجديده لكل حاجه عندهم

**beatls** · 15-05-2010 11:32 PM

بعد ازنكو يا جماعه انا عايز اعرف مكان تركيب مكنه الستوب والمارشدير

**SamirYehya** · 17-05-2010 09:55 PM

مكنة الستوب ورا العجلة الامامية شمال شمالك وانت سايق لما تكسر الدريكسيون شمال على الأخر هتلاقيها راكبه في الماستر العمومي بتاع الفرامل وبتتفك بمفتاح 24 وتمنها 20 جنيه أما مكنة المرشدير بجد معرفش واول ماهعرف هقولك ...

**SamirYehya** · 17-05-2010 10:06 PM

أنا جربت التعاون سوبريكس البرتقالي وهو بصراحة ممتاز جدا وبعدين أنا غيرته على 1000 كيلومتر زى مانتوا قولتوا ولما جيت أنزل الزيت لاقيته بنفس لونه ولزوجته بعد 1000 حتى انى فكرت ارجعه تاني يمشي بتاع 1000 كمان.
بس بجد زيت فوق الممتاز وبيستحمل درجة الحرارة العالية في الصيف
وان شاء الله مش هغيره

**sakr84** · 18-05-2010 04:25 PM

المشاركة الأصلية كتبت بواسطة samiryehya

أنا جربت التعاون سوبريكس البرتقالي وهو بصراحة ممتاز جدا وبعدين أنا غيرته على 1000 كيلومتر زى مانتوا قولتوا ولما جيت أنزل الزيت لاقيته بنفس لونه ولزوجته بعد 1000 حتى انى فكرت ارجعه تاني يمشي بتاع 1000 كمان.
بس بجد زيت فوق الممتاز وبيستحمل درجة الحرارة العالية في الصيف
وان شاء الله مش هغيره

خلى بالك يا باشا ان ده ممكن يكون غلط لازم تلاحظ لون الزيت ولزوجته كويس وهو نازل ولو لاقيته دايما زى ما انت ما بتقول يبقى فى حاجه غلط فى الموتور دى مش حاجه كويسه وياريت تغير الزيت عند ميكانيكى بيتلز علشان يشوفه وتقوله انه عمل 1000 كيلو مثلا علشان ممكن يلاحظ حاجه معينه وان شاء الله يكون مفيش حاجه بس الاحتياط واجب